ಮಾನಸಿಕ ಒತ್ತಡ ನಿವಾರಣೆ ನೆಪದಲ್ಲಿ ಕಪ್ಪು ವರ್ಣದವರ ಮೇಲೆ ಚೀನಾ ದ್ವೇಷ? ಜಗತ್ತಿನಾದ್ಯಂತ ಭುಗಿಲೆದ್ದ 'ನತಾಶಾ' ವಿವಾದ: ಚೀನಾ ವಿರುದ್ಧ ಜನಾಂಗೀಯ ನಿಂದನೆ ಆರೋಪ! Natasha Doll Controversy

ವೈರಲ್​: ನತಾಶಾ ಎಂಬ ಕಪ್ಪು ವರ್ಣದ ಬೊಂಬೆಯನ್ನು ಹಿಂಸಾತ್ಮಕವಾಗಿ ಬಳಸಿಕೊಳ್ಳುವ ವಿಡಿಯೋಗಳನ್ನು ನೀವು ಸೋಷಿಯಲ್​ ಮೀಡಿಯಾಗಳಲ್ಲಿ ನೋಡಿರುತ್ತೀರಾ. ಈಗ ಇದು ಅಂತಾರಾಷ್ಟ್ರೀಯವಾಗಿ ಸುದ್ದಿಯಾಗುತ್ತಿದ್ದು, ಈ ಬೊಂಬೆಯನ್ನು ತಯಾರಿಸಿರುವ ಚೀನಾನ ಮೇಲೆ ಜನಾಂಗೀಯ ನಿಂದನೆ (Natasha Doll Controversy) ಆರೋಪ ಕೇಳಿಬರುತ್ತಿದೆ.

ಈ ಬೊಂಬೆಯನ್ನು ನಿಮ್ಮ ಮಾನಸಿಕ ಒತ್ತಡವನ್ನು ಕಡಿಮೆ ಮಾಡಲು ತಯಾರಿಸಲಾಗಿದೆ ಎಂದು ಚೀನಾ ಎಲ್ಲೆಡೆ ಮಾರ್ಕೆಟಿಂಗ್ ಮಾಡಿತ್ತು. ಈ ಬೊಂಬೆಯನ್ನು ಹೇಗೇ ಬೇಕೋ ಹಾಗೇ ಬಳಸಿಕೊಳ್ಳಬಹುದು, ಏನು ಮಾಡಿದರೂ ಈ ಬೊಂಬೆ ಹಾಳಾಗುವುದಿಲ್ಲ. ನಿಮ್ಮ ಒತ್ತಡ ಕಡಿಮೆ ಮಾಡುತ್ತದೆ ಎನ್ನುವುದು ಚೀನಾದ ವಾದವಾಗಿತ್ತು.

ಆದರೆ ನತಾಶಾ ಎಂಬ ಹೆಸರಿನ ಬೊಂಬೆಯನ್ನು ಸುತ್ತಿಗೆಯಿಂದ ಹೊಡೆಯುವ, ಚಾಕುವಿನಿಂದ ಚುಚ್ಚುವ ಹೀಗೆ ಮೊದಲಾದ ರೀತಿಯ ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗುತ್ತಿದ್ದಂತೆ ಜಾಗತಿಕವಾಗಿ ಚೀನಾ ಮೇಲೆ ಜನಾಂಗೀಯ ನಿಂದನೆ ಆರೋಪ ಕೇಳಿಬರುತ್ತಿದೆ.

ನಿಮಗೆ ಮಾನಸಿಕ ಒತ್ತಡವನ್ನು ಕಡಿಮೆ ಮಾಡಲು ಬೊಂಬೆಯನ್ನು ತಯಾರಿಸಲು ಅನುಮತಿಯಿದೆ. ಆದರೆ ಇದು ಸ್ಪಷ್ಟ ಜನಾಂಗೀಯ ನಿಂದನೆ ಎಂದು ಹಲವಾರು ಕೆರೆಬಿಯನ್​ ದೇಶಗಳು ವಿರೋಧಿಸಿವೆ. ಈ ಕೂಡನೇ ಚೀನಾ ಈ ಬೊಂಬೆ ತಯಾರಿಸುವುದನ್ನು ನಿಲ್ಲಿಸಬೇಕು ಹಾಗೂ ಕಪ್ಪು ಜನರಿಗೆ ಕ್ಷಮೆ ಕೇಳಬೇಕೆಂದು ಒತ್ತಾಯಿಸಲಾಗಿದೆ, (ಏಜನ್ಸೀಸ್​).