ಶ್ರೇಯಸ್ ಅಯ್ಯರ್ ಸಹೋದರಿಗೆ ಬೆದರಿಕೆ:ವಿಡಿಯೋ ಮಾಡಿ ಕಣ್ಣೀರಿಟ್ಟ ಶ್ರೇಷ್ಠಾ; ವಿಕೃತ ಫ್ಯಾನ್ಸ್ ವಿರುದ್ಧ ಆಕ್ರೋಶ! Shreyas Iyer Sister Shrestha Iyer

ವೈರಲ್​: ಇನ್ನೇನು ಕೆಲವೇ ದಿನಗಳಲ್ಲಿ ಭಾರತದ ಕ್ರಿಕೆಟ್​ ಹಬ್ಬವಾದ ಐಪಿಎಲ್​ 2026 ಮುಕ್ತಾಯವಾಗಲಿದ್ದಯ, ಫೈನಲ್​ ಪ್ರವೇಶಿಸಿರುವ ಆರ್​ಸಿಬಿ ವಿರುದ್ಧ ಯಾರು ಆಡಲಿದ್ದಾರೆ ಎಂದು ಶುಕ್ರವಾರ (ಮೇ.29) ರಂದು ತಿಳಿಯಲಿದೆ.

ವರ್ಷದಲ್ಲಿ ಎರಡು ತಿಂಗಳುಗಳ ಕಾಲ ಇರುವ ಈ ಕ್ರೀಡಾಕೂಟವನ್ನು ನಮ್ಮ ಜನ ಭಾವನಾತ್ಮಕವಾಗಿ ಸ್ವೀಕರಿಸುತ್ತಾರೆ ಎನ್ನುವುದು ತಿಳಿದಿರುವ ವಿಷಯವೇ ಆಗಿದೆ. ಆದರೆ ಇತ್ತೀಚೆಗೆ ಕ್ರಿಕೆಟಿಗ ಶ್ರೇಯಸ್​ ಅಯ್ಯರ್​ ಸಹೋದರಿ ಶ್ರೇಷ್ಠಾ ಅಯ್ಯರ್ (Shreyas Iyer Sister Shrestha Iyer) ಹಂಚಿಕೊಂಡಿರುವ ವಿಡಿಯೋ ಕ್ರಿಕೆಟ್​ ಫ್ಯಾನ್ಸ್ ಮೇಲೆ ಕುಪಿತರಾಗುವಂತೆ ಮಾಡಿದೆ.

ಈ ಭಾರಿಯ ಐಪಿಎಲ್​ನ ಪ್ರಾರಂಭದಲ್ಲಿ ಉತ್ತಮ ಪ್ರದರ್ಶನ ನೀಡಿದ್ದ ಶ್ರೇಯಸ್​ ಅಯ್ಯರ್​ ನೇತೃತ್ವದ ಪಂಜಾಬ್​ ಕಿಂಗ್ಸ್​ ತಂಡ ಮಧ್ಯದಲ್ಲಿ ನಿರಂತರ ಸೋಲನ್ನು ಕಂಡ ಪರಿಣಾಮ ಕ್ವಾಲಿಫೈವ್​ ಆಗುವಲ್ಲಿ ವಿಫಲವಾಯಿತು.

ಶ್ರೇಯಸ್​ ಅಯ್ಯರ್​ ಸಹೋದರಿ ಶ್ರೇಷ್ಠಾ ಅಯ್ಯರ್​ ಇತ್ತೀಚೆಗೆ ತಮ್ಮ ಸಾಮಾಜಿಕ ಜಾಲತಾಣಗಳಲ್ಲಿ ವಿಡಿಯೋವೊಂದನ್ನು ಹಂಚಿಕೊಂಡಿದ್ದಾರೆ. ಅದರಲ್ಲಿ ನಾನು ನನ್ನ ಸಹೋದರ ಪ್ರತಿನಿಧಿಸುವ ತಂಡವಾದ ಪಂಜಾಬ್​ ಕಿಂಗ್ಸ್​ ತಂಡಕ್ಕೆ ನನ್ನ ಬೆಂಬಲವನ್ನು ವ್ಯಕ್ತಪಡಿಸಿದ್ದೆ, ಸೋಷಿಯಲ್​ ಮೀಡಿಯಾನಲ್ಲಿ ಪೋಸ್ಟ್​ಗಳನ್ನು ಶೇರ್​ ಮಾಡುತ್ತಿದೆ.

ಅದರೆ ಕೆಲ ಕ್ರಿಕೆಟರ್​ಗಳ ಅಭಿಮಾನಿ ಎಂದು ಹೇಳಿಕೊಂಡು ನನ್ನ ತೆಜೋವಧೆ ಮಾಡುತ್ತಿದ್ದಾರೆ. ಆದರೆ ಇವರೆಲ್ಲಾ ನಿಜವಾಗಿಯೂ ಕ್ರಿಕೆಟ್​ ಅಭಿಮಾನಿಗಳಲ್ಲ, ಬದಲಿಗೆ ನಿರುದ್ಯೋಗಿ ವಿಕೃತ ಹೃದಯಗಳು ಎಂದು ಶ್ರೇಷ್ಠಾ ಹೇಳಿದ್ದಾರೆ.

ಇಷ್ಟೇ ಅಲ್ಲದೆ, ನನ್ನ ಸೋಷಿಯಲ್​ ಮೀಡಿಯಾ ಪೋಸ್ಟ್​ಗಳಿಗೆ ಅವಾಚ್ಯ ಕಮೆಂಟ್​ ಮಾಡುವುದು, ನನ್ನ ತಂದೆ-ತಾಯಿ ಬಗ್ಗೆ ಕೆಟ್ಟದಾಗಿ ಹೇಳುವುದು ಮತ್ತು ನಾನು ಡಾನ್ಸ್ ಹೇಳಿಕೊಡುವ ವಿದ್ಯಾರ್ಥಿಗಳಿಗೂ ನೀವು ತೊಂದರೆ ನೀಡಿದ್ದಿರಿ ಎಂದು ಶ್ರೇಷ್ಠಾ ವಿಡಿಯೋನಲ್ಲಿ ಆಕ್ರೋಶವನ್ನು ಹೊರಹಾಕಿದ್ದಾರೆ, (ಏಜನ್ಸೀಸ್​).