ಸೆನೆಗಲ್ ಎದುರು ಎಂಬಾಪೆ ಪರಾಕ್ರಮ: ಹಾಲಿ ರನ್ನರ್ ಅಪ್ ಫ್ರಾನ್ಸ್ ಶುಭಾರಂಭ

ನ್ಯೂ ಜೆರ್ಸಿ ಕ್ರೀಡಾಂಗಣದಲ್ಲಿ ನಡೆದ ಐ ಗುಂಪಿನ ಪಂದ್ಯದ ಮೊದಲಾರ್ಧದ ಗೋಲು ರಹಿತವಾಗಿ ಉಳಿಯಿತು. ಆರಂಭಿಕ 45 ನಿಮಿಷಗಳಲ್ಲಿ 14 ಬಾರಿ ಚೆಂಡಿನೊಂದಿಗೆ ಸಂಪರ್ಕ ಸಾಧಿಸಿದ ಎಂಬಾಪೆ ದ್ವಿತೀಯಾರ್ಧದಲ್ಲಿ ಕೌಶಲ ಮೆರೆದರು. ಪಂದ್ಯದ 66ನೇ ನಿಮಿಷದಲ್ಲಿ ಫ್ರಾನ್ಸ್ ಗೆ ಮುನ್ನಡೆ ನೀಡಿದ ಎಂಬಾಪೆ, ವಿಶ್ವಕಪ್‌ನಲ್ಲಿ ಗರಿಷ್ಠ ಗೋಲು ಗಳಿಸಿದವರ ಪಟ್ಟಿಯಲ್ಲಿ ಬ್ರೆಜಿಲ್ ದಿಗ್ಗಜ ತಾರೆ ಪೀಲೆ (12 ಗೋಲು) ಅವರನ್ನು ಹಿಂದಿಕ್ಕಿದರು.

ಸತತ ಮೂರನೇ ಬಾರಿಗೆ ಪ್ರಶಸ್ತಿ ಸುತ್ತಿಗೇರುವ ವಿಶ್ವಾಸದಲ್ಲಿರುವ ಫ್ರಾನ್ಸ್ ತಂಡ ಫಿಫಾ ರ‌್ಯಾಂಕಿಂಗ್‌ನಲ್ಲಿ 2ನೇ ಸ್ಥಾನದಲ್ಲಿದ್ದು, ಸೆನೆಗಲ್ 16ನೇ ಸ್ಥಾನದಲ್ಲಿದೆ. 80,545 ಪ್ರೇಕ್ಷಕರಿಂದ ತುಂಬಿದ್ದ ಕ್ರೀಡಾಂಗಣದ ಕೆಲ ಆಸನಗಳು ಖಾಲಿ ಉಳಿದಿದ್ದವು. ಡಿಸೆಂಬರ್‌ನಲ್ಲಿ ಕನಿಷ್ಠ 20 ರಿಂದ 58 ಸಾವಿರ ರೂ. ಬೆಲೆ ಹೊಂದಿದ್ದ ಟಿಕೆಟ್ ಬೆಲೆ, ಪಂದ್ಯ ಆರಂಭಕ್ಕೆ 2 ಗಂಟೆಗೆ ಮುನ್ನ 6,512 ಸಾವಿರಕ್ಕೆ ಕುಸಿತ ಕಂಡಿತ್ತು.

"

‘ದೇಶದ ಇತಿಹಾಸಕ್ಕೆ ಮತ್ತಷ್ಟು ಕೊಡುಗೆ ನೀಡುತ್ತಿರುವುದು ಹೆಚ್ಚು ಖುಷಿ ನೀಡಿದೆ. ನಾನು ಫುಟ್‌ಬಾಲ್ ಆಡುವುದನ್ನು ನಿಲ್ಲಿಸಿದ ಬಳಿಕ ದಾಖಲೆಗಳ ಬಗ್ಗೆ ಯೋಚಿಸಲು ಸಮಯ ಸಿಗಲಿದೆ. ಆದರೆ, ಈಗ ಯಾವುದಕ್ಕೆ ನಾವೂ ಆಡುತ್ತಿದ್ದೇವೆ ಎಂಬುದು ಮುಖ್ಯ’

— ಎಂಬಾಪೆ, ಪಂದ್ಯಶ್ರೇಷ್ಠ

ಕೈಲಿಯಾನ್ ಎಂಬಾಪೆ (66, 90+6ನೇ ನಿಮಿಷ)

ಬ್ರಾಡಿ ಬಾರ್ಕೊಲಾ (82)

ಇಬ್ರಾಹಿಂ ಮೆಬೇ (90+5).