1 ಬಿಲಿಯನ್ ಡಾಲರ್ ಕೊಡಿ, ಸುಂದರ ಯುವತಿಯರನ್ನು ಕಳುಹಿಸಿ! ಟರ್ಕಿ ದೇಶಕ್ಕೆ ವಿಚಿತ್ರ ಡಿಮ್ಯಾಂಡ್ ಇಟ್ಟ ಉಗಾಂಡಾ ಮಿಲಿಟರಿ ಮುಖ್ಯಸ್ಥ! Muhoozi Kainerugaba

ಉಗಾಂಡಾ: ಒಂದೆಡೆ ಮಧ್ಯಪ್ರಾಚ್ಯದಲ್ಲಿ ಇರಾನ್​, ಅಮೆರಿಕ ಹಾಗೂ ಇಸ್ರೇಲ್​ ನಡುವೆ ಸಂಘರ್ಷ ಮತ್ತು ಶಾಂತಿ ಒಪ್ಪಂದದ ಮಾತುಕತೆ ನಡೆಯುತ್ತಿದ್ದರೆ, ಇತ್ತ ಉಗಾಂಡಾದ ಸೇನಾ ಮುಖ್ಯಸ್ಥ ಮುಹೂಜಿ ಕೈನೆರುಗಾಬಾ (Muhoozi Kainerugaba) ಟರ್ಕಿ ದೇಶಕ್ಕೆ ವಿಚಿತ್ರವಾದ ವಾರ್ನಿಂಗ್​ ನೀಡಿದ್ದಾನೆ.

ಉಗಾಂಡಾದ ಅಧ್ಯಕ್ಷ ಯೊವೆರಿ ಮುಸೆವೇನಿ ಅವರ ಪುತ್ರ ಹಾಗೂ ಉಗಾಂಡಾದ ಮಿಲಿಟರಿ ಮುಖ್ಯಸ್ಥನಾಗಿರುವ ಮುಹೂಜಿ ಕೈನೆರುಗಾಬಾ ಟರ್ಕಿ ದೇಶಕ್ಕೆ, ನಮಗೆ 30 ದಿನದ ಒಳಗಾಗಿ ಒಂದು ಬಿಲಿಯನ್​ ಡಾಲರ್​ ಜೊತೆಗೆ ನಿಮ್ಮ ದೇಶದ ಸುಂದರ ಯುವತಿಯರನ್ನು ನನ್ನ ಬಳಿ ಕಳುಹಿಸಿ, ಅವರನ್ನು ನನ್ನ ಹೆಂಡತಿಯರನ್ನಾಗಿ ಮಾಡಿಕೊಳ್ಳುತ್ತೆನೆ.

ಹಾಗೆಯೇ ಹಣದ ಜೊತೆಗೆ ಆ ದೇಶದ ಅತ್ಯಂತ ಸುಂದರ ಯುವತಿಯನ್ನು ನಾನು ನನ್ನ ಹೆಂಡತಿಯಾಗಿ ಸ್ವೀಕರಿಸ ಬಯಸಿದ್ದೆನೆ. ನನ್ನ ಈ ಷರತ್ತನ್ನು ಟರ್ಕಿ ಒಪ್ಪಿಕೊಳ್ಳದೆ ಹೋದರೆ, ನಮ್ಮ-ಅವರ ರಾಜತಾಂತ್ರಿಕ ಒಪ್ಪಂದ ಕೊನೆಗೊಳ್ಳಲಿದೆ ಎಂದು ಅವರು ಹೇಳಿದ್ದಾರೆ.

ಉಗಾಂಡಾದ ಸೇನಾ ಮುಖ್ಯಸ್ಥ ಮುಹೂಜಿ ಕೈನೆರುಗಾಬಾ ಅಂತರಾಷ್ಟ್ರೀಯ ರಾಜಕಾರಣದಲ್ಲಿ ತಮ್ಮ ಚಿತ್ರ ವಿಚಿತ್ರ ಟ್ವಿಟ್​ ಮೂಲಕವೇ ಖ್ಯಾತಿಗಳಿಸಿದ್ದಾರೆ. ಇವರು 2022 ರಲ್ಲಿ ಇಟಲಿಯ ಪ್ರಧಾನಿ ಜಾರ್ಜಿಯಾ ಮೆಲೋನಿ ಅವರಿಗೆ 100 ಅಂಕೋಲೆ ಹಸುಗಳನ್ನು ನಮ್ಮ ದೇಶಕ್ಕೆ ಕಳುಹಿಸಬೇಕು, ಇಲ್ಲದಿದ್ದರೆ ನಮ್ಮ ಒಂದು ಲಕ್ಷ ಸೈನಿಕರು ರೋಮ್​ನ್ನು ವಶಕ್ಕೆ ಪಡೆಯುತ್ತಾರೆಂದು ಬೆದರಿಕೆ ಹಾಕಿದ್ದರು.

2024 ರಲ್ಲಿ ನೈರೋಬಿ ಮೇಲೆ ದಾಳಿ ಮಾಡುವುದಾಗಿ ಕೀನ್ಯಾ ಸರ್ಕಾರಕ್ಕೆ ಬೆದರಿಕೆ ಒಡ್ಡಿದ್ದರು. ಅದರೆ ಇವರ ಯಾವ ಬೆದರಿಕೆಗಳು ಕಾರ್ಯರೂಪಕ್ಕೆ ಬರದ ಕಾರಣ ಇವರನ್ನು ಟ್ಚಿಟರ್​ ಜನರಲ್​ ಎಂದು ಕರೆಯುತ್ತಾರೆ, (ಏಜನ್ಸೀಸ್​).