ನಾವು ಅಮೆರಿಕವನ್ನು ಸೋಲಿಸಿದ್ದೇವೆ! ಶೀಘ್ರದಲ್ಲೇ ಸಂಘರ್ಷ ಅಂತ್ಯವಾಗಲಿದೆ; ಡೊನಾಲ್ಡ್​ ಟ್ರಂಪ್​ಗೆ ಇರಾನ್​ ಅಧ್ಯಕ್ಷ ಮಸೂದ್ ಕೌಂಟರ್​! Masoud Pezeshkian on Donald Trump

ಟೆಹ್ರಾನ್​: ಕಳೆದ ನಾಲ್ಕೈದು ತಿಂಗಳಿನಿಂದ ನಡೆಯುತ್ತಿರುವ ಅಮೆರಿಕ-ಇರಾನ್ ನಡುವಿನ ಸಂಘರ್ಷ ಯಾವಾಗ ಮುಕ್ತಾಯವಾಗುತ್ತೋ? ಎಂದು ಈಡೀ ಪ್ರಪಂಚ ಕಾಯುತ್ತಿರುವಾಗ, ಇರಾನ್​ ಅಧ್ಯಕ್ಷ ಮಸೂದ್ ಪೆಜೆಶ್ಕಿಯನ್ ( Masoud Pezeshkian on Donald Trump) ಶುಭ ಸುದ್ದಿ ಕೊಟ್ಟಿದ್ದಾರೆ.

ಈ ಯುದ್ಧದಲ್ಲಿ ನಾವು ಅಮೆರಿಕವನ್ನು ಸೋಲಿಸಿದ್ದೆವೆಂದು ಈಡೀ ಜಗತ್ತು ಒಪ್ಪಿಕೊಂಡಿದೆ. ಆದರೆ ಅಮೆರಿಕ ಮಾತ್ರ ನಮ್ಮ ಶಾಲೆ, ಆಸ್ಪತ್ರೆ ಮೇಲೆ ದಾಳಿ ನಡೆಸಿದೆ. ಆದರೂ ಈ ಸಂಘರ್ಷದಲ್ಲಿ ನಾವು ಮೇಲ್ಗೈ ಸಾಧಿಸಿರುವ ಕಾರಣ ಈ ಯುದ್ಧವನ್ನು ಆದಷ್ಟು ಬೇಗ ಕೊನೆಗೊಳಿಸುವುದು ಉತ್ತಮ ಎಂದು ಅವರು ಹೇಳಿದ್ದಾರೆ.

ಕಾರ್ಯಕ್ರಮವೊಂದರಲ್ಲಿ, ಅಮೆರಿಕ ಇರಾನ್​ ಮೇಲೆ ಆರ್ಥಿಕ ದಿಗ್ಬಂಧನ ಹಾಕಲು ಮುಂದಾಗಿದ್ದು, ಇದಕ್ಕೆ ಅಧ್ಯಕ್ಷರ ಅಭಿಪ್ರಾಯ ಕೇಳಲಾಗಿದೆ.

ನಾವು ಈ ಯುದ್ಧವನ್ನು ಈಗಾಗಲೇ ಗೆದ್ದಾಗಿದೆ. ಅದನ್ನು ಈಡೀ ಜಗತ್ತು ಗುರುತಿಸಿದೆ, ಹಾಗೆಯೇ ಅಮೆರಿಕಾದ ಮೇಲೆ ತಮ್ಮ ಕೋಪ ಮತ್ತು ಆಕ್ರೋಶವನ್ನು ವ್ಯಕ್ತಪಡಿಸಿವೆ. ಹೀಗಾಗಿ ಈ ಸಂಘರ್ಷವನ್ನು ಆದಷ್ಟು ಬೇಗ ಅಂತ್ಯಗೊಳಿಸುವತ್ತ ಗಮನ ಹರಿಸಲಾಗುತ್ತದೆ ಎಂದು ತಿಳಿಸಿದ್ದಾರೆ.

ಮಿಸೈಲ್​, ಡ್ರೋನ್​ ಹಾಗೂ ಜಲಸಂಧಿ ಜಲಯುದ್ಧದ ಬಳಿಕ ಅಮೆರಿಕ, ಇರಾನ್​ ಮೇಲೆ ಆರ್ಥಿಕ ಸಂಘರ್ಷಕ್ಕೆ ಮುಂದಾಗಿದೆ. ಕಳೆದ ಕೆಲ ದಿನಗಳ ಹಿಂದೆ ಅಮೆರಿಕ ಅಧ್ಯಕ್ಷ ಡೊನಾಲ್ಡ್​ ಟ್ರಂಪ್​, ಇರಾನ್​ನ ವಿಮಾನ ನಿಲ್ದಾಣ, ಹಣಕಾಸು ಸಂಸ್ಥೆಳು, ಸರ್ಕಾರಿ ಘಟಕಗಳಿಗೆ ಯಾವುದೇ ರೀತಿಯ ಆರ್ಥಿಕ ಸಹಕಾರ ನೀಡದಂತೆ ವಿಶ್ವಕ್ಕೆ ಅಮೆರಿಕ ಆದೇಶಿಸಿದೆ.

ಈ ನಿಯಮವನ್ನು ಮೀರಿ ಇರಾನ್​ಗೆ ಸಹಾಯ ಮಾಡುವ ದೇಶಗಳು ಕೂಡ ಆರ್ಥಿಕ ಪರಿಣಾಮಗಳನ್ನು ಎದುರಿಸಬೇಕಾಗುತ್ತದೆ ಎಂದು ಎಚ್ಚರಿಕೆ ನೀಡಿದ್ದಾರೆ. ಒಂಧರ್ಥದಲ್ಲಿ ಇರಾನ್​ ಅನ್ನು ಆರ್ಥಿಕವಾಗಿ ಕುಂಟಿಸಿ, ಏಕಾಂಗಿ ಮಾಡುವುದು ಅಮೆರಿಕದ ಯೋಜನೆಯಾಗಿದೆ ಎಂದು ಹೇಳಬಹುದಾಗಿದೆ, (ಏಜನ್ಸೀಸ್​).