ದೇಶ

ಬ್ಯಾಂಕಾಕ್‌ನಿಂದ ಮುಂಬೈಗೆ ಬಂದ 11 ಕೆಜಿ ಗಾಂಜಾ! ಏರ್‌ಪೋರ್ಟ್‌ನಲ್ಲಿ ಸಿಕ್ಕಿಬಿದ್ದ ಕೇರಳ ಮಾಡೆಲ್ ಹರ್ಷಾ ಸನ್ನಿ!Harsha Sunny Ganja Smuggling

ಮುಂಬೈ ಏರ್‌ಪೋರ್ಟ್‌ನಲ್ಲಿ 11 ಕೆಜಿ ಡ್ರಗ್ಸ್ ಸಮೇತ ಸಿಕ್ಕಿಬಿದ್ದ ಕೇರಳದ ಖ್ಯಾತ ಮಾಡೆಲ್ ಹರ್ಷಾ ಸನ್ನಿ
ಮುಂಬೈ ಏರ್‌ಪೋರ್ಟ್‌ನಲ್ಲಿ 11 ಕೆಜಿ ಡ್ರಗ್ಸ್ ಸಮೇತ ಸಿಕ್ಕಿಬಿದ್ದ ಕೇರಳದ ಖ್ಯಾತ ಮಾಡೆಲ್ ಹರ್ಷಾ ಸನ್ನಿ
Published on: 

ಪ್ರಮುಖ ಮುಖ್ಯಾಂಶಗಳು

  • ಮುಂಬೈ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಕಸ್ಟಮ್ಸ್ ಅಧಿಕಾರಿಗಳ ಭರ್ಜರಿ ಬೇಟೆ!
  • ಬ್ಯಾಂಕಾಕ್‌ನಿಂದ ಮುಂಬೈಗೆ ಬಂತು ಬರೋಬ್ಬರಿ 11.82 ಕೋಟಿ ರೂ. ಮೌಲ್ಯದ ಗಾಂಜಾ!
  • ಮುಂಬೈ ಏರ್‌ಪೋರ್ಟ್‌ನಲ್ಲಿ 11 ಕೆಜಿ ಡ್ರಗ್ಸ್ ಸಮೇತ ಸಿಕ್ಕಿಬಿದ್ದ ಕೇರಳದ ಖ್ಯಾತ ಮಾಡೆಲ್ ಹರ್ಷಾ ಸನ್ನಿ
ಮುಂಬೈ: ಮಾಡೆಲ್​ ಹಾಗೂ ಮಿಸ್ಟ್ರೆಸ್​ ಕೇರಳ ರನ್ನರ್​ ಅಫ್​ ಆಗಿದ್ದ ಹರ್ಷಾ ಸನ್ನಿ (Harsha Sunny Ganja Smuggling) ಯನ್ನು ಬ್ಯಾಂಕಾಕ್​ನಿಂದ ಗಾಂಜಾ ಕಳ್ಳ ಸಾಗಾಣಿಕೆ ಮಾಡುತ್ತಿದ್ದ ಆರೋಪದಲ್ಲಿ ಮುಂಬೈನ ಛತ್ರಪತಿ ಶಿವಾಜಿ ಮಹಾರಾಜ್​ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಕಸ್ಟಮ್ಸ್​ ಅಧಿಕಾರಿಗಳು ಬಂಧಿಸಿರುವುದಾಗಿ ವರದಿಯಾಗಿದೆ.
ಮಾಹಿತಿ ಪ್ರಕಾರ, ಹರ್ಷಾ ಸನ್ನಿ ಸುಮಾರು 11 ಕೆ.ಜಿ ಗಾಂಜಾವನ್ನು ಸ್ಮಗಲ್​ ಮಾಡುತ್ತಿದ್ದಾಗ ಸಿಕ್ಕಿಬಿದ್ದಿದ್ದು, ಇದರ ಅಂದಾಜು ಮೌಲ್ಯ ಸುಮಾರು 11.82 ಕೋಟಿ ಎಂದು ಹೇಳಲಾಗುತ್ತಿದೆ. ವಿಮಾನ ನಿಲ್ದಾಣದಲ್ಲಿ ಇಕೆಯ ವರ್ತನೆ ಅನುಮಾನಕ್ಕೆ ದಾರಿ ಮಾಡಿಕೊಟ್ಟಿದ್ದು, ತಪಾಸಣೆ ನಡೆಸಿದಾಗ ಈ ರಹಸ್ಯ ಬಯಲಾಗಿದೆ.

ಬ್ಯಾಗ್​ ತುಂಬಾ ಗಾಂಜಾ!

ಬ್ಯಾಂಕಾಕ್​ಗೆ ತೆರಳಿದ್ದ ಹರ್ಷಾ ಸನ್ನಿ ಜೂನ್​ 10, 11 ರ ಮುಂಜಾನೆ 4 ಗಂಟೆಗೆ TG-351 ಏರ್​ ಇಂಡಿಯಾ ವಿಮಾನದ ಮೂಲಕ ಮುಂಬೈ ತಲುಪಿದ್ದಳು.
ಇಕೆಯ ವರ್ತನೆಯಿಂದ ಅನುಮಾನ ಮೂಡಿದ ಅಧಿಕಾರಿಗಳು ಹರ್ಷಾಳ ಬ್ಯಾಗ್​ನ್ನು ಪರಿಶೀಲಿಸಿದಾಗ ಟ್ರಾಲಿ ಬ್ಯಾಗ್​ನಲ್ಲಿ ಸುಮಾರು 12 ಗಾಂಜಾ ಪೊಟ್ಟಣಗಳು ಕಂಡುಬಂದಿವೆ. ಇದನ್ನು ವಶಕ್ಕೆ ಪಡೆದ ಅಧಿಕಾರಿಗಳು ಜಫ್ತಿ ಮಾಡಿರುವುದು ಗಾಂಜವೇ? ಅಥವಾ ಇನ್ನಾವುದೇ ಸಸ್ಯವೇ? ಎಂದು ಪರಿಶೀಲನೆ ಮಾಡಿದ್ದಾರೆ. ಪರೀಕ್ಷೆ ನಂತರ ಇದು ಗಾಂಜಾ ಎಂದು ತಿಳಿದು ಬಂದಿದ್ದು, ಹರ್ಷಾ ಸನ್ನಿ ಮೇಲೆ ಎನ್​ಡಿಪಿಎನ್​ ಕಾಯ್ದೆಯಡಿ ಪ್ರಕರಣ ದಾಖಲಿಸಿದ್ದಾರೆ.

ಮುಂದುವರೆದ ತನಿಖೆ

ಪ್ರಕರಣ ದಾಖಲಾಗುತ್ತಿದ್ದಂತೆ ಹರ್ಷಾ ಸನ್ನಿಯನ್ನು ನ್ಯಾಯಾಲಯಕ್ಕೆ ಹಾಜರು ಪಡಿಸಲಾಗಿದೆ. ಪ್ರಕರಣ ಇನ್ನು ಪ್ರಾಥಮಿಕ ತನಿಖೆಯಲ್ಲಿದ್ದು, ಇಕೆಯ ಕಾಲ್​ ಡಿಟೇಲ್ಸ್​, ವಿಮಾನ ಪ್ರಯಾಣದ ಮಾಹಿತಿಯನ್ನು ಕಲೆ ಹಾಕುತ್ತಿದ್ದು, ಇವಳಿಗೆ ಯಾವುದಾದರೂ ಸ್ಮಗ್ಲಿಂಗ್​ ಜಾಲದೊಂದಿದೆ ಸಂಬಂಧವಿದೆಯೇ ಎಂದು ಪರಿಶೀಲಿಸಲಾಗುತ್ತಿದೆ.
ಮಾಡೆಲ್​ ಹೇಳಿಕೆ ಪ್ರಕಾರ, ಆಕೆಗೆ ವಿಮಾನದಲ್ಲಿ ಪರಿಚಯವಾದ ಒಬ್ಬರು, ಈ ಚೀಲವನ್ನು ಕೊಟ್ಟರು ನನಗೆ ಇದಕ್ಕೆ ಯಾವುದೇ ಸಂಬಂಧವಿಲ್ಲ ಎಂದು ಹೇಳಿದ್ದಾಳೆ. ಈ ಹಿನ್ನಲೆಯಲ್ಲಿ ಸಹ ತನಿಖೆ ನಡೆಸಲಾಗುತ್ತಿದೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ,(ಏಜನ್ಸೀಸ್​).
Trending
MumbaiAirport
VijayavaniNews
ndps
kanndanews
harshasunny
ganjasmuggling
keralamodel
bangkoktomumbai
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net