ಅದು ಶಿಷ್ಟಾಚಾರದ ಭೇಟಿ...ರಾಹುಲ್ ಗಾಂಧಿ ಆರೋಪದಲ್ಲಿ ಹುರುಳಿಲ್ಲ; ನಿಯೋಗದ ಭೇಟಿಯನ್ನು ವಿವರಿಸಿದ ಕೇಂದ್ರ ಸಚಿವ ಪುರಿ! | Hardeep Puri

ಪತ್ರಿಕಾಗೋಷ್ಠಿಯನ್ನುದ್ದೇಶಿಸಿ ಮಾತನಾಡಿದ ಕೇಂದ್ರ ಸಚಿವ ಹರ್ದೀಪ್ ಸಿಂಗ್ ಪುರಿ, ಎಪ್ಸ್ಟೀನ್ ಅವರೊಂದಿಗಿನ ಸಭೆಗಳು ಸಾಂಸ್ಥಿಕ ಸಂವಹನದ ಚೌಕಟ್ಟಿನೊಳಗೆ ಇದ್ದವು ಎಂದು ತಿಳಿಸಿದ್ದಾರೆ.

ಎಪ್ಸ್ಟೀನ್​​ರೊಂದಿಗಿನ ತಮ್ಮ ಸಂವಹನಕ್ಕೂ, ದಿವಂಗತ ಅಮೇರಿಕನ್ ಫೈನಾನ್ಶಿಯರ್ ವಿರುದ್ಧದ ಆರೋಪಗಳಿಗೂ ಯಾವುದೇ ಸಂಬಂಧವಿಲ್ಲ ಎಂದಿರುವ ಸಚಿವರು, ನಿಖರವಾಗಿ 3-4 ಬಾರಿ ನಿಯೋಗದ ಭಾಗವಾಗಿ ಭೇಟಿಯಾಗಿದ್ದೆ. ನಮ್ಮ ಸಂವಹನಕ್ಕೂ ಅವರು ಆರೋಪಿಸಿದ ಅಪರಾಧಗಳಿಗೂ ಯಾವುದೇ ಸಂಬಂಧವಿರಲಿಲ್ಲ ಎಂದು ಅವರು ಹೇಳಿದರು.

ಎಪ್ಸ್ಟೀನ್ ಚಟುವಟಿಕೆಗಳಲ್ಲಿ ನನಗೆ ಯಾವುದೇ ಆಸಕ್ತಿ ಇರಲಿಲ್ಲ. ಅವರಿಗೆ, ನಾನು ಸರಿಯಾದ ವ್ಯಕ್ತಿ ಅಲ್ಲ, ಎಪ್ಸ್ಟೀನ್ ನನ್ನನ್ನು ಎರಡು ಮುಖಗಳ ವ್ಯಕ್ತಿ ಎಂದು ಕರೆದಿದ್ದಾರೆ, ಈ ವಿಷಯವಾಗಿ ರಾಹುಲ್ ಇಮೇಲ್‌ಗಳನ್ನು ಓದುವುದು ಸೂಕ್ತ ಎಂದು ಹೇಳಿದರು.

ಆ ಭೇಟಿಯ ಸಮಯದಲ್ಲಿ ತಮ್ಮ ಪ್ರಾಥಮಿಕ ಸಂವಹನ ಲಿಂಕ್ಡ್‌ಇನ್ ಸಹ-ಸಂಸ್ಥಾಪಕ ರೀಡ್ ಹಾಫ್‌ಮನ್ ಅವರೊಂದಿಗೆ ನಡೆದಿದೆ ಮತ್ತು ಅವರು ಇಂಟರ್ನೆಟ್ ಉದ್ಯಮಿ ಮತ್ತು ಬಂಡವಾಳಶಾಹಿಗಳನ್ನು ಭಾರತಕ್ಕೆ ಆಹ್ವಾನಿಸಿದ್ದರು ಎಂದು ಸಚಿವರು ತಿಳಸಿದ್ದಾರೆ.

ರಾಹುಲ್ ಗಾಂಧಿ ಲೋಕಸಭೆಯಲ್ಲಿ ಹರ್ದೀಪ್ ಪುರಿ ಅವರ ಹೆಸರನ್ನು ಎಪ್ಸ್ಟೀನ್ ಫೈಲ್ಸ್‌ನಲ್ಲಿ ಉಲ್ಲೇಖಿಸಲಾಗಿದೆ ಎಂದು ಹೇಳಿದ ಸ್ವಲ್ಪ ಸಮಯದ ಬಳಿಕ ಈ ಸ್ಪಷ್ಟೀಕರಣ ಬಂದಿದೆ, ಇದು ಲೈಂಗಿಕ ಅಪರಾಧಿಯ ಅಪರಾಧ ಚಟುವಟಿಕೆಗಳನ್ನು ವಿವರಿಸುತ್ತದೆ. ಇದರಲ್ಲಿ ಸಾರ್ವಜನಿಕ ವ್ಯಕ್ತಿಗಳು, ರಾಜಕಾರಣಿಗಳು ಮತ್ತು ಸೆಲೆಬ್ರಿಟಿಗಳ ಸಾಮಾಜಿಕ ವಲಯವೂ ಸೇರಿದೆ. ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಮತ್ತು ಬಿಲ್ ಕ್ಲಿಂಟನ್ ಸೇರಿದಂತೆ ಪ್ರಪಂಚದಾದ್ಯಂತದ ಹಲವಾರು ಉನ್ನತ ವ್ಯಕ್ತಿಗಳ ಹೆಸರುಗಳು ಈ ಫೈಲ್‌ಗಳಲ್ಲಿವೆ(ಏಜೆನ್ಸೀಸ್​​).