ಸುಡುವ ಬಿಸಿಲಿಗೆ ಹೊಟ್ಟೆ ತಂಪಾಗಿಸುವ ಕಾಯಿ ಅನ್ನ: ಬೇಸಿಗೆಗೆ ಇದಕ್ಕಿಂತ ಬೆಸ್ಟ್ ಊಟ ಮತ್ತೊಂದಿಲ್ಲ! Coconut Rice

* 2 ಕಪ್ ಬೇಯಿಸಿದ ಅಕ್ಕಿ

* ¾ ರಿಂದ 1 ಕಪ್ ತುರಿದ ತೆಂಗಿನಕಾಯಿ

* ಉಪ್ಪು

* 2-3 ಟೇಬಲ್ ಸ್ಪೂನ್ ತುಪ್ಪ ಅಥವಾ ಎಣ್ಣೆ

* 1 ಟೀಸ್ಪೂನ್ ಸಾಸಿವೆ

* 1 ಟೀಸ್ಪೂನ್ ಉದ್ದಿನ ಬೇಳೆ

* 1 ಟೀಸ್ಪೂನ್ ಕಡಲೆ ಬೇಳೆ

* 10-12 ಕರಿಬೇವು ಎಲೆ

* 2-3 ಒಣಗಿದ ಕೆಂಪು ಮೆಣಸಿನಕಾಯಿ

* ¼ ಟೀಸ್ಪೂನ್ ಇಂಗು

* 10-15 ಗೋಡಂಬಿ

ಮೊದಲು ಅಕ್ಕಿಯನ್ನು ಬೇಯಿಸಿಕೊಂಡು ತಣ್ಣಗಾಗಲು ಬಿಡಿ. ನಂತರ ಒಂದು ದೊಡ್ಡ ಕಡಾಯಿಯಲ್ಲಿ ತುಪ್ಪ ಬಿಸಿ ಮಾಡಿ ಅದಕ್ಕೆ ಸಾಸಿವೆ, ಜೀರಿಗೆ ಹಾಕಿ ಚಪಾಪಟ ಅಂತ ಸಿಡಿಸಿಕೊಳ್ಳಿ. ನಂತರ ಉದ್ದಿನ ಬೇಳೆ, ಕಡಲೆ ಬೇಳೆ, ಒಣಗಿದ ಮೆಣಸಿನಕಾಯಿ, ಕರಿಬೇವು, ಇಂಗು ಸೇರಿಸಿ ಸ್ವಲ್ವ ಬೇಯಿಸಿ ಅದಕ್ಕೆ ಗೋಡಂಬಿ ಸೇರಿಸಿ.

ಇದಾದ ಬಳಿಕ ಅದಕ್ಕೆ ತುರಿದ ತೆಂಗಿನಕಾಯಿ ಸೇರಿಸಿ 1-2 ನಿಮಿಷ ಹುರಿದು ಉಪ್ಪು ಸೇರಿಸಿಕೊಳ್ಳಿ. ನಂತರ ಈ ಮಿಶ್ರಣಕ್ಕೆ ಅನ್ನ ಸೇರಿಸಿಕೊಂಡು ಮಿಕ್ಸ್​ ಮಾಡಿ 2-3 ನಿಮಿಷ ಬೇಯಿಸಿಕೊಳ್ಳಿ. ನಂತರ ಕೊತ್ತಂಬರಿ ಸೊಪ್ಪು ಸಿಂಪಡಿಸಿ. ಕಾಯಿ ಚಟ್ನಿಯೊಂದಿಗೆ ಸೇವಿಸಿರಿ (ಏಜೆನ್ಸೀಸ್​).