ಪಾಕಿಸ್ತಾನದ ಮೇಲೆ ಅಫ್ಘಾನಿಸ್ತಾನ ಡ್ರೋನ್ ದಾಳಿ: ಇದಕ್ಕೆಲ್ಲಾ ಭಾರತವೇ ಕಾರಣ; ರಕ್ಷಣಾ ಸಚಿವ ಖವಾಜಾ ಆಸಿಫ್​ ಆರೋಪ! Khawaja Asif on India

ಇಸ್ಲಾಮಾಬಾದ್​: ಪಾಕಿಸ್ತಾನದ ಮೇಲೆ ಅಫ್ಘಾನಿಸ್ತಾನ ನಡೆಸುವ ಡ್ರೋನ್​ ದಾಳಿ ಹಿಂದೆ ಭಾರತದ ಬೆಂಬಲವಿದೆ ಎಂದು ಪಾಕಿಸ್ತಾನದ ರಕ್ಷಣಾ ಸಚಿವ ಖವಾಜಾ ಆಸಿಫ್ (Khawaja Asif on India) ಆರೋಪಿಸಿದ್ದಾರೆ. ಕೆಲ ದಿನಗಳ ಹಿಂದೆ ಅಫ್ಘಾನಿಸ್ತಾದ ತಾಲಿಬಾನ್​ ಪಡೆಗಳು ಪಾಕಿಸ್ತಾನದಲ್ಲಿದ್ದ ಭಯೋತ್ಪಾದನಾ ಸಂಘಟನೆ ಐಸಿಸ್​ (ISIS) ಶಿಬಿರಗಳನ್ನು ಗುರಿಯಾಗಿಸಿ ಡ್ರೋನ್​ ದಾಳಿ ನಡೆಸಿತ್ತು.

ಇತ್ತೀಚೆಗೆ, ಖಾಸಗಿ ಚಾನೆಲ್​ವೊಂದಕ್ಕೆ ಸಂದರ್ಶನ ನೀಡಿರುವ ಪಾಕ್​ ಸಚಿವ ಖವಾಜಾ ಆಸಿಫ್​, ಭಾರತ ಅಫ್ಘಾನಿಸ್ತಾನಕ್ಕೆ ಬಹಿರಂಗವಾಗಿಯೇ ಬೆಂಬಲ ನೀಡುತ್ತಿದೆ. ಅವರು ಕೇವಲ ಡ್ರೋನ್​ ಮಾತ್ರವಲ್ಲ, ಇತರ ಶಸ್ತ್ರಾಸ್ತ್ರಗಳನ್ನು ಸಹ ರವಾನೆ ಮಾಡುತ್ತಿದ್ದಾರೆಂದು ನಮಗೆ ಮಾಹಿತಿ ದೊರೆತಿದೆ ಎಂದು ಆಸಿಫ್​ ಆರೋಪಿಸಿದ್ದಾರೆ.

ಕೆಲ ದಿನಗಳ ಹಿಂದೆ ಭಾರತ ಅಫ್ಫಾನಿಸ್ತಾನಕ್ಕೆ ಸುಮಾರು 5 ಟನ್​ ಔಷಧಗಳನ್ನು ಕಳುಹಿಸಿದೆ. ಆದರೆ ಪಾಕಿಸ್ತಾನ ಇದನ್ನು ತಪ್ಪಾಗಿ ಅರ್ಥೈಸಿಕೊಂಡು ಭಾರತ, ತಾಲಿಬಾಲ್​ಗೆ ಶಸ್ತ್ರಾಸ್ತ್ರಗಳನ್ನು ರವಾನಿಸುತ್ತಿದೆ ಎಂದು ಆರೋಪಿಸುತ್ತಿದೆ. ಈ ಮೂಲಕ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಭಾರತವನ್ನು ಮುಜುಗರಕ್ಕೆ ಇಡುಮಾಡುವುದು ಇವರ ಉದ್ದೇಶ ಎನ್ನುವುದು ಭಾರತದ ಜಾಗತಿಕ ರಾಜಕೀಯ ಪರಣಿತರ ಅಭಿಪ್ರಾಯವಾಗಿದೆ.

ಅಫ್ಘಾನಿಸ್ತಾದ ಕಂದಹಾರ್​ ಮತ್ತು ಕಾಬೂಲ್​ ಮೇಎ ಪಾಕಿಸ್ತಾನ ದಾಳಿ ನಡೆಸಿದ ಹಿನ್ನಲೆ, ತಾಲಿಬಾನ್​ ಗುರುವಾರ (ಜೂ.25) ಪಾಕಿಸ್ತಾನದ ಖೈಬರ್​ ಕಣಿವೆ ಪ್ರದೇಶದಲ್ಲಿ ಡ್ರೋನ್​ ದಾಳಿ ನಡೆಸಿತ್ತು. ಈಗ ಈ ದಾಳಿಗೆ ಡ್ರೋನ್​ಗಳನ್ನು ಭಾರತವೇ ಒದಗಿಸಿದೆ ಎನ್ನುವುದು ಪಾಕಿಸ್ತಾನದ ವಾದವಾಗಿದೆ, (ಏಜನ್ಸೀಸ್​).