ಜೈಲು ಪಾಲಾದ ಕೆಬಿಸಿ ವಿಜೇತೆ: ನೆರೆ ಸಂತ್ರಸ್ತರ ಪರಿಹಾರ ನುಂಗಿದ ಅಮಿತಾ ಸಿಂಗ್​ ಅರೆಸ್ಟ್​! KBC Winner Amita Singh

ಮಧ್ಯಪ್ರದೇಶ: ಜೀವನದಲ್ಲಿ ಹಣವನ್ನು ಗಳಿಸಬೇಕೆನ್ನುವುದು ಪ್ರತಿಯೊಬ್ಬ ಮನುಷ್ಯನಲ್ಲಿ ಮೂಡುವ ಸಹಜ ಆಸೆಯಾಗಿದೆ. ಆದರೆ ಈ ಆಸೆಯನ್ನು ಇಡೇರಿಸಿಕೊಳ್ಳಲು ಅಡ್ಡದಾರಿ ಹಿಡಿದರೆ, ಗಳಿಸಿದ ದುಡ್ಡು ನಮಗೆ ದಕ್ಕುವುದಿಲ್ಲ ಎನ್ನುವುದಕ್ಕೆ ಈ ಯುವತಿಯ ಪ್ರಕರಣವೇ ತಾಜಾ ಉದಾಹರಣೆಯಾಗಿದೆ.

ಭಾರತೀಯ ಟೆಲಿವಿಷನ್​ ಇಂಡಸ್ಟ್ರಿಯಲ್ಲಿ ಅತ್ಯಂತ ಯಶಸ್ಸನ್ನು ಕಂಡಿರುವ ಯಾವುದಾದರೂ ಒಂದು ಕಾರ್ಯಕ್ರಮವಿದ್ದರೆ ಅದು ಕೋನ್​ ಬನೇಗಾ ಕರೋಡ್​ಪತಿ ಕಾರ್ಯಕ್ರಮ. ಈ ಕಾರ್ಯಕ್ರದಲ್ಲಿ ಕೇಳಲಾಗುವ ಪ್ರಶ್ನೆಗಳಿಗೆ ಸರಿಯಾಗಿ ಉತ್ತರಿಸುವ ಮೂಲಕ ಕೋಟಿ ಹಣವನ್ನು ಗೆಲ್ಲುವ ಅವಕಾಶ ಇರುತ್ತದೆ.

2019 ರಲ್ಲಿ ಅಮಿತಾಭ್​ ಬಚ್ಚನ್​ ಅವರ ಕೈಯಿಂದ ಐವತ್ತು ಲಕ್ಷ ರೂಪಾಯಿ ಬಹುಮಾನ ಪಡೆದಿದ್ದ ಅಮಿತಾ ಸಿಂಗ್​ ತೋಮರ್(KBC Winner Amita Singh)​, ಮಧ್ಯಪ್ರದೇಶ ಸರ್ಕಾರದಲ್ಲಿ ತಹಶೀಲ್ದಾರ್ ಆಗಿ ಸುಮಾರು 2.5 ಕೋಟಿ ಹಗರಣದಲ್ಲಿ ಭಾಗಿಯಾದ ಕಾರಣ ಇಕೆಯನ್ನು ಗುರುವಾರ (ಮಾರ್ಚ್​ 26) ಗ್ವಾಲಿಯರ್​ ಪೊಲೀಸರು ಬಂಧಿಸಿದ್ದಾರೆ.

ಅಮಿತಾ ಸಿಂಗ್​ 2021 ರಲ್ಲಿ ಗ್ವಾಲಿಯರ್​ನ ತಹಶೀಲ್ದಾರ್ ಆಗಿದ್ದಾಗ, ಅಂದು ಸಂಭವಿಸಿದ್ದ ಪ್ರವಾಹಕ್ಕೆ ತುತ್ತಾಗಿದ್ದ ಸಂತ್ರಸ್ತರಿಗೆ ನೀಡಬೇಕಿದ್ದ ಧನ ಪರಿಹಾರವನ್ನು ದುರ್ಬಳಿಕೆ ಮಾಡಿದ ಆರೋಪದಲ್ಲಿ ಬಂಧಿಸಲಾಗಿದೆ ಎಂದು ಪೊಲೀಸರು ಹೇಳಿದ್ದಾರೆ.

ಇಕೆಯ ವಿರುದ್ಧ ಸುಮಾರು 110 ಜನ ಸಂತ್ರಸ್ತರು ದೂರನ್ನು ದಾಖಸಲಿದ್ದರು. ಅಮಿತಾ ಸಿಂಗ್​ ಕೆಲಸಕ್ಕೆ ಗೈರಾಗಿ ತಪ್ಪಿಸಿಕೊಳ್ಳುವ ಪ್ರಯತ್ನದಲ್ಲಿದ್ದರು, ಆದರೆ ನಾವು ಇವರನ್ನು ಗ್ವಾಲಿಯರ್​ನಲ್ಲಿ ಬಂಧಿಸಿದ್ದೆವೆ ಎಂದು ಎಸ್ಪಿ ಸುಧೀರ್​ ಕುಮಾರ್​ ಅರ್ಗವಾಲ್​ ತಿಳಿಸಿದ್ದಾರೆ,(ಏಜನ್ಸೀಸ್​).