ಇದನ್ನು ಪ್ರಸ್ತಾಪಿಸಿರುವ ಖರ್ಗೆ, ತಾವೊಬ್ಬರೇ 'ವಿಶ್ವಗುರು' ಎಂದು ವಿದೇಶಗಳಲ್ಲಿ ಸುಳ್ಳು ಹೆಮ್ಮೆಯ ಪ್ರಚಾರ ಮಾಡುವ ಮೋದಿ ಜಿ, ರಷ್ಯಾದ ತೈಲವನ್ನು ಖರೀದಿಸಲು ಅಮೆರಿಕದ ಮುಂದೆ ಕೇವಲ ಒಂದು ತಿಂಗಳ ವಿನಾಯಿತಿಯ ಅನುಮತಿಗಾಗಿ ಕೈಯೊಡ್ಡಿ ಬೇಡಿಕೊಂಡಿದ್ದಾರೆ. ಪ್ರತಿ ಬಾರಿಯೂ ಅವರು ಹೀಗೆ ಮಾಡಿದಾಗ 140 ಕೋಟಿ ಭಾರತೀಯರ ಸ್ವಾಭಿಮಾನಕ್ಕೆ ಧಕ್ಕೆಯಾಗುತ್ತದೆ. ಈ ಹಿಂದಿನ ಯಾವುದೇ ಸರ್ಕಾರ ಇಷ್ಟು ಕೀಳು ಮಟ್ಟಕ್ಕೆ ಇಳಿದಿರಲಿಲ್ಲ ಎಂದು ಗುಡುಗಿದ್ದಾರೆ. ಒಂದು ವೇಳೆ ಸರ್ಕಾರದ ಪ್ರಕಾರ ನಮಗೆ ಅನುಮತಿ ಸಿಕ್ಕಿದೆ ಎಂದಾದರೆ, ರಷ್ಯಾ ತೈಲದ ಲಾಭ ಸಾರ್ವಜನಿಕರಿಗೆ ಸಿಗದೆ, ಪೆಟ್ರೋಲ್-ಡೀಸೆಲ್ ದರ ಏರಿಕೆಯ ಹೊರೆಯನ್ನು ಸಾಮಾನ್ಯ ಜನರ ಮೇಲೆ ಏಕೆ ಹೇರಲಾಗುತ್ತಿದೆ ಎಂದು ಖರ್ಗೆ ಪ್ರಶ್ನಿಸಿದ್ದಾರೆ.
