ಪ್ರಧಾನಿ ಮೋದಿ ನಾಯಕತ್ವದಲ್ಲಿ ಭಾರತವು ಜಾಗತಿಕ ಮಟ್ಟದಲ್ಲಿ ಸಾಧಿಸುತ್ತಿರುವ ಆರ್ಥಿಕ ಪ್ರಗತಿ ಮತ್ತು ಆಧುನೀಕರಣವನ್ನು ಸಹಿಸದ ಕೆಲವು ವಿದೇಶಿ ಶಕ್ತಿಗಳು ಇಂತಹ ಅಡೆತಡೆಗಳನ್ನು ಸೃಷ್ಟಿಸುತ್ತಿವೆ ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ. ಜಗತ್ತು ಕೋವಿಡ್ ಸಾಂಕ್ರಾಮಿಕ, ರಷ್ಯಾ-ಉಕ್ರೇನ್ ಯುದ್ಧ, ಅಮೆರಿಕ-ಇರಾನ್ ನಡುವಿನ ಉದ್ವಿಗ್ನತೆ, ಇಂಧನ ಬಿಕ್ಕಟ್ಟು ಮತ್ತು ಚೀನಾದ ಆಕ್ರಮಣಶೀಲತೆಯಂತಹ ಕಠಿಣ ಸವಾಲುಗಳನ್ನು ಎದುರಿಸುತ್ತಿದ್ದಾಗಲೂ ಮೋದಿ ಸರ್ಕಾರವು ಭಾರತವನ್ನು ಸುರಕ್ಷಿತವಾಗಿ ಹಾಗೂ ಸದೃಢವಾಗಿ ಮುನ್ನಡೆಸಿದೆ ಎಂದು ಶ್ಲಾಘಿಸಿರುವ ರಾಜೀವ್ ಚಂದ್ರಶೇಖರ್, ಯಾವುದೇ ವಿದೇಶಿ ಹಿತಾಸಕ್ತಿಗಳು ಅಥವಾ ವಿರೋಧ ಪಕ್ಷಗಳ ಇಂತಹ ರಾಜಕೀಯ ತಂತ್ರಗಳು ವಿಕಸಿತ ಭಾರತ ನಿರ್ಮಾಣದ ಸಂಕಲ್ಪವನ್ನು ತಡೆಯಲು ಸಾಧ್ಯವಿಲ್ಲ ಎಂದಿದ್ದಾರೆ.
