ಮಥುರಾ: ಚಹಾ ತಡವಾಗಿದ್ದಕ್ಕೆ ವ್ಯಾಪಾರಿಗೆ ರೈಲ್ವೆ ಪೊಲೀಸರಿಂದ ಹಲ್ಲೆ; ಮೂತ್ರ ವಿಸರ್ಜನೆ ಬೆದರಿಕೆ ವಿಡಿಯೋ ವೈರಲ್! Railway Police

ಉತ್ತರ ಪ್ರದೇಶ: ಆರ್ಡ್​ರ್​ ಮಾಡಿದ ಚಹ ಬರಲು ತಡವಾಗಿದಕ್ಕೆ ಅಂಗಡಿಯವನ ಮೇಲೆ ಹಲ್ಲೆ ನಡೆಸಿ ಬಾಯಲ್ಲಿ ಮೂರ್ತ ವಿಸರ್ಜಿಸುವುದಾಗಿ, ರೈಲ್ವೆ ಪೊಲೀಸ (Railway Police) ರು ಬೆದರಿಕೆ ಹಾಕಿರುವ ಘಟನೆ ಉತ್ತರಪ್ರದೇಶದ ಮಥುರಾ ಜಂಕ್ಷನ್​ ಬಳಿ ನಡೆದಿದೆ.

ಅಂಗಡಿಯವನಿಗೆ ಅವಾಚ್ಯ ಪದಗಳಲ್ಲಿ ನಿಂದಿಸಿ, ಅವನ ಕೆನ್ನೆಗೆ ಹೊಡೆದಿರುವ ದೃಶ್ಯ ಸಿಸಿಟಿವಿ ಕ್ಯಾಮರಾದಲ್ಲಿ ಸೆರೆಯಾಗಿದೆ. ಈ ವಿಡಿಯೋ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಫುಲ್​ ವೈರಲ್​ ಆಗುತ್ತಿದ್ದು, ರೈಲ್ವೆ ಪೊಲೀಸರ ವಿರುದ್ಧ ನೆಟ್ಟಿಗರು ಗರಂ ಆಗಿದ್ದಾರೆ.

ಇದರಿಂದ ಕುಪಿತರಾದ ರೈಲ್ವೆ ಪೊಲೀಸರು, ಅಂಗಡಿಯವನಿಗೆ ಬಾಯಿಗೆ ಬಂದಹಾಗೆ ಬಯ್ದಿದ್ದಾರೆ, ಅಷ್ಟೇ ಅಲ್ಲದೇ ಅವನ ಮೇಲೆ ಹಲ್ಲೆ ಸಹ ಮಾಡಿದ್ದು, ನಿನ್ನ ಬಾಯಲ್ಲೇ ಮೂರ್ತ ವಿಸರ್ಜಿಸಿ ಬಿಡುತ್ತೇನೆ ಹುಷಾರ್​! ಎಂದು ಆವಾಜ್​ ಹಾಕಿದ್ದಾರೆ.

ಆಗ ಅಂಗಡಿಯವನು ತಾನು ಬೇರೆ ಕೆಲಸದಲ್ಲಿ ನಿರತರಾಗಿದ್ದೆ ಆದ್ದರಿಂದ ನಿಮ್ಮ ಚಹ ತಯಾರಿಸಲು ತಡವಾಯಿತು. ನೀವು ಈ ರೀತಿ ಹಲ್ಲೆ ಮಾಡುವುದು ಸರಿಯಲ್ಲ ಎಂದು ಹೇಳಿದ್ದಾನೆ. ಇದಕ್ಕೆ ರೈಲ್ವೆ ಪೊಲೀಸರು ನೀನು ಏನು ಮಾಡ್ತಿಯಾ? ಪೊಲೀಸ್​ ಕಂಪ್ಲೆಂಟ್​ ಕೊಡ್ತಿಯಾ? ನಮ್ಮನ್ನು ಏನು ಮಾಡೊಕೊ ಆಗಲ್ಲ ಎಂದು ಹೇಳಿ ಕೆನ್ನಗೆ ಎರಡು ಬಾರಿ ಹೊಡೆದಿದ್ದಾರೆ.

ಈ ವಿಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ಫುಲ್​ ವೈರಲ್​ ಆಗುತ್ತಿದ್ದು, ಜನರಿಗೆ ರಕ್ಷಣೆ ಕೊಡಬೇಕಾದ ಪೊಲೀಸರೇ ಹೀಗೆ ಮಾಡಿದರೆ ಹೇಗೆ ಎಂದು ಬಳಕೆದಾರರು ಕಮೆಂಟ್​ ಮಾಡುತ್ತಿದ್ದಾರೆ.

ಈ ಪೊಲೀಸರ ದರ್ಪ ಎಷ್ಟು ಶತಮಾನ ಕಳೆದರೂ ಕಡಿಮೆಯಾಗದು ಎಂದು ಒಬ್ಬರು ಹೇಳಿದರೆ, ಇವರಿಗೆ ಚಹ ಬರಲು ತಡವಾದರೆ ಬೇರೆ ಅಂಗಡಿಗೆ ಹೋಗಬೇಕಿತ್ತು ಎಂದು ಇನ್ನೊಬ್ಬರು ಹೇಳಿದ್ದಾರೆ. ಪೊಲೀಸರು ಹೇಳಿದ್ದ ಮಾತನ್ನು ಆ ಅಂಗಡಿಯವನು ಹೇಳಿದ್ದರೆ ಇಲ್ಲಿಯವರೆಗೆ ಅವನ ಎನ್​ಕೌಂಟರ್​ ಆಗುತ್ತಿತ್ತು ಎಂದು ಮತ್ತೊಬ್ಬರು ಕಮೆಂಟ್​ ಮಾಡಿದ್ದಾರೆ,(ಏಜನ್ಸೀಸ್​).