FIFA ವಿಶ್ವಕಪ್ 2026: ಜೋರ್ಡಾನ್ ವಿರುದ್ಧ ಅರ್ಜೆಂಟಿನಾ ಗೆಲುವು; ಮತ್ತೊಂದು ದಾಖಲೆ ಸೃಷ್ಟಿಸಿದ ಲಿಯೋನಲ್ ಮೆಸ್ಸಿ | Lionel Messi

Lionel Messi: FIFA ವಿಶ್ವಕಪ್ 2026 ಪಂದ್ಯಾವಳಿಯಲ್ಲಿ ಶನಿವಾರ(ಜೂ. 27) ಜೋರ್ಡಾನ್ ವಿರುದ್ಧ ಅರ್ಜೆಂಟೀನಾ 3-1 ಅಂತರದಿಂದ ಜಯಗಳಿಸಿದ್ದು, ಈ ವೇಳೆ ಲಿಯೋನೆಲ್ ಮೆಸ್ಸಿ ಸತತ ಏಳು ಫಿಫಾ ವಿಶ್ವಕಪ್ ಪಂದ್ಯಗಳಲ್ಲಿ ಗೋಲು ಗಳಿಸಿದ ಮೊದಲ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿ ಮತ್ತೊಮ್ಮೆ ಇತಿಹಾಸ ಸೃಷ್ಟಿಸಿದ್ದಾರೆ.

ಪಂದ್ಯದ ಎರಡಾರ್ಧದಲ್ಲಿ ಅರ್ಜೆಂಟೀನಾ ನಾಯಕ ಬೆಂಚ್‌ನಿಂದ ಹೊರಬಂದು 80ನೇ ನಿಮಿಷದಲ್ಲಿ ಫ್ರೀ-ಕಿಕ್ ಮೂಲಕ ಗೋಲು ಗಳಿಸಿದರು. ಪೆನಾಲ್ಟಿ ಪ್ರದೇಶದ ಹೊರಗೆ ಫೌಲ್ ಆದ ಬಳಿಕ ಕಡಿಮೆ ಪ್ರಯತ್ನದಲ್ಲಿ ಕಿಕ್​ ಮಾಡಿದ ಮೆಸ್ಸಿ, ಅದು ಇಬ್ಬರು ಜೋರ್ಡಾನ್ ಡಿಫೆಂಡರ್‌ಗಳ ಮೂಲಕ ನೆಟ್​ನ ಎಡಮೂಲೆಗೆ ಸೇರಿತು.

ಈ ಗೋಲು ವಿಶ್ವಕಪ್ ಇತಿಹಾಸದಲ್ಲಿ ಮೆಸ್ಸಿ ಅವರ 19ನೇ ಗೋಲು ಆಗಿದ್ದು, ಸ್ಪರ್ಧೆಯ ಸಾರ್ವಕಾಲಿಕ ಪ್ರಮುಖ ಪುರುಷ ಸ್ಕೋರರ್ ಎಂಬ ದಾಖಲೆಯನ್ನು ವಿಸ್ತರಿಸಿತು. ಅವರ ವೃತ್ತಿಜೀವನದ 72ನೇ ಫ್ರೀ-ಕಿಕ್ ಗೋಲು ಮತ್ತು ನೇರ ಫ್ರೀ-ಕಿಕ್‌ನಿಂದ ಅರ್ಜೆಂಟೀನಾ ಪರವಾಗಿ ಅವರ 12ನೇ ಗೋಲು ಇದಾಗಿದೆ. 39 ವರ್ಷದ ಮೆಸ್ಸಿ ಅರ್ಜೆಂಟೀನಾ ಪರ 202 ಪಂದ್ಯಗಳಲ್ಲಿ 123 ಅಂತರರಾಷ್ಟ್ರೀಯ ಗೋಲುಗಳನ್ನು ಗಳಿಸಿದ್ದಾರೆ (ಏಜೆನ್ಸೀಸ್).