ಸಚಿನ್​-ಬ್ರಾಡ್​​ಮನ್​ಗೆ ಹೋಲಿಕೆ: ಅವರು ಮೆಟ್ಟಿದ ಧೂಳಿಗೂ ನನ್ನ ಮಗ ಸಮನಲ್ಲ; ವೈಭವ್​ ಸೂರ್ಯವಂಶಿ ತಂದೆ ಖಡಕ್​ ರಿಯಾಕ್ಷನ್​! Vaibhav Suryavanshi Father

ಕ್ರಿಕೆಟ್​: ಈ ಭಾರಿಯ ಐಪಿಎಲ್​ನಲ್ಲಿ ತನ್ನ ಸ್ಪೋಟಕ, ಅಮೋಘ ಬ್ಯಾಟಿಂಗ್​ ಮೂಲಕ ಕ್ರಿಕೆಟ್​ ಆರಾಧಕರ ಮನಗೆದ್ದ ಆಟಗಾರನೆಂದರೆ ಅದು ವೈಭವ್​ ಸೂರ್ಯವಂಶಿ ಎನ್ನಬಹುದು. ರಾಜಸ್ಥಾನ್​ ರಾಯಲ್ಸ್​ ತಂಡದ ಪರವಾಣಿ ಓಪನಿಂಗ್​ ಮಾಡಿದ ಈ 15 ರ ಪೋರ 776 ರನ್​ ಗಳಿಸಿ ಆರೆಂಜ್​ ಕ್ಯಾಪ್​ನ್ನು ತನ್ನ ಮುಡಿಗೇರಿ ಕೊಂಡಿದ್ದಾನೆ.

ಐಪಿಎಲ್​ನಲ್ಲಿ ತೋರಿದ ಪ್ರದರ್ಶನವನ್ನು ಗುರುತಿಸಿದ ಟೀಂ ಇಂಡಿಯಾ ಆಯ್ಕೆಗಾರರು, ವೈಭವ್​ ಸೂರ್ಯವಂಶಿಯನ್ನು ಐರ್ಲೆಂಡ್​, ಇಂಗ್ಲೆಂಡ್​ ಹಾಗೂ ಏಷ್ಯನ್​ ಗೇಮ್ಸ್​ ಟಿ-20 ತಂಡಕ್ಕೆ ಸೇರಿಸಿಕೊಂಡಿದ್ದಾರೆ.ಈ ಮೂಲಕ ಕೇವಲ 15 ವರ್ಷಕ್ಕೆ ಟೀ ಇಂಡಿಯಾ ತಂಡ ಸೇರಿದ ವೈಭವ್​ ಸೂರ್ಯವಂಶಿ ಅತಿ ಚಿಕ್ಕ ವಯಸ್ಸಿನಲ್ಲಿ ರಾಷ್ಟ್ರೀಯ ತಂಡಕ್ಕೆ ಆಯ್ಕೆಯಾದ ಆಟಗಾರನೆಂಬ ಹೆಗ್ಗಳಿಕೆಗೆ ಪಾತ್ರನಾಗಿದ್ದಾನೆ.

ಈ ಮೊದಲು ಈ ದಾಖಲೆ ಕ್ರಿಕೆಟ್​ ದೇವರೆಂದೇ ಖ್ಯಾತರಾಗಿದ್ದ ಸಚಿನ್​ ತೆಂಡೂಲ್ಕರ್​ ಅವರ ಹೆಸರಿನಲ್ಲಿತ್ತು. ವೈಭವ್​ನ ಆಟಗವನ್ನು ಮೆಚ್ಚಿಕೊಂಡಿರುವ ಅಭಿಮಾನಿಗಳು, ಇವನನ್ನು ಸಚಿನ್​ ತೆಂಡೂಲ್ಕರ್​, ಡಾನ್​ ಬ್ರಾಡ್​ಮನ್​ಗೆ ಹೋಲಿಸುತ್ತಿದ್ದು, ಇದು ವೈಭವ್​ ಸೂರ್ಯವಂಶಿ ತಂದೆ (Vaibhav Suryavanshi Father) ಗೆ ಬೇಸರವಾಗಿದೆಯಂತೆ.

ವೈಭವ್​ ಸೂರ್ಯವಂಶಿಯನ್ನು ಕ್ರಿಕೆಟ್​ ದೇವರೆಂದೇ ಜನಜನಿತರಾದ ಸಚಿನ್​ ತೆಂಡೂಲ್ಕರ್​ ಅವರಿಗೆ, ಕ್ರಿಕೆಟ್​ನ ದಂತಕಥೆ ಎಂದೇ ಹೇಳಲಾಗುವ ಡಾನ್​ ಬ್ರಾಡ್​ಮನ್​ಗೆ ಹೋಲಿಸಲಾಗುತ್ತಿದೆ.

ನವೆಂಬರ್​ 1989 ರಲ್ಲಿ ಪಾಕಿಸ್ತಾನದ ವಿರುದ್ಧದ ಟೂರ್ನಿಗೆ 16 ವರ್ಷದ ಸಚಿನ್​ ತೆಂಡೂಲ್ಕರ್​ ಟೀಂ ಇಂಡಿಯಾ ತಂಡಕ್ಕೆ ಆಯ್ಕೆಯಾಗುವ ಮೂಲಕ ರಾಷ್ಟ್ರೀಯ ತಂಡ ಸೇರಿದ ದೇಶದ ಅತ್ಯಂತ ಕಿರಿಯ ಆಟಗಾರ ಎಂಬ ಹೆಗ್ಗಳಿಕೆ ಪಾತ್ರವಾಗಿದ್ದರು.