ಬದುಕಿನ ನೂತನ ಇನಿಂಗ್ಸ್ ಆರಂಭಿಸಿದ ಕುಲ್ದೀಪ್ ಯಾದವ್: ಬಾಲ್ಯದ ಗೆಳತಿ ವಂಶಿಕಾ ಕೈ ಹಿಡಿದ ಸ್ಪಿನ್ ಬೌಲರ್! Kuldeep Yadav Marriage

ಮಸ್ಸೂರಿ: ಟೀಮ್​ ಇಂಡಿಯಾ ಟಿ-ಟ್ವೆಂಟಿ ವಿಶ್ವಕಪ್​ನ್ನು ಗೆದ್ದ ಬೆನ್ನಲ್ಲೇ ಭಾರತ ತಂಡದ ಸ್ಪಿನ್​ ಬೌಲರ್​, ಕುಲ್ದೀಪ್​ ಯಾದವ್​ (Kuldeep Yadav Marriage) ತಮ್ಮ ಬಾಲ್ಯದ ಗೆಳತಿ ವಂಶಿಕಾ ಚಡ್ಡಾ ಅವರನ್ನು ಮದುವೆಯಾಗುವ ಬಳಿಕ, ದಾಂಪತ್ಯ ಜೀವನಕ್ಕೆ ಪಾದಾರ್ಪಣೆ ಮಾಡಿದ್ದಾರೆ.

ಡೆಹರ್ರಾಡೂನಿನ ಖಾಸಗಿ ರೆಸಾರ್ಟ್​ನಲ್ಲಿ ಶನಿವಾರ (ಮಾ.14) ಕುಲ್ದೀಪ್​ ಯಾದವ್​ ವಂಶಿಕಾ ಚಡ್ಡಾ ಅವರನ್ನು ವರಿಸಿ, ಅಧಿಕೃತವಾಗಿ ಮದುವೆಯಾಗಿದ್ದಾರೆ. ಈ ಮದುವೆಯಲ್ಲಿ ಟೀಂ ಇಂಡಿಯಾದ ಯಜುವೇಂದ್ರ ಜಹಲ್, ತಿಲಕ್​ ವರ್ಮಾ, ರಿಂಕು ಸಿಂಗ್​ ಮಾಜಿ ಆಟಗಾರರಾದ ಸುರೇಶ್​ ರೈನಾ, ಆರ್​.ಪಿ. ಸಿಂಗ್​, ಸುನೀಲ್​ ಗವಾಸ್ಕರ್​ ಮೊದಲಾದವರು ಹಾಜರಿದ್ದರು.

ವಿವಿಐಪಿ ಅತಿಥಿಗಳಿಗಾಗಿ ಸುಮಾರು 80 ಕೊಠಡಿಗಳನ್ನು ಸವೊಯ್ ಹೋಟೆಲ್‌ನಲ್ಲಿ ಕಾಯ್ದಿರಿಸಲಾಗಿದೆ. ಅಷ್ಟೇ ಅಲ್ಲದೆ, ಜೆಡಬ್ಲ್ಯೂ ಮ್ಯಾರಿಯಟ್ ಮತ್ತು ಫಾರ್ಚೂನ್ ಹೋಟೆಲ್‌ನಲ್ಲಿಯೂ ಉಳಿಯಲು ವ್ಯವಸ್ಥೆ ಮಾಡಲಾಗಿದೆ. ಡೆಹ್ರಾಡೂನ್ ವಿಮಾನ ನಿಲ್ದಾಣದಿಂದ ಅತಿಥಿಗಳನ್ನು ಕರೆತರಲು ಐಷಾರಾಮಿ ಶಟಲ್‌ಗಳನ್ನು ನಿಯೋಜಿಸಲಾಗಿದೆ.

ಒಟ್ಟಾರೆಯಾಗಿ, ಈ ಮದುವೆ ಕೇವಲ ಕ್ರಿಕೆಟಿಗನ ಮದುವೆಯಲ್ಲ, ಅದೊಂದು ರಾಜವೈಭವದ ಸಮ್ಮೇಳನ ಎಂದರೆ ತಪ್ಪಾಗದು. ಮದುವೆಯ ಬಳಿಕ ಆಚರಣೆಗಳು ಕುಲ್ದೀಪ್ ಅವರ ತವರೂರು ಲಕ್ನೋಗೆ ಸ್ಥಳಾಂತರಗೊಳ್ಳಲಿದ್ದು, ಮಾರ್ಚ್ 17 ರಂದು ಹೋಟೆಲ್ ಸೆಂಟ್ರಮ್‌ನಲ್ಲಿ ಭವ್ಯ ಸ್ವಾಗತ ಸಮಾರಂಭ ನಡೆಯಲಿದೆ,(ಏಜನ್ಸೀಸ್​).