ಬಾತ್ ರೂಮ್ ಎಐ ಸೆಲ್ಫಿ; ಟೆಕ್ನಾಲಜಿಯನ್ನು ಜೀವನ ಹಾಳುಮಾಡಲು ಬಳಸಬೇಡಿ ಅಂದ್ರು ನಟಿ ಶ್ರೀಲೀಲಾ Srileela

Sri Leela: ಇತ್ತೀಚಿನ ದಿನಗಳಲ್ಲಿ ಸಾಮಾಜಿಕ ಮಾಧ್ಯಮಗಳಲ್ಲಿ ಸೆಲೆಬ್ರಿಟಿಗಳ ಗೌಪ್ಯತೆ ಮತ್ತು ಆನ್​ಲೈನ್​ ನೀತಿಶಾಸ್ತ್ರದ ಬಗ್ಗೆ ಚರ್ಚೆ ನಡೆಯುತ್ತಲೇ ಇದೆ. ತಂತ್ರಜ್ಞಾನವು ವೇಗವಾಗಿ ಮುಂದುವರೆದಂತೆ, ಸೆಲೆಬ್ರಿಟಿಗಳು ಕೂಡಾ ಆತಂಕಕ್ಕೆ ಒಳಗಾಗುತ್ತಾರೆ. ಅವರ ಮಾರ್ಫ ಮಾಡಿದ AI- ರಚಿತವಾದ ಅಶ್ಲೀಲ ಚಿತ್ರಗಳನ್ನು ಬಿಡುಗಡೆ ಮಾಡುವುದು, ಇನ್ನಿತರ ಕಾರ್ಯಗಳು ಅವರನ್ನು ತಲ್ಲಣಗೊಳಿಸಿದೆ.

ಅಶ್ಲೀಲ ಫೋಟೋಗಳಲ್ಲಿ ಬಲಿಯಾಗಿರುವುದರಲ್ಲಿ ನಟಿ ಶ್ರೀಲೀಲಾ ಕೂಡ ಒಬ್ಬರಾಗಿದ್ದಾರೆ. ಇತ್ತೀಚಿಗೆ ಅವರು ತಮ್ಮದಲ್ಲದ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿವೆ. ಇದನ್ನು ಕೆಲ ವರ್ಗದ ಜನರು ದುರುಪಯೋಗ ಪಡಿಸಿಕೊಳ್ಳುತ್ತಿದ್ದಾರೆ ಎಂದು ಹೇಳುವ ಪೋಸ್ಟ್​ವೊಂದನ್ನು ಹಂಚಿಕೊಂಡಿದ್ದಾರೆ.

ನಾನು ನಿಮ್ಮೆಲ್ಲರ ಮುಂದೆ ಕೈಜೋಡಿಸಿ ಕೇಳುತ್ತಿದ್ದೇನೆ, ಎಲ್ಲಾ ಸಾಮಾಜಿಕ ಮಾಧ್ಯಮ ಬಳಕೆದಾರರು ಯಾವುದೇ ರೀತಿಯ AI- ರಚಿತ ಅಸಂಬದ್ಧತೆಯನ್ನು ಬೆಂಬಲಿಸಬೇಡಿ. ಬಳಕೆ ಮತ್ತು ದುರುಪಯೋಗದ ನಡುವೆ ತುಂಬಾ ವ್ಯತ್ಯಾಸವಿದೆ. ತಂತ್ರಜ್ಞಾನ ಮುಂದುವರೆದಿದೆ. ಅದು ಜೀವನವನ್ನು ಸುಲಭಗೊಳಿಸಲು ಮಾತ್ರ, ನಾಶಪಡಿಸಲು ಅಲ್ಲ ಎಂದು ನಾನು ಅರ್ಥ ಮಾಡಿಕೊಂಡಿದ್ದೇನೆ ಎಂದು ನಟಿ ಬರೆದು ಪೋಸ್ಟ್ ಮಾಡಿದ್ದಾರೆ.

ಜಗತ್ತಿನ ಪ್ರತಿಯೊಬ್ಬ ಹುಡುಗಿಯೂ ಯಾವುದೋ ಮನೆಯ ಮಗಳು, ಮೊಮ್ಮಗಳು, ಸಹೋದರಿ, ಸ್ನೇಹಿತೆ ಅಥವಾ ಸಂಗಾತಿಯಾಗಿರುತ್ತಾರೆ. ಅವರು ತಮ್ಮ ಕಲೆಯನ್ನು ವೃತ್ತಿಯಾಗಿ ಆವರಿಸಿಕೊಂಡಿದ್ದರೆ ಅದು ಅವರಿಗೆ ಸಂತೋಷ ತರುವ ಕೆಲಸವಾಗಿರುತ್ತದೆ. ನಾವು ವಾಸಿಸುವ ಪರಿಸರವು ನಮಗೆ ಸುರಕ್ಷಿತವಾಗಿದೆ. ಹಾಗೆಯೇ ವಿಶ್ವಾಸದೊಂದಿಗೆ ಕಾರ್ಯನಿರ್ವಹಿಸುತ್ತೀದ್ದೇವೆ ಎಂದು ತಿಳಿದುಕೊಳ್ಳಬೇಕು ಎಂದರು.

ಆನ್‌ಲೈನ್‌ನಲ್ಲಿ ಈ ರೀತಿಯ ಘಟನೆಗಳು ನಡೆಯುತ್ತಲೇ ಇರುತ್ತವೆ. ಇದೆಲ್ಲವೂ ನನಗೆ ತಿಳಿದಿದೆ. ಆದರೆ, ಕೆಲಸದಲ್ಲಿ ಬ್ಯುಸಿ ಇದ್ದಾಗ, ಈ ವಿಷಯಗಳನ್ನು ನೋಡಲು ಸಾಧ್ಯವಾಗುತ್ತಿರಲಿಲ್ಲ. ಆದಾಗ್ಯೂ, ಈ ವಿಷಯಗಳನ್ನು ನನ್ನ ಗಮನಕ್ಕೆ ತಂದಿದ್ದಕ್ಕಾಗಿ ನನ್ನ ಸ್ನೇಹಿತರು ಮತ್ತು ಹಿತೈಷಿಗಳಿಗೆ ನಾನು ಧನ್ಯವಾದ ಹೇಳುತ್ತೇನೆ. ನನ್ನದೇ ಆದ ಜಗತ್ತಿನಲ್ಲಿ ಯಾವುದೇ ರೀತಿಯಲ್ಲೂ ಗಮನಹರಿಸದೆ ನನ್ನ ಜೀವನವನ್ನು ನಡೆಸಿದ್ದೇನೆ. ಆದರೆ ಈ ಘಟನೆಯು ನನ್ನ ಮನಸ್ಸಿಗೆ ತುಂಬಾ ಘಾಸಿಮಾಡಿದೆ. ನನ್ನ ಕೆಲವು ಸ್ನೇಹಿತರು ಸಹ ಈ ಘಟನೆಯೊಂದಿಗೆ ಹೋರಾಡುತ್ತಿದ್ದಾರೆ.

ಗೌರವ ಮತ್ತು ಘನತೆಯಿಂದ ನನ್ನ ಪ್ರೇಕ್ಷಕರನ್ನು ನಂಬುತ್ತೇನೆ. ನಿಮ್ಮೊಂದಿಗೆ ಸದಾ ನಿಲ್ಲುತ್ತೇನೆ. ಈ ವಿಚಾರದ ಬಗ್ಗೆ ಅಧಿಕಾರಿಗಳು ಇಲ್ಲಿಂದಲೇ ಕಾರ್ಯ ನಿರ್ವಹಿಸುತ್ತಾರೆ ಎಂದು ಅಭಿಪ್ರಾಯ ಹಂಚಿಕೊಂಡಿದ್ದಾರೆ (ಏಜೆನ್ಸೀಸ್​).