ದಾವೂದ್ ಇಬ್ರಾಹಿಂ, ISI ಲಿಂಕ್: 9 ಜನ ಪಾತಕಿಗಳನ್ನು ಬಂಧಿಸಿದ ದೆಹಲಿ ಪೊಲೀಸ್​; ಭಾರಿ ಪ್ರಮಾಣದ ಶಸ್ತ್ರಾಸ್ತ್ರ ಜಫ್ತಿ! People Link with Dawood Ibrahim and ISI Arrest

ನವದೆಹಲಿ: ಪಾಕಿಸ್ತಾನದ ಗುಪ್ತಚರ ಸಂಸ್ಥೆ ಐಎಸ್​ಐ ಹಾಗೂ ಭೂಗತ ಪಾತಕಿ ದಾವೂದ್​ ಇಬ್ರಾಹಿಂ ಜೊತೆ ಸಂಪರ್ಕ ಹೊಂದಿರುವ ಆರೋಪದ ಮೇಲೆ 9 ಜನರನ್ನು (People Link with Dawood Ibrahim and ISI Arrest) ದೆಹಲಿ ಪೊಲೀಸ್​ ವಿಶೇಷ ಕಾರ್ಯಪಡೆ ಬಂಧಿಸಿದೆ.

ಬಂಧಿತರು ದೆಹಲಿ, ಮುಂಬೈ ಹಾಗೂ ಪಂಜಾಬ್​ ಮೂಲದವರಾಗಿದ್ದು ಇನ್ನು ಕೆಲ ವಿದೇಶಿಗರನ್ನು ಸಹ ವಶಕ್ಕೆ ಪಡೆದಿರುವ ಬಗ್ಗೆ ಮಾಹಿತಿ ಲಭ್ಯವಾಗಿದೆ.

ಬಂಧಿತ ಆರೋಪಿಗಳಿಂದ ಭಾರಿ ಸಂಖ್ಯೆಯಲ್ಲಿ ಬಂದೂಕು, ಮದ್ದು-ಗುಂಡು ಹಾಗೂ ಸ್ಪೋಟಕಗಳನ್ನು ದೆಹಲಿ ಪೊಲೀಸರು ವಶಕ್ಕೆ ಪಡೆದು ಕೊಂಡಿದ್ದಾರೆ. ಈ ಶಸ್ತ್ರಸ್ತ್ರಗಳನ್ನು ಬಳಸಿಕೊಂಡು ದೇಶದಲ್ಲಿ ವಿಧ್ವಂಸಕ ಕೃತ್ಯಗಳನ್ನು ನಡೆಸುವುದು ಬಂಧಿತರ ಯೋಜನೆಯಾಗಿತ್ತು ಎಂದು ಹೇಳಲಾಗುತ್ತಿದೆ.

ಬಂಧಿತ 9 ಜನ ಆರೋಪಿಗಳು ದೆಹಲಿ, ಮುಂಬೈ ಹಾಗೂ ಪಂಜಾಬ್​ಗೆ ಸೇರಿದವರಾಗಿದ್ದು, ಇವರಿಗೆ ಮುಂಬೈ ಭೂಗತ ಜಗತ್ತಿನೊಂದಿಗೆ ನಿಕಟ ಸಂಪರ್ಕವಿದೆ ಎಂಬ ಮಾಹಿತಿಯ ಮೇರೆಗೆ ಬಂಧನ ನಡೆದಿದೆ ಎಂದು ಹೇಳಲಾಗುತ್ತಿದೆ.

ಮುಂಬೈ ಭೂಗತ ಜಗತ್ತಿನಿಂದ ನಿವೃತ್ತರಾದವರು ಹಾಗೂ ಸಕ್ರಿಯವಾಗಿರುವ ಪಾತಕಿಗಳ ಜೊತೆಗೆ ಸೇರಿಕೊಂಡು, ದೇಶದಲ್ಲಿ ಅಶಾಂತ ವಾತಾವರಣವನ್ನು ನಿರ್ಮಿಸುವುದು ಇವರ ಗುರಿಯಾಗಿತ್ತು, ಜೊತೆಗೆ ದೇಶದಲ್ಲಿರುವ ಅಣು ವಿದ್ಯುತ್​ ಸ್ಥಾವರಗಳು, ವಿಮಾನ ನಿಲ್ದಾಣಗಳು, ಬಹುರಾಷ್ಟ್ರೀಯ ಕಂಪನಿಗಳನ್ನು ಉಡಾಯಿಸುವುದು ಇವರ ಗುರಿಯಾಗಿತ್ತು ಎಂದು ದೆಹಲಿ ಪೊಲೀಸ್​ ಮೂಲಗಳು ತಿಳಿಸಿವೆ, (ಏಜನ್ಸೀಸ್​).