ಹೊಟ್ಟೆಯುರಿ, ಗ್ಯಾಸ್ಟ್ರಿಕ್‌ಗೆ ತಕ್ಷಣದ ಶಮನ: ಮನೆಮದ್ದಿನಂತಿದೆ ಮಲೆನಾಡಿನ ಮೆಂತ್ಯೆ ಸೊಪ್ಪಿನ ತಂಬುಳಿ! Methi Tambuli

* 1 ಕಪ್ ಫ್ರೆಶ್ ಮೆಂತ್ಯೆ ಸೊಪ್ಪು

* ½ ಚಮಚ

* 1 ಚಮಚ ಜೀರಿಗೆ

* ½ ಚಮಚ ಕಾಳುಮೆಣಸು

* ½ ಕಪ್ ತೆಂಗಿನಕಾಯಿ ತುರಿ

* 1 ರಿಂದ 1.5 ಕಪ್ ತಾಜಾ ಮಜ್ಜಿಗೆ/ಮೊಸರು

* 1 ಹಸಿರು ಮೆಣಸಿನಕಾಯಿ

* ಒಂದು ಚಿಟಿಕೆ ಇಂಗು

* 1 ಚಮಚ ತುಪ್ಪ ಅಥವಾ ಎಣ್ಣೆ

* ರುಚಿಗೆ ತಕ್ಕಷ್ಟು ಉಪ್ಪು

* 5-6 ಎಲೆಗಳು ಕರಿಬೇವು

ಮೊದಲು ಒಂದು ಬಾಣಲೆಯಲ್ಲಿ 1 ಚಮಚ ತುಪ್ಪ ಅಥವಾ ಎಣ್ಣೆ ಬಿಸಿ ಮಾಡಿ. ಜೀರಿಗೆ, ಕಾಳುಮೆಣಸು, ಹಸಿರು ಮೆಣಸಿನಕಾಯಿ ಮತ್ತು ಇಂಗು ಹಾಕಿ ಸಣ್ಣ ಉರಿಯಲ್ಲಿ ಲಘುವಾಗಿ ಹುರಿಯಿರಿ. ನಂತರ ಹೆಚ್ಚಿಟ್ಟುಕೊಂಡ ಮೆಂತ್ಯೆ ಸೊಪ್ಪನ್ನು ಸೇರಿಸಿ ಹಸಿ ವಾಸನೆ ಹೋಗುವವರೆಗೂ 2- 3 ನಿಮಿಷ ಹುರಿಯಿರಿ. ನಂತರ ಉರಿಯಿಂದ ಇಳಿಸಿ ತಣ್ಣಗಾಗಲು ಬಿಡಿ. ಈ ಮಿಶ್ರಣಕ್ಕೆ ತೆಂಗಿನಕಾಯಿ ತುರಿ ಮತ್ತು ಸ್ವಲ್ಪ ನೀರು/ಮಜ್ಜಿಗೆ ಸೇರಿಸಿ ನುಣ್ಣಗೆ ರುಬ್ಬಿಕೊಳ್ಳಿ.

ರುಬ್ಬಿದ ಪೇಸ್ಟ್ ಅನ್ನು ಒಂದು ಪಾತ್ರೆಗೆ ಹಾಕಿ. ಅದಕ್ಕೆ ತಾಜಾ ಮಜ್ಜಿಗೆ ಮತ್ತು ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿಕೊಳ್ಳಿ. ನಂತರ ಒಗ್ಗರಣೆ ಪಾತ್ರೆಯಲ್ಲಿ 1 ಚಮಚ ತುಪ್ಪ ಬಿಸಿ ಮಾಡಿ ಸಾಸಿವೆ, ಒಣಮೆಣಸಿನಕಾಯಿ ಮತ್ತು ಕರಿಬೇವು ಹಾಕಿ ಚಟಪಟ ಎನಿಸಿ. ಈ ಒಗ್ಗರಣೆಯನ್ನು ತಯಾರಿಸಿದ ತಂಬುಳಿಗೆ ಸೇರಿಸಿದರೆ ಘಮಘಮಿಸುವ ಮೆಂತ್ಯೆ ಸೊಪ್ಪಿನ ತಂಬುಳಿ ಸಿದ್ಧ (ಏಜೆನ್ಸೀಸ್​).