ಪಿಎಸ್‌ಎಲ್​ನಲ್ಲಿ ಬಾಬ್ಜಿ ಹೊಸ ಅವತಾರ: ಮೈದಾನದಲ್ಲಿ ಬೆಡ್ ಹಾಸಿ ಪಾಕ್ ಕ್ರಿಕೆಟರ್ ಮಾಡಿದ್ದೇನು? ವಿಡಿಯೋ ವೈರಲ್​! Babar Azam

ಇಸ್ಲಾಮಾಬಾದ್​: ಈ ಪಾಕಿಸ್ತಾನದ ಕ್ರಿಕೆಟರ್​ಗಳು ಮೈದಾನದಲ್ಲಿ ಬೌಂಡರಿ ಬಾರಿಸಿ, ವಿಕೆಟ್​ ಪಡೆಯುದಕ್ಕಿಂತ ಸೋಶಿಯಲ್​ ಮೀಡಿಯಾಗಳಲ್ಲಿ ಟ್ರೋಲ್​ ಆಗುವುದಕ್ಕೆ ಖ್ಯಾತನಾಮರು ಎಂದರೆ ತಪ್ಪಾಗದು. ಹೋಗಿ ಮೈದಾನದಲ್ಲಿ ನಿಮ್ಮ ಆಟ ತೋರಿಸಿ ಎಂದರೆ ಅಲ್ಲಿಯೂ ಸರಿಯಾಗಿ ಆಡದೆ ಪಂದ್ಯವನ್ನು ಎಷ್ಟು ಹೀನಾಯವಾಗಿ ಸೋಲಬಹುದು ಎನ್ನುವುದನ್ನು ಇವರಿಂದ ಕಲಿಯಬಹುದಾಗಿದೆ.

ಸಸ್ತಾ ವಿರಾಟ್ ಕೊಹ್ಲಿ ಅಥವಾ ಬಾಬ್ಜಿ ದಿ ಕಿಂಗ್​ ಎಂಬೆಲ್ಲಾ ಬಿರುದಗಳನ್ನು ಧರಿಸಿರುವ ಈ ಬಾಬರ್​ ಅಜಂ (Babar Azam) ನಿಗೆ ಬ್ಯಾಟ್​ನಿಂದ ರನ್​ ಹೊಡೆಯುದರೆಂದರೆ ಅಲರ್ಜಿಯಾಗಿದೆ. ಇತ್ತೀಚೆಗೆ ನಡೆದ ಟಿ-20 ವಿಶ್ವಕಪ್​ನಲ್ಲಿ ಪಾಕಿಸ್ತಾನ ತಂಡವನ್ನು ಯಶಸ್ವಿಯಾಗಿ ಸೋಲಿಸಿದ ಕೀರ್ತಿ ಈ ಮಹಾಶಯನಿಗೆ ಸಲ್ಲುತ್ತದೆ.

ಈ ಪುಣ್ಯಕಾರ್ಯವನ್ನು ಮಾಡಿದ ನಂತರ ಇವನನ್ನು ಪಾಕಿಸ್ತಾನ ಕ್ರಿಕೆಟ್​ ಮಂಡಳಿ ಶ್ರೀಲಂಕಾ ನಡುವಿನ ಏಕದಿನ ಟೂರ್ನಿಯಿಂದ ಗೇಟ್​ ಪಾಸ್​ ಕೊಟ್ಟು ಮನೆಗೆ ಕಳುಹಿಸಿದೆ. ಈಗ ಈ ಬಾಬ್ಜಿ ಪಾಕಿಸ್ತಾನ್ ಸೂಪರ್​ ಲೀಗ್​ನಲ್ಲಿ ಲಾಹೋರ್​ ಪರವಾಗಿ ಆಡುತ್ತಿದ್ದು, ಜಾಹಿರಾತೊಂದರ ಶೂಟಿಂಗ್​ ವೇಳೆ ನಡೆದಿರುವ ವಿಡಿಯೋ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್​ ವೈರಲ್​ ಆಗುತ್ತಿದೆ.

ಈದೀಗ ವೈರಲ್ ಆಗುತ್ತಿರುವ ವಿಡಿಯೋನಲ್ಲಿ ಬಾಬರ್​ ಅಜಂ, ಕ್ರೀಡಾಂಗಣದಲ್ಲಿ ಬೆಡ್​ವೊಂದನ್ನು ಹಾಸಿಕೊಂಡಿದ್ದು, ಮುಂದಿನಿಂದ ಒಬ್ಬರು ಕ್ಯಾಚ್​ ಹಿಡಿಯವಂತೆ ಹೇಳಿ ಬಾಲ್​ನ್ನು ಎಸೆದಿದ್ದಾರೆ. ಆದರೆ ಈ ಬಾಬ್ಜಿ ಈ ಸುಲಭದ ಕ್ಯಾಚ್​ನ್ನು ಬಿಟ್ಟಿರುವುದು ಈಗ ಮೀಮರ್​ಗಳ ಬಾಯಿಗೆ ತುತ್ತಾಗಿದೆ.

ಈ ವಿಡಿಯೋ ಈಗಾಗಲೇ ಲಕ್ಷಾಂತರ ವೀಕ್ಷಣೆಯನ್ನು ಕಂಡಿದ್ದು, ನೆಟ್ಟಿಗರು ವಿಧ-ವಿಧವಾಗಿ ಕಮೆಂಟ್​ ಮಾಡುತ್ತಿದ್ದಾರೆ.

ಬೆಡ್​ ಹಾಸಿಕೊಂಡು ಕ್ಯಾಚ್ ಹಿಡಿಯಲು ಬರದಿದ್ದರೆ ಹೋಗಿ ಮನೆಯಲ್ಲಿ ಮಲಕೊ ಎಂದು ಒಬ್ಬರು ಹೇಳಿದ್ದಾರೆ. ಇಷ್ಟು ಸುಲಭದ ಕ್ಯಾಚ್ ಹಿಡಿಯಲು ಆಗದಿದ್ದರೆ ಕ್ರಿಕೆಟ್​ಗೆ ವಿಧಾಯ ಹೇಳು ಎಂದು ಇನ್ನೊಬ್ಬರು ಹೇಳಿದ್ದಾರೆ. ಇವನಂತ ಆಟಗಾರರಿಂದಲೇ ತಮ್ಮ ತಂಡ ಒಂದು ಟೂರ್ನಿಯನ್ನು ಗೆಲ್ಲುತ್ತಿಲ್ಲ ಎಂದು ಪಾಕ್​ ತಂಡದ ಅಭಿಮಾನಿ ಆಕ್ರೋಶ ಹೊರಹಾಕಿದ್ದಾನೆ,(ಏಜನ್ಸೀಸ್​).