2015ರಲ್ಲಿ ನಿಶ್ಚಿತಾರ್ಥ ಮುರಿದುಬಿದ್ದಿದ್ದು ಏಕೆ? 9 ವರ್ಷದ ಹಳೆಯ 'ಸಿಕ್ರೇಟ್' ರಿವೀಲ್ ಮಾಡಿದ Trisha!

ಹೌದು, ಇವರಿಬ್ಬರ ಈ 'ಜಂಟಿ ಎಂಟ್ರಿ' ಸಾಮಾಜಿಕ ಜಾಲತಾಣಗಳಲ್ಲಿ ಸಂಚಲನ ಮೂಡಿಸಿದ್ದು, ಇವರಿಬ್ಬರು ಶೀಘ್ರದಲ್ಲೇ ಮದುವೆಯಾಗಲಿದ್ದಾರೆಯೇ ಎಂಬ ಚರ್ಚೆ ಶುರುವಾಗಿದೆ.

ನಟ ವಿಜಯ್ ಅವರ ಪತ್ನಿ ಸಂಗೀತಾ ಸೊರ್ನಾಲಿಂಗಂ ಅವರು 2025ರ ಡಿಸೆಂಬರ್‌ನಲ್ಲಿ ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸಿದ್ದರು ಎಂಬ ವಿಷಯ ಫೆಬ್ರವರಿ 27 ರಂದು ಬಹಿರಂಗವಾಗಿತ್ತು. ಇದರ ಬೆನ್ನಲ್ಲೇ ವಿಜಯ್ ಮತ್ತು ತ್ರಿಶಾ ಒಟ್ಟಾಗಿ ಕಾಣಿಸಿಕೊಂಡಿರುವುದು ಈ ವದಂತಿಗಳಿಗೆ ತುಪ್ಪ ಸುರಿದಂತಾಗಿದೆ. ಈ ಜೋಡಿಯ ಆಪ್ತತೆ ಕಂಡು ಕಾಲಿವುಡ್ ಮಂದಿ ದಂಗಾಗಿದ್ದಾರೆ.

ವಿಜಯ್ ಜೊತೆಗಿನ ಅಫೇರ್ ವದಂತಿಗಳ ನಡುವೆಯೇ, 2015ರಲ್ಲಿ ಉದ್ಯಮಿ ವರುಣ್ ಮಣಿಯನ್ ಜೊತೆ ತ್ರಿಶಾ ಅವರ ನಿಶ್ಚಿತಾರ್ಥ ಮುರಿದುಬಿದ್ದ ವಿಚಾರ ಈಗ ಮತ್ತೆ ಮುನ್ನೆಲೆಗೆ ಬಂದಿದೆ. ಅಂದು ಈ ಮದುವೆ ಕ್ಯಾನ್ಸಲ್ ಆಗಲು ಕಾರಣವೇನು ಎಂಬ ಬಗ್ಗೆ ತ್ರಿಶಾ ನೀಡಿದ್ದ ಹಳೆಯ ಸಂದರ್ಶನದ ಹೇಳಿಕೆ ವೈರಲ್ ಆಗುತ್ತಿದೆ.

"ನಾನು ಮದುವೆಯಾಗಬೇಕಿದ್ದ ವ್ಯಕ್ತಿ ನನ್ನನ್ನು ಸಿನಿಮಾ ಕೆರಿಯರ್ ಬಿಡುವಂತೆ ಕೇಳಿಕೊಂಡಿದ್ದರು. ಆದರೆ ನನಗೆ ಸಿನಿಮಾಗಿಂತ ದೊಡ್ಡದು ಯಾವುದೂ ಇಲ್ಲ. ನಟನೆಯನ್ನು ಬಿಡುವುದಕ್ಕಿಂತ ನಿಶ್ಚಿತಾರ್ಥಕ್ಕೇ ಫುಲ್ ಸ್ಟಾಪ್ ಇಡುವುದು ಲೇಸು ಎಂದು ನಾನು ನಿರ್ಧರಿಸಿದೆ. ನನ್ನ ಕೊನೆಯ ಉಸಿರಿರುವವರೆಗೂ ನಾನು ನಟಿಸುತ್ತೇನೆ" ಎಂದು ತ್ರಿಶಾ ಅಂದು ಗುಡುಗಿದ್ದರು. ನಟನೆಗಾಗಿ ಪ್ರೀತಿಯನ್ನೇ ತ್ಯಾಗ ಮಾಡಿದ ತ್ರಿಶಾ ನಿರ್ಧಾರಕ್ಕೆ ಈಗ ಅಭಿಮಾನಿಗಳು ಮೆಚ್ಚುಗೆ ಸೂಚಿಸುತ್ತಿದ್ದಾರೆ.

ಇತ್ತೀಚೆಗೆ ನಡೆದ ಪ್ರಶಸ್ತಿ ಸಮಾರಂಭವೊಂದರಲ್ಲಿ ನಟ ಪಾರ್ಥಿಬನ್ ಅವರು ತ್ರಿಶಾ ಅವರ ಫೋಟೋ ನೋಡಿ, "ಈ ಕುಂದವೈಯನ್ನು (ಪೊನ್ನಿಯಿನ್ ಸೆಲ್ವನ್ ಪಾತ್ರ) ಕೆಲವು ದಿನ ಮನೆಯಲ್ಲೇ ಕೂರಿಸಬೇಕು, ಆಚೆ ಬಿಡಬಾರದು" ಎಂದು ವಿವಾದಾತ್ಮಕ ಹೇಳಿಕೆ ನೀಡಿದ್ದರು. ಇದಕ್ಕೆ ಎಕ್ಸ್ (X) ಮೂಲಕ ಖಾರವಾಗಿ ಪ್ರತಿಕ್ರಿಯಿಸಿದ ತ್ರಿಶಾ, "ಮೈಕ್ರೋಫೋನ್ ಸಿಕ್ಕ ತಕ್ಷಣ ಆಡುವ ಮಾತು ಬುದ್ಧಿವಂತಿಕೆಯಿಂದ ಕೂಡಿರುವುದಿಲ್ಲ, ಅದು ನಿಮ್ಮ ಮೂರ್ಖತನವನ್ನು ಎತ್ತಿ ತೋರಿಸುತ್ತದೆ" ಎಂದು ತಿರುಗೇಟು ನೀಡಿದ್ದರು. ನಂತರ ಪಾರ್ಥಿಬನ್ ಕ್ಷಮೆಯಾಚಿಸಿದ್ದಾರೆ.

ದಳಪತಿ ವಿಜಯ್ ಸದ್ಯ 'ತಮಿಳಗ ವೆಟ್ರಿ ಕಳಗಂ' ಪಕ್ಷದ ಮೂಲಕ ತಮಿಳುನಾಡು ರಾಜಕೀಯಕ್ಕೆ ಧುಮುಕಲು ಸಿದ್ಧರಾಗಿದ್ದಾರೆ. ಇಂತಹ ಸಂದರ್ಭದಲ್ಲಿ ಅವರ ವೈಯಕ್ತಿಕ ಜೀವನದ ಏರಿಳಿತಗಳು ಮತ್ತು ತ್ರಿಶಾ ಜೊತೆಗಿನ ಸಂಬಂಧದ ವದಂತಿಗಳು ವಿರೋಧ ಪಕ್ಷಗಳಿಗೆ ಅಸ್ತ್ರವಾಗಿ ಪರಿಣಮಿಸಿವೆ. 'ಗಿಲ್ಲಿ' ಚಿತ್ರದಿಂದ 'ಲಿಯೋ'ವರೆಗೆ ಸೂಪರ್ ಹಿಟ್ ಕೆಮಿಸ್ಟ್ರಿ ಹೊಂದಿರುವ ಈ ಜೋಡಿ ನಿಜ ಜೀವನದಲ್ಲೂ ಒಂದಾಗುತ್ತಾರಾ? ಎಂಬುದನ್ನು ಕಾದುನೋಡಬೇಕಿದೆ,(ಏಜೆನ್ಸೀಸ್​).