ಪ್ರತಿಭಟನಾಕಾರರ ಮೇಲೆ ಮುಗಿಬಿದ್ದ ಐಪಿಎಸ್ ಅಧಿಕಾರಿ: ವ್ಯಾನ್ ಹತ್ತಿ ಆರೋಪಿಗೆ ಮೀರತ್ ಎಸ್​ಎಸ್​ಪಿ ಅವಿನಾಶ್ ಪಾಂಡೆ ಕಪಾಳಮೋಕ್ಷ; ವಿಡಿಯೋ ವೈರಲ್​! Avinash Pandey Viral Video

ಮೀರಟ್​​: ಕೊಲೆ ಪ್ರಕರಣಕ್ಕೆ ನ್ಯಾಯ ಕೇಳಲೆಂದು ಪೊಲೀಸ್​ ಠಾಣೆಗೆ ಜಮಾಯಿಸಿದ್ದ ಪ್ರತಿಭಟನಾಕಾರರ ಮೇಲೆ ಮೀರಟ್​ನ ಎಸ್​ಎಸ್​ಪಿ ಅವಿನಾಶ್​ ಪಾಂಡೆ (Avinash Pandey Viral Video) ಹಲ್ಲೆ ನಡೆಸಿರುವ ವಿಡಿಯೋ ಈಗ ಸೋಷಿಯಲ್​ ಮೀಡಿಯಾನಲ್ಲಿ ವೈರಲ್​ ಆಗುತ್ತಿದೆ.

ಕೆಲ ದಿನಗಳ ಹಿಂದೆ ದಲಿತ ಸುಮುದಾಯದ ಲಲಿತಾ ಗೌತಮ್​ ಎಂಬ ಯುವತಿಯ ಕೊಲೆಯಾಗಿದ್ದು, ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪೊಲೀಸರು ಸೂಕ್ತ ಕ್ರಮ ಕೈಗೊಂಡಿಲ್ಲ ಎನ್ನುವುದು ಪ್ರತಿಭಟನಾಕಾರರ ಆರೋಪವಾಗಿತ್ತು. ಹೀಗಾಗಿ ಪೊಲೀಸ್​​ ಠಾಣೆ ಎದುರು ಪ್ರತಿಭಟನೆಗೆ ಮುಂದಾಗಿದ್ದ ಜನರ ಮೇಲೆ ಐಪಿಎಸ್​ ಅಧಿಕಾರಿ ಅವಿನಾಶ್​ ಪಾಂಡೆ ಕೈಯಿಂದ ಹಾಗೂ ಲಾಠಿಯಿಂದ ಹೊಡೆದಿರುವ ವಿಡಿಯೋ ಈಗ ಎಲ್ಲೆಡೆ ಹರಿದಾಡುತ್ತಿದೆ.

ಪೊಲೀಸ್​ ಠಾಣೆ ಎದುರಿಗೆ ಪ್ರತಿಭಟನೆ ಪ್ರಾರಂಭವಾಗುತ್ತಿದ್ದಂತೆ ಎಸ್​ಎಸ್​ಪಿ ಅನಿವಾಶ್​ ಪಾಂಡೆ, ತಾವು ಸ್ಥಳಕ್ಕೆ ಬರುವವರೆಗೆ ಎಲ್ಲಾ ಸರಿಯಾಗಿರಬೇಕೆಂದು ಕಿರಿಯ ಅಧಿಕಾರಿಗಳಿಗೆ ನಿರ್ದೇಶನ ನೀಡಿದ್ದಾರೆ. ಆದೇಶದಂತೆಯೇ ಪ್ರತಿಭಟನೆ ನಡೆಸುತ್ತಿದ್ದ ಪ್ರಮುಖ ವ್ಯಕ್ತಿಯನ್ನು ಬಂಧಿಸಿ ಪೊಲೀಸರು ವ್ಯಾನ್​ ಮೇಲೆ ಕುರಿಸಿ, ಜೈಲಿಗೆ ಕಳುಹಿಸಲು ಮುಂದಾಗಿದ್ದಾರೆ.

ಈ ಘಟನೆಯ ವಿಡಿಯೋ ಸೋಷಿಯಲ್​ ಮೀಡಿಯಾನಲ್ಲಿ ವೈರಲ್​ ಆಗುತ್ತಿದ್ದಂತೆ, ಸಮಾಜವಾದಿ ಪಕ್ಷದ ನಾಯಕ ಅಖಿಲೇಶ್​ ಯಾದವ್​ ಆಕ್ರೋಶ ಹೊರಹಾಕಿದ್ದಾರೆ. ಬಿಜೆಪಿ ಸರ್ಕಾರದಲ್ಲಿ ಪೊಲೀಸರು ಕಾನೂನನ್ನು ಮೀರಿ ವರ್ತಿಸುತ್ತಿದ್ದಾರೆ. ತಮ್ಮ ಮಗಳ ಸಾವಿಗೆ ನ್ಯಾಯ ಕೇಳಿ ಬಂದ ಕುಟುಂಬದವರ ಮೇಲೆ ಪೊಲೀಸರ ಈ ದರ್ಪವನ್ನು ಒಪ್ಪಲು ಸಾಧ್ಯವಿಲ್ಲ ಎಂದು ಟ್ವಿಟ್​ ಮಾಡಿದ್ದಾರೆ, (ಏಜನ್ಸೀಸ್​).