ಪಂಜಾಬ್‌ನಲ್ಲಿ ಹಾಡು ಹಗಲೇ ಗುಂಡಿನ ಮೊರೆತ: ಆಪ್ ನಾಯಕ ಒಬೆರಾಯ್ ಹತ್ಯೆಗೈದು ಬೈಕ್‌ನಲ್ಲಿ ಪರಾರಿಯಾದ ಹಂತಕರು | Lucky Oberoi

ಲಕ್ಕಿ ಇಂದು ಬೆಳಿಗ್ಗೆ 8:15 ಕ್ಕೆ ಗುರುದ್ವಾರಕ್ಕೆ ಹೋಗಿದ್ದು, ಈ ವೇಳೆ ದುಷ್ಕರ್ಮಿಯೊಬ್ಬ ಅವರ ಮೇಲೆ ಗುಂಡು ಹಾರಿಸಿದರು, ಇದರಿಂದ ಗಂಭೀರವಾಗಿ ಗಾಯಗೊಂಡಿದ್ದ ಆಪ್​​ ನಾಯಕನನ್ನು ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಚಿಕಿತ್ಸೆ ಫಲಕಾರಿಯಾಗದೆ ಲಕ್ಕಿ ಮೃತಪಟ್ಟಿದ್ದಾರೆ ಎಂದು ವೈದ್ಯರು ದೃಢಪಡಿಸಿದರು.

ಥಾರ್ ಎಸ್‌ಯುವಿಯಲ್ಲಿ ಪ್ರಯಾಣಿಸುತ್ತಿದ್ದ ಲಕ್ಕಿ ಮೇಲೆ 7 ರಿಂದ 8 ಗುಂಡು ಹಾರಿಸಿದ್ದು, ಕೆಲ ಗುಂಡುಗಳು ಆತನ ಎದೆ ಮತ್ತು ತಲೆಗೆ ಹೊಕ್ಕಿವೆ ಎನ್ನಲಾಗಿದ್ದು, ಘಟನೆಯ ಬಗ್ಗೆ ಮಾಹಿತಿ ಪಡೆದ ನಂತರ ಪೊಲೀಸರು ಸ್ಥಳಕ್ಕೆ ಆಗಮಿಸಿ ಪ್ರಕರಣದ ತನಿಖೆ ಆರಂಭಿಸಿದ್ದಾರೆ ಎಂದು ಮೂಲಗಳು ತಿಳಿಸಿವೆ. ಲಕ್ಕಿ ಒಬೆರಾಯ್ ಪತ್ನಿ ಈ ಹಿಂದೆ ಎಎಪಿ ಅಭ್ಯರ್ಥಿಯಾಗಿ ಪುರಸಭೆ ಚುನಾವಣೆಯಲ್ಲಿ ಸ್ಪರ್ಧಿಸಿ ಸೋಲನುಭವಿಸಿದ್ದರು.