ಐಪಿಎಲ್​​ ನಡೆದಿದ್ದ ವಿವಾದಗಳು: ಕ್ರಿಕೆಟ್ ಪ್ರೇಮಿಗಳು ಮರೆಯದ ಆ 5 'ಹಗರಣ'ಗಳ ಕಂಪ್ಲೀಟ್ ಡಿಟೇಲ್ಸ್ ಇಲ್ಲಿದೆ!IPL Controversies

IPL Controversies: ಐಪಿಎಲ್​ ಇದು ಕೇವಲ ಒಂದು ಕ್ರಿಕೆಟ್​ ಟೂರ್ನಾಮೆಂಟಲ್ಲ, ಬದಲಾಗಿ ಭಾರತದಲ್ಲಿ ನಡೆಯುವ ಕ್ರಿಕೆಟ್​ ಹಬ್ಬ ಎಂದರೆ ಸುಳ್ಳಲ್ಲ. ಈ ಕ್ರಿಕೆಟ್​ ಹಬ್ಬದ 19 ನೇ ಸೀಸನ್​ ಇದೇ ಮಾರ್ಚ್​ 28 ರಿಂದ ಆರಂಭವಾಗಲಿದ್ದು, ಮೊದಲ ಪಂದ್ಯದಲ್ಲಿಯೇ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡ ಸನ್‌ರೈಸರ್ಸ್ ಹೈದರಾಬಾದ್ ತಂಡವನ್ನು ಎದುರಿಸಲಿದೆ.

ಈ ಐಪಿಎಲ್​ಗೆ ಕೇವಲ ಕ್ರಿಕೆಟ್​ ಹಬ್ಬವಾಗಿ, ಬಾಂಡರಿ ವಿಕೆಟ್​ಗಳ ಅಬ್ಬರದಿಂದ ಮಾತ್ರವಲ್ಲ, ಬದಲಿಗೆ ನಾನಾ ವಿವಾದಗಳಿಂದಾಗಿ ಸಹ ಸಾಕಷ್ಟು ಸಂಚಲನವನ್ನು ಸೃಷ್ಟಿಸಿದೆ. ಇಂದು ನಾವು ಐಪಿಎಲ್​ನಲ್ಲಿ ನಡೆದ ಪ್ರಮುಖ ಐದು ಹಗರಣ ಅಥವಾ ವಿವಾದಗಳ ಬಗ್ಗೆ ತಿಳಿಯೋಣ.

ಈ ಘಟನೆ ನಡೆದಿದ್ದು ಚೊಚ್ಚಲ ಸೀಸನ್​ಲ್ಲಿ ಅಂದರೆ 2008 ರ ಐಪಿಎಲ್​ನಲ್ಲಿ. ಅಂದು ಮುಂಬೈ ಇಂಡಿಯನ್ಸ್​ ಹಾಗು ಕಿಂಗ್ಸ್​ ಇಲೆವನ್​ ಪಂಜಾಬ್​ ನಡುವಿನ ಪಂದ್ಯ ನಡೆದಿತ್ತು. ಪಂದ್ಯವೆಲ್ಲಾ ಮುಗಿದ ಮೇಲೆ ಹರ್ಭಜನ್ ಸಿಂಗ್, ಬೌಲರ್​ ಶ್ರೀಶಾಂತ್ ಅವರ ಕೆನ್ನೆಗೆ ಮೈದಾನದಲ್ಲಿಯೇ ಬಾರಿಸಿದ್ದನ್ನು ನೋಡಿ ಜನ ದಿಗಿಲುಗೊಂಡಿದ್ದರು. ಈ ಘಟನೆ ಈಗ 40 ರ ಆಸುಪಾಸಿನಲ್ಲಿರುವ ಜನರಿಗೆ ಸರಿಯಾಗಿ ನೆನಪಿದೆ. ಈಗೀನ ಕಾಲದ ಮಕ್ಕಳು ಈ ದೃಶ್ಯವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ವೀಕ್ಷಿಸಬಹುದು. ಈ ಘಟನೆಗೆ ಸ್ಲ್ಯಾಪ್‌ಗೇಟ್ ಹಗರಣ ಎಂದೇ ಕೆರೆಯಲಾಗುತ್ತದೆ.

2013ರ ಐಪಿಎಲ್ ಕೇವಲ ಕ್ರಿಕೆಟ್‌ಗೆ ಸೀಮಿತವಾಗಲಿಲ್ಲ. ಕ್ರಿಕೆಟ್​ನಲ್ಲಿ ಸ್ಪಾಟ್ ಫಿಕ್ಸಿಂಗ್‌ನಲ್ಲಿ ನಡೆಯುತ್ತಿದೆ ಎಂಬ ಆರೋಪ ಕೇಳಿಬಂದಿತು. ಈ ಹಗರಣ ಐಪಿಎಲ್​ ಮೇಲಿನ ವಿಶ್ವಾಸಾರ್ಹತೆಯನ್ನೇ ಬುಡಮೇಲು ಮಾಡಿದ್ದು ಸುಳ್ಳಲ್ಲ. ಈ ಸ್ಪಾಟ್ ಫಿಕ್ಸಿಂಗ್‌ ಆರೋಪದಲ್ಲಿ ಶ್ರೀಶಾಂತ್, ಅಜಿತ್ ಚಾಂಡಿಲಾ ಮತ್ತು ಅಂಕಿತ್ ಚವಾಣ್ ಮೇಲೆ ಕ್ರಿಕೆಟ್​ನಿಂದ ನಿಷೇಧ ಹೇರಲಾಯಿತು.

ಈ ಸ್ಪಾಟ್ ಫಿಕ್ಸಿಂಗ್‌ ಮತ್ತು ಮ್ಯಾಚ್​ ಫಿಕ್ಸಿಂಗ್​ ಆರೋಪಗಳು ಕೇವಲ ಆಟಗಾರರಿಗೆ ಸೀಮಿತವಾಗಿರದೇ, ತಂಡಕ್ಕೆ ತಂಡವನ್ನೇ ಬ್ಯಾನ್​ ಮಾಡುವ ಪ್ರಸಂಗವೂ ಐಪಿಎಲ್​ನಲ್ಲಿ ನಡೆದಿದೆ ಎಂದರೆ ನೀವು ನಂಬಲೇ ಬೇಕು. ಚೆನ್ನೈ ಸೂಪರ್ ಕಿಂಗ್ಸ್ (CSK) ಮತ್ತು ರಾಜಸ್ಥಾನ ರಾಯಲ್ಸ್ (RR) ತಂಡಗಳನ್ನು 2016 ಮತ್ತು 2017 ರ ಎರಡು ಆವೃತ್ತಿಗಳಿಂದ ಬ್ಯಾನ್​ ಮಾಡಲಾಗಿತ್ತು. ಈ ತಂಡಗಳ ಜಾಗವನ್ನು ಪುಣೆ ಸೂಪರ್​ ಜೈಂಟ್ಸ್​ ಹಾಗು ಗುಜರಾತ್ ಲಯನ್ಸ್​ ತಂಡಗಳು ತುಂಬಿದ್ದವು.

ಇಂದು ವಿಶ್ವದ ನಂಬರ್ 1 ಆಲ್‌ರೌಂಡರ್ ಆಗಿರುವ ರವೀಂದ್ರ ಜಡೇಜಾ ಕೂಡ ಒಮ್ಮೆ ಐಪಿಎಲ್‌ನಿಂದ ನಿಷೇಧಕ್ಕೊಳಗಾಗಿದ್ದರು ಎಂದರೆ ನೀವು ನಂಬಲೇಬೇಕು. 2010ರಲ್ಲಿ ರಾಜಸ್ಥಾನ ರಾಯಲ್ಸ್ ತಂಡದಲ್ಲಿದ್ದ ಜಡೇಜಾ, ನಿಯಮ ಮೀರಿ ಬೇರೆ ತಂಡದ ಜೊತೆ ಒಪ್ಪಂದಕ್ಕೆ ಮಾತುಕತೆ ನಡೆಸಿದ್ದರು. ಈ ಕಾರಣಕ್ಕೆ ಬಿಸಿಸಿಐ ಅವರನ್ನು ಒಂದು ವರ್ಷ ಐಪಿಎಲ್​ ನಿಂದ ಅಮಾನತು ಮಾಡಿತ್ತು.

ಇದು ಮೈದಾನದ ಒಳಗಿನ ವಿವಾದವಲ್ಲದಿದ್ದರೂ ಕೆಕೆಆರ್ ಮಾಲೀಕ ಶಾರುಖ್ ಖಾನ್ ಅವರಿಗೆ ದೊಡ್ಡ ಹೊಡೆತ ನೀಡಿತ್ತು. 2012ರಲ್ಲಿ ವಾಂಖೇಡೆ ಕ್ರೀಡಾಂಗಣದ ಭದ್ರತಾ ಸಿಬ್ಬಂದಿಯೊಂದಿಗೆ ಕಿರಿಕ್ ಮಾಡಿಕೊಂಡಿದ್ದಕ್ಕಾಗಿ ಶಾರುಖ್ ಅವರಿಗೆ ಮುಂಬೈ ಕ್ರಿಕೆಟ್ ಅಸೋಸಿಯೇಷನ್ 5 ವರ್ಷಗಳ ಕಾಲ ಮೈದಾನಕ್ಕೆ ಪ್ರವೇಶಿಸದಂತೆ ನಿಷೇಧ ಹೇರಲಾಗಿತ್ತು.

ಆದರೆ ಇಷ್ಟೆಲ್ಲಾ ವಿವಾದಗಳೂ ಸಂಭವಿಸಿದರೂ ಐಪಿಎಲ್​ ಕ್ರೇಜ್​ ಹೆಚ್ಚುತ್ತಾ ಹೋಯಿತೇ ಹೊರತು ಎಂದಿಗೂ ಕಡಿಮೆ ಆಗಲೇ ಇಲ್ಲ. ಈಗ ಮಾರ್ಚ್​ 28, 2026 ರಿಂದ 19 ನೇ ಆವೃತ್ತಿಯ ಐಪಿಎಲ್​ನ್ನು ಜನ ಅಷ್ಟೇ ಸಡಗರದಿಂದ ಸ್ವಾಗತಿಸಲು ಕ್ರಿಕೆಟ್​ ಅಭಿಮಾನಿಗಳು ಸಜ್ಜಾಗಿದ್ದಾರೆ,(ಏಜನ್ಸೀಸ್​).