ರಾಹುಲ್​ ಓಡಬೇಡಿ..ಚರ್ಚೆ ಮಾಡೋಣ! ವಿರೋಧ ಪಕ್ಷದವರು ಪ್ರತಿದಿನ ಕಲಾಪಕ್ಕೆ ಅಡ್ಡಿ ಪಡಿಸುತ್ತಿದ್ದಾರೆ; ಕಾಂಗ್ರೆಸ್​ ನಾಯಕನ ವಿರುದ್ಧ ಕಂಗನಾ ಕಿಡಿ! Kangana Ranaut on Rahul Gandhi

ನವದೆಹಲಿ: ಸಂಸತ್​ನಲ್ಲಿ ಮಳೆಗಾಲದ ಅಧಿವೇಶನ ನಡೆಯುತ್ತಿದೆ, ಆದರೆ ಒಂದು ದಿನವೂ ಕೂಡ ಅಧಿವೇಶನ ಸರಿಯಾಗಿ ನಡೆಯಲು ವಿರೋಧ ಪಕ್ಷ ಅದರಲ್ಲೂ ಲೋಕಸಭೆ ವಿರೋಧ ಪಕ್ಷದ ನಾಯಕ ರಾಹುಲ್​ ಗಾಂಧಿ ಬಿಡುತ್ತಿಲ್ಲ ಎಂದು ನಟಿ, ಬಿಜಿಪಿ ಸಂಸದೆ ಕಂಗನಾ ರಣಾವತ್ (Kangana Ranaut on Rahul Gandhi)​ ಆಕ್ರೋಶ ವ್ಯಕ್ತ ಪಡಿಸಿದ್ದಾರೆ.

ಮೊದಲು ಸಂಸತ್ತಿನಲ್ಲಿ ಚರ್ಚೆ ನಡೆಯಬೇಕೆಂದು ಕಾಂಗ್ರೆಸ್​ ಪಟ್ಟು ಹಿಡಿಯುತ್ತದೆ. ಚರ್ಚೆಗೆ ನಾವು ಸಿದ್ಧವಿದ್ದೇವೆ ಎಂದು ಬಿಜೆಪಿ ಹೇಳಿದರೆ, ಅಧಿವೇಶನ ನಡೆಯದಂತೆ ಮಾಡುತ್ತಾರೆ, ಇವರು ಜನರನ್ನು ದಿಕ್ಕು ತಪ್ಪಿಸುವ ಕೆಲಸವೊಂದನ್ನು ಬಿಟ್ಟು ಬೇರೆನನ್ನು ಮಾಡುತ್ತಿಲ್ಲ ಎಂದು ಕಂಗನಾ ಆರೋಪಿಸಿದ್ದಾರೆ.

ಅಧಿವೇಶನ ಆರಂಭಕ್ಕೂ ಮುನ್ನ ದೆಹಲಿಯಲ್ಲಿ ನಡೆದಿದ್ದ ಕಾಕ್ರೋಚ್​ ಜನತಾ ಪಾರ್ಟಿ ಪ್ರತಿಭಟನೆ, ನೀಟ್​ ಬಗ್ಗೆ ಚರ್ಚೆ ನಡೆಯಬೇಕೆಂದು ರಾಹುಲ್​ ಗಾಂಧಿ ಒತ್ತಾಯ ಮಾಡಿದರು. ಇದಕ್ಕೆ ಕಿರಣ್​ ರಿಜುಜು ಹಾಗೂ ಅಮಿತ್​ ಶಾ ತಯಾರಿದ್ದೆವೆ ಎಂದರು. ನಂತರ ರಾಹುಲ್​ ಗಾಂಧಿ ಚರ್ಚೆಗೆ ಪಾಲ್ಗೊಳ್ಳಲೇ ಇಲ್ಲ, ಈಗ ಸಂಸತ್​ ಭವನದ ಹೊರಗಡೆ ಪ್ರತಿಭಟನೆ ಮಾಡುತ್ತಿದ್ದಾರೆ ಎಂದಿದ್ದಾರೆ.

ಸದ್ಯ ಮದ್ಯಾಹ್ನ 2 ಗಂಟೆವರೆಗೆ ಲೋಕಸಭಾ ಕಲಾಪವನ್ನು ಮುಂದೂಡಲಾಗಿದೆ. ಸಂಸದೀಯ ಸಚಿವ ಕಿರಣ್​ ರಿಜುಜು, ದೆಹಲಿಯಲ್ಲಿ ನಡೆದ ಪೊಲೀಸ್​ ಕಾರ್ಯಾಚರಣೆ ಬಗ್ಗೆ ಉತ್ತರಿಸಲು ಗೃಹಮಂತ್ರಿ ಅಮಿತ್​ ಶಾ ತಯಾರಿದ್ದಾರೆ. ಆದರೆ ವಿರೋಧ ಪಕ್ಷದವರು ಕಲಾಪಕ್ಕೆ ಅಡ್ಡಿ ಪಡಿಸಿದರೆ ಯಾವುದೇ ರೀತಿಯ ಚರ್ಚೆ ನಡೆಯುವುದಿಲ್ಲ ಎಂದು ಸ್ಪೀಕರ್​ ಓಂ ಬಿರ್ಲಾ ಅವರಿಗೆ ತಿಳಿಸಿದ್ದಾರೆ, (ಏಜನ್ಸೀಸ್​).