ಈ ಎಲ್ಲ ಕೌಟುಂಬಿಕ ಒತ್ತಡಗಳು, ಬಾಲ್ಯದ ಘಟನೆಗಳು ಮತ್ತು ಹದಿಹರೆಯದ ಸಂಬಂಧಗಳಿಂದ ಉಂಟಾದ ಮಾನಸಿಕ ಒತ್ತಡವನ್ನು ಹೋಗಲಾಡಿಸಲು ಐಶ್ವರ್ಯಾ ರಹಸ್ಯವಾಗಿ ಥೆರಪಿ (ಚಿಕಿತ್ಸೆ) ಮೊರೆ ಹೋದರು. ಕುಟುಂಬಕ್ಕೆ ತಿಳಿಯದಂತೆ ತಜ್ಞರ ಬಳಿ ಸಮಾಲೋಚನೆ ನಡೆಸಿ ತಮ್ಮೊಳಗಿನ ಗೊಂದಲ, ಟ್ರಾಮಾಗಳನ್ನು ಸರಿಪಡಿಸಿಕೊಂಡಿದ್ದಲ್ಲದೆ, ಕಷ್ಟದ ಸಂದರ್ಭಗಳನ್ನು ಶಾಂತವಾಗಿ ಎದುರಿಸುವ ಮಾನಸಿಕ ಸ್ಥೈರ್ಯವನ್ನು ರೂಢಿಸಿಕೊಂಡರು. ಈ ಹಿಂದೆ ಮದುವೆ ಹಾಗೂ ಸಂಸಾರದ ಕಲ್ಪನೆಯೇ ಇಲ್ಲ ಎಂದಿದ್ದ ಐಶ್ವರ್ಯಾ ಲಕ್ಷ್ಮಿ ಅವರ ಯೋಚನೆಯಲ್ಲಿ ಈಗ ದೊಡ್ಡ ಬದಲಾವಣೆಯಾಗಿದೆ. ಸಿನಿಮಾವೊಂದರಲ್ಲಿ ಮಗುವಿನ ತಾಯಿಯ ಪಾತ್ರದಲ್ಲಿ ನಟಿಸಿದ ಅನುಭವದಿಂದ ಅವರಿಗೆ ತಾಯಿಯಾಗುವ ತೀವ್ರ ಆಸೆ ಮೂಡಿದೆ. ಮಗುವನ್ನು ದತ್ತು ಪಡೆಯುವ ಬದಲು ತಾನೇ ಹೆತ್ತು ತಾಯಿ ಎನಿಸಿಕೊಳ್ಳಬೇಕೆಂಬ ಹಂಬಲ ವ್ಯಕ್ತಪಡಿಸಿರುವ ಅವರು, ಪ್ರಸ್ತುತ ತಾನು ಪ್ರೀತಿಯ ಸಂಬಂಧದಲ್ಲಿದ್ದೇನೆ ಎಂದು ಈ ಹಿಂದಿನ ಸಂದರ್ಶನವೊಂದಲ್ಲಿ ಬಹಿರಂಗಪಡಿಸಿದ್ದಾರೆ.
