ಬಾಲಿವುಡ್​ ಖ್ಯಾತ ಚಿತ್ರಕಥೆಗಾರ ಸಲೀಂ ಖಾನ್ ಆಸ್ಪತ್ರೆಗೆ ದಾಖಲು! ಸಲ್ಮಾನ್ ಖಾನ್​ ತಂದೆಯ ಆರೋಗ್ಯ ಸ್ಥಿತಿ ಬಗ್ಗೆ ವೈದ್ಯರು ಹೇಳಿದ್ದೇನು ಗೊತ್ತೇ? Salim Khan

ಮುಂಬೈ: ಬಾಲಿವುಡ್​ ಕಂಡ ಯಶಸ್ವಿ ಚಿತ್ರ ಕಥೆಗಾರ ಹಾಗೂ ನಟ ಸಲ್ಮಾನ್​ ಖಾನ್ ತಂದೆ, ಸಲೀಂ ಖಾನ್​ (Salim Khan) ಅವರ ಆರೋಗ್ಯದಲ್ಲಿ ವ್ಯತ್ಯಾಸ ಕಂಡುಬಂದ ಹಿನ್ನಲೆ ಮುಂಬೈನ ಲೀಲಾವತಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಸಲೀಂ ಖಾನ್ ಅವರ ಆರೋಗ್ಯದ ಬಗ್ಗೆ ಮಾತನಾಡಿದ ಡಾಕ್ಟರ್​ ಜಲೀಲ್​ ಪಾರ್ಕರ್​, ಫೆ.17 ರಂದು ಸಲೀಂ ಖಾನ್​ರನ್ನು ಲೀಲಾವತಿ ಆಸ್ಪತ್ರೆಗೆ ಅವರ ಕುಟುಂಬದ ವೈದ್ಯರಾದ ಡಾ. ಸಂದೀಪ್ ಚೋಪ್ರಾ, ಕರೆತಂದಿದ್ದರು. ಆರಂಭಿಕ ಹಂತದಲ್ಲಿ ನಾವು ಖಾನ್​ ಅವರಿಗೆ ಶಸ್ತ್ರಚಿಕಿತ್ಸೆ ಮಾಡಬೇಕೆಂದು ನಿರ್ಧರಿಸಿದ್ದೆವು.

ಇದನ್ನೂ ಓದಿ: ಸಲ್ಮಾನ್​ ಖಾನ್​ ತಂದೆಯ ಆರೋಗ್ಯದಲ್ಲಿ ಏರುಪೇರು; ಆತಂಕದಲ್ಲಿ ಭಾಯ್​ ಜಾನ್​ ಕುಟುಂಬ..Salim Khan

ಆದರೆ ಅವರನ್ನು ಐಸಿಯುನಲ್ಲಿ ವೀಕ್ಷಣೆಗೆಂದು ಇರಿಸಿದಾಗ, ಅವರ ಆರೋಗ್ಯ ಸುಧಾರಣೆಯಾಗಿದೆ. ಸದ್ಯಕ್ಕೆ ಅವರು ವೆಂಟಿಲೇಟರ್​ನಲ್ಲಿದ್ದು, ಅವರಿಗೆ ಯಾವುದೇ ಶಸ್ತ್ರಚಿಕಿತ್ಸೆಯ ಅಗತ್ಯವಿಲ್ಲ ಎಂದಿದ್ದಾರೆ. ಅವರು ನಾಳೆಯೊಳಗೆ ಸಂಪೂರ್ಣವಾಗಿ ಚೇತರಿಸಿಕೊಂಡು, ಮನೆಗೆ ತೆರಳಿದ್ದಾರೆ ಎಂದು ನಾವು ಆಶಿಸುತ್ತೇವೆ ಎಂದು ಲೀಲಾವತಿ ಆಸ್ಪತ್ರೆ ವೈದ್ಯರು ಮಾಹಿತಿ ನೀಡಿದ್ದಾರೆ.

ತಂದೆಯನ್ನು ಆಸ್ಪತ್ರೆಗೆ ದಾಖಲಾಗಿಸಿದೆ ಎಂದ ಕೂಡಲೇ ಮಕ್ಕಳಾದ ಸಲ್ಮಾನ್​ ಖಾನ್​, ಸೋಹೇಲ್​, ಅರ್ಬಾಜ್ ಮತ್ತು ಮಗಳು ಅರ್ಪಿತಾ, ಅಳಿಯ ಆಯುಷ್​ ಶರ್ಮಾ ಆಸ್ಪತ್ರೆಗೆ ಧಾವಿಸಿದ್ದಾರೆ. ಹಿರಿಯ ಬಾಲಿವುಡ್​ ಚಿತ್ರಕಥೆಗಾರನನ್ನು ಆಸ್ಪತ್ರೆಗೆ ದಾಖಲಿಸಿದ ಮಾಹಿತಿ ದೊರೆತ ನಂತರ, ಬಹುಕಾಲದ ಗೆಳೆಯ ಜಾವೇದ್​ ಅಖ್ತರ್​, ಸಂಜಯ್​ ದತ್ತ್, ಅತುಲ್​ ಕುಲಕರ್ಣಿ ಮೊದಲಾದವರು ಸಲೀಂ ಖಾನ್​ ಅವರನ್ನು ನೋಡಲು ಲೀಲಾವತಿ ಆಸ್ಪತ್ರೆಗೆ ಆಗಮಿಸಿದ್ದಾರೆ.

1970-80 ರ ಸಮಯದಲ್ಲಿ ತಮ್ಮ ಚಿತ್ರಕಥೆಗಳ ಮೂಲಕವೇ ಖ್ಯಾತಿಗಳಿಸಿದ್ದ ಸಲೀಂ ಖಾನ್​, ಶೋಲೆ, ಜಂಜೀರ್, ದೀವಾರ್, ತ್ರಿಶೂಲ್, ಶಕ್ತಿ ಮತ್ತು ಮಿಸ್ಟರ್ ಇಂಡಿಯಾ ಮೊದಲಾದ ಸಿನಿಮಾಗಳ ಮೂಲಕ ಮನೆಮಾತಾಗಿದ್ದರು. ಬಾಲಿವುಡ್​ನ ಬಿಗ್​ಬಿ ಖ್ಯಾತಿಯ ಅಮಿತಾಬ್​ ಬಚ್ಚನ್​ ಅವರಿಗೆ ಆ್ಯಂಗ್ರಿ ಯಂಗ್​ ಮ್ಯಾನ್​ ರೀತಿಯ ಛವಿಯನ್ನು ಗಳಿಸುವಲ್ಲಿ ಸಲೀಂ ಖಾನ್​ ಅವರ ಬರವಣಿಗೆಯೇ ಕಾರಣ ಎಂದು ಹೇಳಲಾಗುತ್ತದೆ,(ಏಜನ್ಸೀಸ್​).