ಬಯಲಾಯ್ತು ಬಡೇ ಸಾಬ್ ರಹಸ್ಯ: ಸಲ್ಮಾನ್ ಅಲ್ಲ, ಇಮ್ರಾನ್ ಹಾಶ್ಮಿಯೂ ಅಲ್ಲ; ಈ ಪಾತ್ರ ಮಾಡಿದ್ದು ಯಾರು ಗೊತ್ತಾ? Dhurandhar 2 Bade Saab

ಬಾಲಿವುಡ್​: ಇಂದು (ಮಾರ್ಚ್​.19) ಭಾರತೀಯ ಸಿನಿ ಪ್ರೇಕ್ಷಕರು ಬಹು ಸಮಯದಿಂದ ಕಾತುರತೆಯಿಂದ ಕಾಯುತ್ತಿದ್ದ ಸಿನಿಮಾ ಧುರಂಧರ್​ 2: ದಿ ರಿವೆಂಜ್​ ತೆರೆಕಂಡಿದೆ. ಈ ಸಿನಿಮಾದಲ್ಲಿ ಬಡೇ ಸಾಬ್​ (Dhurandhar 2 Bade Saab) ಪಾತ್ರ ಮತ್ತು ಅದನ್ನು ಯಾರು ನಿರ್ವಹಿಸಲಿದ್ದಾರೆ? ಎಂಬ ಕುರಿತು ಹಲವಾರು ವದಂತಿಗಳು ಮತ್ತು ಉಹಾಪೋಹಗಳು ಹರಿದಾಡುತ್ತಿದ್ದವು. ಆದರೆ ಈ ಎಲ್ಲಾ ಉಹಾಪೋಹಗಳಿಗೆ ಸಿನಿಮಾದಲ್ಲಿ ಸ್ವಷ್ಟ ಉತ್ತರವನ್ನು ನೀಡಲಾಗಿದೆ.

ಧುರಂಧರ್​ ಸಿನಿಮಾದ ಮೊದಲ ಭಾಗದಲ್ಲಿ ಈ ಬಡೇ ಸಾಬ್​ ಮೇಜರ್​ ಇಲ್ಯಾಸ್​ ಕಶ್ಮೀರಿ (ಅರ್ಜುನ್​ ರಾಂಪಾಲ್​ ನಿರ್ವಹಿಸಿರುವ ಪಾತ್ರ) ಯ ಮೇಲಾಧಿಕಾರಿ ಎಂಬ ರೀತಿಯಲ್ಲಿ ತೋರಿಸಲಾಗಿತ್ತು. ಸಂಜಯ್ ದತ್ ನಿರ್ವಹಿಸಿರುವ ಪಾತ್ರವಾದ ಎಸ್ಪಿ ಚೌಧರಿ ಅಸ್ಲಂ ಆಗಾಗ ಈ ಬಡೇ ಸಾಬ್​ನ ಹೆಸರನ್ನು ಉಲ್ಲೇಖಿಸುತ್ತಾ ಇರುವುದನ್ನು ಸಿನಿಮಾದಲ್ಲಿ ನೋಡಬಹುದಾಗಿದೆ.

ಅದರೆ ಈ ಬಡೇ ಸಾಬ್​ ಪಾತ್ರ ಯಾರನ್ನು ಪ್ರೇರಣೆಯಾಗಿ ತೆಗೆದುಕೊಂಡು ನಿರ್ಮಿಸಲಾಗುತ್ತಿದೆ ಎನ್ನುವುದಕ್ಕೆ ಸಿನಿಮಾ ತಂಡದಿಂದ ಸ್ಪಷ್ಟ ಉತ್ತರ ದೊರೆತಿರಲಿಲ್ಲ. ಕೆಲವರು ಈ ಪಾತ್ರ ಭೂಗತಪಾತಕಿ ದಾವೂದ್​ ಇಬ್ರಾಹಿಂನ ಕುರಿತಾದ ಪಾತ್ರವಿರಬಹುದು ಎಂದರೆ ಇನ್ನು ಕೆಲವರು ಇದು ಪಾಕಿಸ್ತಾನದ ಮಾಜಿ ಪ್ರಧಾನಿ ಪರವೇಜ್​ ಮುಷ್ರರಫ್​ ಕುರಿತಾದ ಪಾತ್ರ ಎಂದು ಹೇಳಲಾಗುತ್ತಿತ್ತು.

ಇನ್ನೂ ಈ ಬಡೇ ಸಾಬ್​ ಪಾತ್ರದಲ್ಲಿ ಸಲ್ಮಾನ್​ ಖಾನ್​ ಅಥವಾ ಇಮ್ರಾನ್​ ಹಾಶ್ಮಿ ಕಾಣಿಸಿಕೊಳ್ಳಲಿದ್ದಾರೆ ಎಂಬ ವದಂತಿ ಬಿ ಟೌನ್​ನಲ್ಲಿ ಹಬ್ಬಿತ್ತು. ಆದರೆ ಇಂದು ಈ ಧುರಂಧರ್​ ಸಿನಿಮಾ ತೆರೆಕಂಡಿದ್ದು, ಅಭಿಮಾನಿಗಳ ಒಂದು ಊಹೆ ಸರಿಯಾದರೆ ಇನ್ನೊಂದು ಊಹೆ ತಪ್ಪಾಗಿದೆ.

ಕಟ್ಟಪ್ಪ ಬಾಹುಬಲಿಯನ್ನು ಏಕೆ ಸಾಯಿಸಿದ ಎಂಬ ಪ್ರಶ್ನೆಯಷ್ಟೇ ಕಾತುರಕ್ಕೆ ಕಾರಣವಾಗಿದ್ದ, ಈ ಬಡೇ ಸಾಬ್​ ಪಾತ್ರವನ್ನು ಭೂಗತ ಪಾತಕಿ ದಾವೂದ್​ ಇಬ್ರಾಹಿಂನನ್ನು ಚಿತ್ರಿಸಿರುವ ಪಾತ್ರವೆಂದು ಈದೀಗ ತಿಳಿದುಬಂದಿದೆ. ಆದರೆ ಈ ಪಾತ್ರವನ್ನು ಸಲ್ಮಾನ್​ ಖಾನ್​ ಅಥವಾ ಇಮ್ರಾನ್​ ಹಾಶ್ಮಿ ಬದಲು ಡ್ಯಾನಿಶ್ ಇಕ್ಬಾಲ್ ಎಂಬ ನಟ ದಾವೂದ್​ ಪಾತ್ರದಲ್ಲಿ ಕಾಣಿಸಿ ಕೊಂಡಿದ್ದಾರೆ.

ಡ್ಯಾನಿಶ್ ಇಕ್ಬಾಲ್ ಒಬ್ಬ ನಟ, ರಂಗಭೂಮಿ ನಿರ್ದೇಶಕ, ನ್ಯಾಷನಲ್​ ಸ್ಕೂಲ್​ ಆಫ್ ಡ್ರಾಮಾದ ವಿದ್ಯಾರ್ಥಿಯಾಗಿದ್ದು ರಾಷ್ಟ್ರೀಯ ಪ್ರಶಸ್ತಿ ವಿಜೇತ ನಾಟಕಕಾರರಾಗಿದ್ದಾರೆ. ಅಷ್ಟೇ ಅಲ್ಲದೇ ಡ್ಯಾನಿಶ್ ಇಕ್ಬಾಲ್, ನವದೆಹಲಿಯ ಜಾಮಿಯಾ ಮಿಲಿಯಾ ಇಸ್ಲಾಮಿಯಾದ ಸಮೂಹ ಸಂವಹನ ಸಂಶೋಧನಾ ಕೇಂದ್ರದಲ್ಲಿ ಅಧ್ಯಾಪಕರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಇವರು ಧುರಂಧರ್​ 2 ನಲ್ಲಿ ಬಡೇ ಸಾಬ್​ ಪಾತ್ರವನ್ನು ನಿರ್ವಹಿಸುವ ಮೊದಲು ಫರ್ಜ, ಹಕ್​, ಭಕ್ಷಕ್​ ಹಾಗೂ ಹಾಲಿವುಡ್​ನ ದಿ ಮೈಟಿ ಹಾರ್ಟ್​ ಎಂಬ ಸಿನಿಮಾದಲ್ಲಿ ಅಭಿನಯಿಸಿದ್ದಾರೆ,(ಏಜನ್ಸೀಸ್​).