ಅಂದಹಾಗೆ, ಪ್ರಸ್ತುತ ಕೃತಕ ಬುದ್ಧಿಮತ್ತೆ (AI) ಯುಗದಲ್ಲಿ ಸೋಶಿಯಲ್ ಮೀಡಿಯಾಗಳಲ್ಲಿ ಯಾವುದು ನಿಜ, ಯಾವುದು ಸುಳ್ಳು ಎಂದು ಪತ್ತೆ ಹಚ್ಚುವುದೇ ಒಂದು ದೊಡ್ಡ ಸವಾಲು. ಪ್ರಮುಖವಾಗಿ ಚಿತ್ರರಂಗದ ಸ್ಟಾರ್ ನಟಿಯರು ಈ ಎಐ ಡೀಪ್ಫೇಕ್ ತಂತ್ರಜ್ಞಾನದಿಂದಾಗಿ ತೀವ್ರ ಸೈಬರ್ ಕಿರುಕುಳ ಎದುರಿಸುವಂತಾಗಿದೆ. ಈಗಾಗಲೇ ರಶ್ಮಿಕಾ ಮಂದಣ್ಣ, ಆಲಿಯಾ ಭಟ್, ಕತ್ರಿನಾ ಕೈಫ್ ಅವರಂತಹ ಖ್ಯಾತ ನಟಿಯರು ಈ ನಕಲಿ ವಿಡಿಯೋಗಳ ಹಾವಳಿಯನ್ನು ಎದುರಿಸಿದ್ದಾರೆ. ಇದೀಗ ಸ್ಯಾಂಡಲ್ವುಡ್ನ 'ಹೋಮ್ಲಿ ಬ್ಯೂಟಿ' ರುಕ್ಮಿಣಿ ವಸಂತ್ ಅವರ ಹೆಸರಲ್ಲೂ ಕಿಡಿಗೇಡಿಗಳು ಎಐ ತಂತ್ರಜ್ಞಾನ ಬಳಸಿ ಸೃಷ್ಟಿಸಿರುವ ನಕಲಿ ಬಿಕಿನಿ ವಿಡಿಯೋ ಹಾಗೂ ಫೋಟೋಗಳು ಇಂಟರ್ನೆಟ್ನಲ್ಲಿ ಭಾರಿ ಚರ್ಚೆ ಮತ್ತು ಆಕ್ರೋಶಕ್ಕೆ ಕಾರಣವಾಗಿದೆ.
