ದೇಸಿ ಕಾರ್​ ನೋಡಲು, ಲಕ್ಷ್ಯುರಿ ವಾಹನ ನಿಲ್ಲಿಸಿದ ಸಚಿನ್ ತೆಂಡೂಲ್ಕರ್​; ಮಕ್ಕಳ ಐಡಿಯಾಗೆ 'ಮಾಸ್ಟರ್ ಬ್ಲಾಸ್ಟರ್' ಫಿದಾ..Sachin Tendulkar

ಭಾರತೀಯ ಕ್ರಿಕೆಟ್​ ಆಟಗಾರ ಸಚಿನ್​ ಅವರು ಹಳ್ಳಿಯೊಂದರಲ್ಲಿ ತಮ್ಮ  ಕಾರಿನಲ್ಲಿ ಪ್ರಯಾಣಿಸುತ್ತಿರುವಾಗ  ಹುಡುಗರ ಗುಂಪೊಂದು ವಾಹನದಲ್ಲಿ ಆಟವಾಡುತ್ತಿದ್ದರು. ಇದು ದುಬಾರಿ ಕಾರಲ್ಲ, ಆಟಿಕೆಯಲ್ಲ ಆದರೆ, ಮಕ್ಕಳು ತಾವಾಗಿಯೇ ತಯಾರಿಸಿ ಆಡುತ್ತಿದ್ದ ವಾಹನವಾಗಿತ್ತು.  ಇದನ್ನು ಕಂಡ ಸಚಿನ್​ ಅವರು ಗ್ರಾಮೀಣ ಭಾಗದ ಯುವಕರ ಪ್ರತಿಭೆ ಕಂಡು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಅಲ್ಲದೆ ಈ ಬಗ್ಗೆ ವಿಡಿಯೋವನ್ನು ಎಕ್ಸ್​ನಲ್ಲಿ ಹಂಚಿಕೊಂಡಿದ್ದಾರೆ.

ಯುವಕರು ಮರದ ಎರಡು ದೊಡ್ಡ ಕೊಂಬೆಗಳನ್ನು ನುಣುಪಾಗಿ ಎಳೆಯುವ ಅಸ್ತ್ರವಾಗಿ ಮಾಡಿಕೊಂಡು,  ಅದಕ್ಕೆ ಸೈಕಲ್​ ಚಕ್ರ ಅಳವಡಿಸಿ, ಅದರ ಕೆಳಗೆ ಎರಡು ಕೋಲುಗಳನ್ನು ಕೂರವಂತೆ ಮಾಡಿಕೊಂಡಿದ್ದಾರೆ. ಅದರೊಳಗೆ ಒಬ್ಬ ಕೂತಿದ್ದರೆ ಮತ್ತೊಬ್ಬ ಆ ದೇಸಿ ಗಾಡಿಯನ್ನು ಎಳೆಯುವುದು ವಿಡಿಯೋದಲ್ಲಿ ಇದೆ.

Ministry of Random Affairs ಎನ್ನುವ ಖಾತೆಯಿಂದ ಸಚಿನ್​ ಅವರ ವಿಡಿಯೋಗೆ ಟ್ವೀಟ್ ಮಾಡಿದ್ದು, ಮೈದಾನದ ಒಳಗೆ ಮತ್ತು ಹೊರಗೆ ಜನರನ್ನು ಪ್ರೋತ್ಸಾಹಿಸುವ ಅದ್ಭುತ ವ್ಯಕ್ತಿತ್ವವನ್ನು  ಸಚಿನ್ ತೆಂಡೂಲ್ಕರ್  ಹೊಂದಿದ್ದಾರೆ. ಭಾರತದ ಬೀದಿಗಳಲ್ಲಿರುವ ಪ್ರತಿಭೆಗಳು ಅಪಾರವಾಗಿವೆ. ಅವರಿಗೆ ಸರ್ಕಾರದ ಸಂಪೂರ್ಣ ಬೆಂಬಲ ಬೇಕು. ನಮ್ಮ ಸರ್ಕಾರಗಳು ಉಚಿತ ಕೊಡುಗೆಗಳಿಗಾಗಿ ಖರ್ಚು  ಮಾಡುತ್ತಿವೆ. ಆದರೆ, ಅದೇ ಹಣವನ್ನು ಇಂತಹ ಪ್ರತಿಭಾವಂತ ಜನರಿಗೆ ಖರ್ಚು ಮಾಡಲಿ ಎಂದಿದ್ದಾರೆ. 

ಅಮೋಲ್​ ಎಂಬುವವರು ಟ್ವೀಟ್ ಮಾಡಿ ಇಂತಹ ಪ್ರತಿಭೆಗಳು ಮತ್ತು ಹಳ್ಳಿ ಸೊಗಡಿನ ಕಾರು ಮಹಾರಾಷ್ಟ್ರ ಮತ್ತು ಕರ್ನಾಟಕದಲ್ಲಿ ಕಾಣೋದು ಸಾಮಾನ್ಯ ಎಂದು ಹೇಳಿದ್ದಾರೆ, (ಏಜೆನ್ಸೀಸ್).