ವಂದೇ ಭಾರತ್ ರೈಲಿನಲ್ಲಿ ಕಳಪೆ ಊಟದ ದರ್ಶನ; ಕ್ಯಾಟರಿಂಗ್ ಗುತ್ತಿಗೆ ರದ್ದು, 10 ಲಕ್ಷ ದಂಡದ ಪೆಟ್ಟು! Food Safety

ಇತ್ತೀಚಿಗೆ ಪಾಟ್ನಾದ ವಂದೇ ಭಾರತ್ ಎಕ್ಸ್‌ಪ್ರೆಸ್‌ನಲ್ಲಿ ಪ್ರಯಾಣಿಸುತ್ತಿದ್ದ ವ್ಯಕ್ತಿಯೊಬ್ಬ ತಮಗೆ ನೀಡಲಾದ ಉಪಹಾರದ ಜೊತೆಗಿದ್ದ ಮೊಸರಿನ ಪ್ಯಾಕೇಟ್​ನ್ನು ತೆರೆದಾಗ ಅದರಲ್ಲಿ ಜೀವಂತವಾಗಿ ಹುಳಗಳು ಓಡಾಡುವುದನ್ನು ಗಮನಿಸಿದ್ದಾರೆ. ನಂತರ ಈ ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.

ದೂರು ಬಂದ ಕೂಡಲೇ, ರೈಲ್ವೆ ಅಧಿಕಾರಿಗಳು ಪ್ರಯಾಣಿಕನ ಆಸನದ ಬಳಿ ತೆರಳಿ ಆಹಾರದ ಗುಣಮಟ್ಟದ ಬಗ್ಗೆ ತನಿಖೆ ನಡೆಸಿದರು. ಆಗ ಹುಳುಗಳು ಇರುವುದನ್ನು ಗಮನಿಸಿದ ಅಧಿಕಾರಿಗಳು ಸಂಬಂಧಪಟ್ಟ ಗುತ್ತಿಗೆ ಕ್ಯಾಟರಿಂಗ್ ಮೇಲೆ ಕ್ರಮಕೈಗೊಳ್ಳಲು ಮುಂದಾದರು.

ವೀಡಿಯೊ ವೈರಲ್ ಆಗುತ್ತಿದ್ದಂತೆಯೇ ಎಚ್ಚೆತ್ತ ರೈಲ್ವೆ ಸಚಿವಾಲಯವು ವಿಷಯವನ್ನು ಗಂಭೀರವಾಗಿ ಪರಿಗಣಿಸಿತು. ಕೇವಲ ಗುತ್ತಿಗೆದಾರರ ಮೇಲೆ ಮಾತ್ರವಲ್ಲದೆ, ಇಡೀ ಕ್ಯಾಟರಿಂಗ್ ವ್ಯವಸ್ಥೆಯ ಉಸ್ತುವಾರಿ ಹೊತ್ತಿರುವ IRCTC ಮೇಲೆಯೇ ಕ್ರಮಕ್ಕೆ ಮುಂದಾಗಿದ್ದು, ಬರೋಬ್ಬರಿ 10 ಲಕ್ಷ ರೂಪಾಯಿ ದಂಡವನ್ನು ವಿಧಿಸಿದರು.

ಇದರ ಜೊತೆಗೆ, ಊಟದ ಜವಾಬ್ದಾರಿಯುತ ಖಾಸಗಿ ಅಡುಗೆ ಸೇವಾ ಪೂರೈಕೆದಾರರಿಗೆ 50 ಲಕ್ಷ ದಂಡವನ್ನು ವಿಧಿಸಿ ಅವರೊಂದಿಗೆ ಇರುವ ಒಪ್ಪಂದವನ್ನು ರದ್ದುಗೊಳಿಸಿಕೊಂಡರು. ಇದು ಪ್ರಯಾಣಿಕರ ಸುರಕ್ಷತೆ, ನೈರ್ಮಲ್ಯ ಮತ್ತು ಆಹಾರದ ಗುಣಮಟ್ಟವು ಭಾರತೀಯ ರೈಲ್ವೆಗೆ ಪ್ರಮುಖ  ಆದ್ಯತೆ ಎಂದು ಪುನರುಚ್ಚಿಸಿದರು (ಏಜೆನ್ಸೀಸ್​).