ಹೃದಯಾಘಾತಕ್ಕೂ ವಾರಗಳ ಮುನ್ನ ದೇಹ ನೀಡುತ್ತೆ ಈ 8 ಸಂಕೇತ: ನಿರ್ಲಕ್ಷ್ಯ ಬೇಡವೇ ಬೇಡ..Heart Attack

ಯಾವುದೇ ದೈಹಿಕ ಶ್ರಮವಿಲ್ಲದಿದ್ದರೂ ಅತಿಯಾದ ಸುಸ್ತು ಅಥವಾ ಆಯಾಸವಾಗುವುದು ಹೃದಯಾಘಾತದ ಪ್ರಮುಖ ಮುನ್ಸೂಚನೆಯಾಗಿದೆ. ಹೃದಯವು ರಕ್ತವನ್ನು ಪಂಪ್ ಮಾಡಲು ಕಷ್ಟಪಡುತ್ತಿರುವಾಗ ದೇಹಕ್ಕೆ ಈ ರೀತಿ ಆಯಾಸವಾಗುತ್ತದೆ. ಇದು ಪುರುಷರಿಗಿಂತ ಮಹಿಳೆಯರಲ್ಲಿ ಹೆಚ್ಚಾಗಿ ಕಂಡುಬರುತ್ತದೆ.

ಹೃದಯಾಘಾತಕ್ಕೆ ವಾರಗಳ ಮೊದಲು ಹೊಟ್ಟೆಯ ಮೇಲ್ಭಾಗದಲ್ಲಿ ನೋವು, ವಾಕರಿಕೆ ಅಥವಾ ಅಜೀರ್ಣದಂತಹ ಸಮಸ್ಯೆಗಳು ಕಾಣಿಸಿಕೊಳ್ಳಬಹುದು. ಇದನ್ನು ಸಾಮಾನ್ಯ ಗ್ಯಾಸ್ಟ್ರಿಕ್ ಸಮಸ್ಯೆ ಎಂದು ನಿರ್ಲಕ್ಷಿಸಬೇಡಿ.

ಹೃದಯಕ್ಕೆ ಸಂಬಂಧಿಸಿದ ತೊಂದರೆಗಳಿದ್ದರೆ ರಾತ್ರಿ ಸರಿಯಾಗಿ ನಿದ್ರೆ ಬರುವುದಿಲ್ಲ. ಅತಿಯಾದ ಆತಂಕ ಮತ್ತು ನಿದ್ರೆಯ ಮಧ್ಯೆ ಪದೇ ಪದೇ ಎಚ್ಚರವಾಗುವುದು ಹೃದಯಾಘಾತದ ಪೂರ್ವ ಲಕ್ಷಣವಾಗಿರಬಹುದು.

ಸಣ್ಣ ಕೆಲಸ ಮಾಡಿದರೂ ಅಥವಾ ಸುಮ್ಮನೆ ಕುಳಿತಿದ್ದರೂ ಉಸಿರಾಟಕ್ಕೆ ತೊಂದರೆಯಾಗುವುದು (ದಮ್ಮು ಬರುವುದು) ಶ್ವಾಸಕೋಶ ಮತ್ತು ಹೃದಯಕ್ಕೆ ಸರಿಯಾಗಿ ರಕ್ತ ಸಂಚಲನವಾಗುತ್ತಿಲ್ಲ ಎಂಬುದರ ಸಂಕೇತವಾಗಿದೆ.

ಇದು ಆಶ್ಚರ್ಯವೆನಿಸಿದರೂ ನಿಜ. 50 ವರ್ಷ ಮೇಲ್ಪಟ್ಟ ಪುರುಷರಲ್ಲಿ ತಲೆಯ ಮೇಲ್ಭಾಗದಲ್ಲಿ ಅತಿಯಾಗಿ ಕೂದಲು ಉದುರುತ್ತಿದ್ದರೆ, ಅದು ಹೃದಯ ಕಾಯಿಲೆಯ ಮುನ್ಸೂಚನೆಯಾಗಿರಬಹುದು. ಇದು ದೇಹದಲ್ಲಿ ಕಾರ್ಟಿಸೋಲ್ ಎಂಬ ಹಾರ್ಮೋನ್ ಮಟ್ಟ ಏರಿರುವುದನ್ನು ಸೂಚಿಸುತ್ತದೆ.

ಎದೆಯ ಮಧ್ಯಭಾಗದಲ್ಲಿ ಒತ್ತಡ ಅಥವಾ ಭಾರವಾದ ಅನುಭವವಾಗುವುದು. ಈ ನೋವು ಎಡಗೈ, ದವಡೆ ಅಥವಾ ಬೆನ್ನಿನ ಭಾಗಕ್ಕೆ ಹರಡಬಹುದು. ಇದು ಅತ್ಯಂತ ಸಾಮಾನ್ಯ ಮತ್ತು ಗಂಭೀರವಾದ ಲಕ್ಷಣವಾಗಿದೆ.

ವಾತಾವರಣ ತಂಪಾಗಿದ್ದರೂ ಅಥವಾ ನೀವು ವಿಶ್ರಾಂತಿಯಲ್ಲಿದ್ದರೂ ವಿಪರೀತವಾಗಿ ಬೆವರುತ್ತಿದ್ದರೆ (Cold Sweat), ಅದು ಹೃದಯದ ಮೇಲೆ ಒತ್ತಡ ಬೀಳುತ್ತಿರುವುದನ್ನು ತೋರಿಸುತ್ತದೆ.

ಹೃದಯದ ಬಡಿತವು ದಿಢೀರನೆ ಏರುವುದು ಅಥವಾ ಬಡಿತ ತಪ್ಪಿದಂತಾಗುವುದು. ಇದು ದೀರ್ಘಕಾಲ ಕಾಡಿದರೆ ತಕ್ಷಣ ವೈದ್ಯರನ್ನು ಸಂಪರ್ಕಿಸುವುದು ಒಳಿತು,(ಏಜೆನ್ಸೀಸ್).