ಅವರಿಬ್ಬರ ಜೋಡಿ ಸೂಪರ್...ಕಾವ್ಯಾ ಮಾರನ್-ಅನಿರುದ್ಧ್ ರವಿಚಂದರ್ ಮದುವೆ ಫಿಕ್ಸ್? ಅಳಿಯನ ಮದುವೆ ಬಗ್ಗೆ ಮಾವ ಮಹೇಂದ್ರ ಹೇಳಿದ್ದೇನು? Kavya Maran Anirudh Ravichander Marriage

ಚೆನ್ನೈ: ಕೂಲಿ, ಜನನಾಯಗನ್​, ಜೈಲರ್​ ಮೊದಲಾದ ಸಿನಿಮಾಗಳಲ್ಲಿ ತನ್ನ ಹಿನ್ನಲೆ ಗಾಯನದ ಮೂಲಕ ಜನರ ಹೃದಯವನ್ನು ಗೆದ್ದಿರುವ ಗಾಯಕನೆಂದರೆ ಅದು ಅನಿರುದ್ಧ್ ರವಿಚಂದರ್.

ಈಗ ಈ ಅನಿರುದ್ಧ್ ರವಿಚಂದರ್ ಸನ್​ರೈಸರ್ಸ್​ ಹೈದರಾಬಾದ್ ತಂಡದ ಮಾಲೀಕನ ಮಗಳಾದ ಕಾವ್ಯಾ ಮಾರನ್​ಳನ್ನು ಮದುವೆ (Kavya Maran Anirudh Ravichander Marriage) ಆಗುತ್ತಾರೆಂಬ ವದಂತಿ ಎಲ್ಲೆಡೆ ಹಬ್ಬಿದ್ದು, ಇದಕ್ಕೆ ಗಾಯಕನ ಮಾವವ ಹೇಳಿಕೆ ಇನ್ನಷ್ಟು ಪುಷ್ಟಿ ನೀಡಿದೆ.

ಇತ್ತೀಚೆಗೆ ಖಾಸಗಿ ವಾಹಿನಿಯೊಂದಕ್ಕೆ ನೀಡಿದ್ದ ಸಂದರ್ಶನದಲ್ಲಿ ಅನಿರುದ್ಧ್ ರವಿಚಂದರ್ ಬಗ್ಗೆ ಮಾತನಾಡಿರುವ ಅವರ ಮಾವ ವಾಯ್​.ಜಿ. ಮಹೇಂದ್ರನ್ ನನ್ನ ಸೋದರಳಿಯ ತುಂಬಾ ಮೃದು ಸ್ವಭಾವದವನು. ಅವನು ಇನ್ನು ಕೆಲ ಸಮಯದಲ್ಲಿ ಮದುವೆಯಾಗಲಿದ್ದಾನೆ ಎಂದಿದ್ದಾನೆ.

ನನಗೆ ದೊರೆತಿರುವ ಮಾಹಿತಿ ಪ್ರಕಾರ ಅವನು, ಮದುವೆ ಆಗುವುದು ಬಹುತೇಕ ಖಚಿತವಾಗಿದೆ. ಆದರೆ ಯಾವಾಗ? ಎಲ್ಲಿ ಎಂದು ನನಗೆ ಮಾಹಿತಿ ಇಲ್ಲ ಎಂದಿದ್ದಾರೆ.

ಕಾವ್ಯಾ ಮಾರನ್​ ಹಾಗೂ ಅನಿರುದ್ಧ್​ ಮದುವೆಯಾಗಲಿದ್ದಾರೆ ಎಂದು ಕಳೆದ ಕೆಲ ವರ್ಷಗಳಿಂದ ಹೇಳಲಾಗುತ್ತಿದೆ. ಆದರೆ ಈ ಬಗ್ಗೆ ಅನಿರುದ್ಧ್​ ಆಗಲೀ ಅಥವಾ ಕಾವ್ಯಾ ಆಗಲೀ ಇಲ್ಲಿವರೆಗೆ ಅಧಿಕೃತ ಹೇಳಿಕೆಯನ್ನು ಎಲ್ಲಿ ಸಹ ನೀಡಿಲ್ಲ. ಈಗ ಅನಿರುದ್ಧ್ ಮಾವ ನೀಡಿರುವ ಹೇಳಿಕೆ ಈ ವದಂತಿಗೆ ಇನ್ನಷ್ಟು ರೆಕ್ಕೆ-ಪುಕ್ಕ ನೀಡುವುದರಲ್ಲಿ ಯಾವುದೇ ಅನುಮಾನವಿಲ್ಲ, (ಏಜನ್ಸೀಸ್​).