ಇಂದು ನಿನ್ನೆಯದ್ದಲ್ಲ... ಈ ಒಂದೇ ಒಂದು ಕಾರಣಕ್ಕೆ 15 ವರ್ಷ ವಿಜಯ್​ ಜತೆ ನಟಿಸಲೇ ಇಲ್ಲ ತ್ರಿಷಾ! Actress Trisha

Actress Trisha : ಕಾಲಿವುಡ್​ನ ಅತ್ಯಂತ ಜನಪ್ರಿಯ ಜೋಡಿ ಎಂದರೆ ಅದು ದಳಪತಿ ವಿಜಯ್ ಮತ್ತು ತ್ರಿಷಾ. 2004ರಲ್ಲಿ ಬಿಡುಗಡೆಯಾದ ಸೂಪರ್ ಹಿಟ್ ಸಿನಿಮಾ 'ಗಿಲ್ಲಿ' ಮೂಲಕ ಇವರ ಅದ್ಭುತ ಕೆಮಿಸ್ಟ್ರಿ ಮೊದಲ ಬಾರಿಗೆ ಜನರ ಗಮನ ಸೆಳೆಯಿತು. ತದನಂತರ 'ತಿರುಪ್ಪಾಚಿ', 'ಆದಿ' ಮತ್ತು 'ಕುರುವಿ' ಅಂತಹ ಸಿನಿಮಾಗಳ ಮೂಲಕ ಇವರ ಅಭಿಮಾನಿ ಬಳಗ ಮತ್ತಷ್ಟು ದೊಡ್ಡದಾಯಿತು. ಆದರೆ, 2008ರಲ್ಲಿ 'ಕುರುವಿ' ಸಿನಿಮಾ ಬಿಡುಗಡೆಯಾದ ಬಳಿಕವಷ್ಟೇ ಇವರಿಬ್ಬರ ನಡುವೆ ಆಪ್ತ ಸಂಬಂಧವಿದೆ ಎಂಬ ಸುದ್ದಿಗಳು ಕಾಲಿವುಡ್ ಅಂಗಳದಲ್ಲಿ ಹರಿದಾಡಲು ಪ್ರಾರಂಭಿಸಿದವು.

'ಕುರುವಿ' ಚಿತ್ರದ ನಂತರ ಈ ಯಶಸ್ವಿ ಜೋಡಿ ದಿಢೀರನೆ ಒಟ್ಟಾಗಿ ನಟಿಸುವುದನ್ನು ನಿಲ್ಲಿಸಿದ್ದು ಚಿತ್ರರಂಗದಲ್ಲಿ ಹಲವು ಅನುಮಾನಗಳಿಗೆ ಎಡೆಮಾಡಿಕೊಟ್ಟಿತ್ತು. ಇದು ಕೇವಲ ವೃತ್ತಿಪರ ನಿರ್ಧಾರವಲ್ಲ, ಬದಲಿಗೆ ಇಬ್ಬರ ನಡುವಿನ ಸಂಬಂಧದ ಬಗ್ಗೆ ಹಬ್ಬಿದ್ದ ವದಂತಿಗಳೇ ಇದಕ್ಕೆ ಕಾರಣ ಎಂಬ ಮಾತುಗಳು ಕೇಳಿಬಂದವು. ವಿಜಯ್ ಅವರ ಕುಟುಂಬದ ಸದಸ್ಯರೇ ಇನ್ನು ಮುಂದೆ ತ್ರಿಷಾ ಜೊತೆ ನಟಿಸದಂತೆ ಅವರಿಗೆ ಸೂಚಿಸಿದ್ದರು. ಅದೇ ಕಾರಣಕ್ಕೆ ಇಬ್ಬರೂ ಪರದೆಯಿಂದ ದೂರ ಉಳಿದರು ಎಂಬ ಸುದ್ದಿಗಳು ಆ ಸಮಯದಲ್ಲಿ ತೀವ್ರವಾಗಿದ್ದವು.

ಹೀಗೆ ಹರಿದಾಡುತ್ತಿದ್ದ ಎಲ್ಲಾ ಗಾಳಿಸುದ್ದಿಗಳನ್ನು ವಿಜಯ್ ಮತ್ತು ತ್ರಿಷಾ ಇಬ್ಬರೂ ಸ್ಪಷ್ಟವಾಗಿ ತಳ್ಳಿಹಾಕಿದ್ದರು. ತಾವು ಕೇವಲ ಆತ್ಮೀಯ ಸ್ನೇಹಿತರಷ್ಟೇ ಎಂದು ಸ್ಪಷ್ಟಪಡಿಸುವ ಮೂಲಕ ವಿವಾದಗಳಿಗೆ ತೆರೆ ಎಳೆಯಲು ಪ್ರಯತ್ನಿಸಿದ್ದರು. ಸುಮಾರು ಒಂದೂವರೆ ದಶಕಗಳ ಕಾಲ ಇವರಿಬ್ಬರು ಯಾವುದೇ ಸಿನಿಮಾದಲ್ಲಿ ಒಟ್ಟಾಗಿ ಕಾಣಿಸಿಕೊಳ್ಳದೆ ತಮ್ಮ ವೃತ್ತಿಜೀವನದಲ್ಲಿ ಬಿಜಿಯಾಗಿದ್ದರು.

ಆದರೆ, ಬರೋಬ್ಬರಿ 15 ವರ್ಷಗಳ ಸುದೀರ್ಘ ವಿರಾಮದ ನಂತರ 'ಲಿಯೋ' ಚಿತ್ರದ ಮೂಲಕ ಈ ಜೋಡಿ ಮತ್ತೆ ಒಂದಾದಾಗ ಅಭಿಮಾನಿಗಳಿಗೆ ದೊಡ್ಡ ಅಚ್ಚರಿಯೇ ಕಾದಿತ್ತು. ಚಿತ್ರದ ಪ್ರಚಾರದ ವೇಳೆ ಇಬ್ಬರೂ ಒಟ್ಟಾಗಿ ಕಾರ್ಯಕ್ರಮಗಳಲ್ಲಿ ಭಾಗವಹಿಸಿದ್ದು ಮತ್ತು ಸಾಮಾಜಿಕ ಜಾಲತಾಣಗಳಲ್ಲಿ ಫೋಟೋಗಳನ್ನು ಹಂಚಿಕೊಂಡಿದ್ದು ಹಳೆಯ ನೆನಪುಗಳನ್ನು ಮರುಕಳಿಸುವಂತೆ ಮಾಡಿತು. 

ವಿಶೇಷವಾಗಿ ವಿಜಯ್ ಅವರ ಹುಟ್ಟುಹಬ್ಬದ ಸಂದರ್ಭದಲ್ಲಿ ತ್ರಿಷಾ ಹಂಚಿಕೊಂಡ ಚಿತ್ರವಂತೂ ಇಬ್ಬರ ನಡುವಿನ ಸಂಬಂಧದ ಬಗ್ಗೆ ಮತ್ತೆ ಚರ್ಚೆ ಆರಂಭವಾಗಲು ಕಾರಣವಾಯಿತು.

ಈ ಬೆಳವಣಿಗೆಗಳ ಬೆನ್ನಲ್ಲೇ, 2026ರ ಫೆಬ್ರವರಿಯಲ್ಲಿ ವಿಜಯ್ ಅವರ ಪತ್ನಿ ಸಂಗೀತಾ ಅವರು ನ್ಯಾಯಾಲಯದಲ್ಲಿ ವಿಚ್ಛೇದನಕ್ಕಾಗಿ ಅರ್ಜಿ ಸಲ್ಲಿಸಿರುವುದು ದೊಡ್ಡ ಮಟ್ಟದ ಸಂಚಲನ ಮೂಡಿಸಿದೆ. ವಿಜಯ್ ಅವರಿಗೆ ಮತ್ತೊಬ್ಬ ನಟಿಯ ಜೊತೆ ಸಂಬಂಧವಿದೆ ಎಂಬ ಕಾರಣ ನೀಡಿ ಈ ಅರ್ಜಿ ಸಲ್ಲಿಕೆಯಾಗಿದ್ದು, ಅರ್ಜಿಯಲ್ಲಿ ಆ ನಟಿಯ ಹೆಸರನ್ನು ಉಲ್ಲೇಖಿಸಲಾಗಿಲ್ಲ. ಆದರೂ, ಸಾಮಾಜಿಕ ಜಾಲತಾಣಗಳಲ್ಲಿ ಮತ್ತು ಸಾರ್ವಜನಿಕ ವಲಯದಲ್ಲಿ ಆ ನಟಿ ತ್ರಿಷಾ ಇರಬಹುದು ಎಂಬ ಊಹಾಪೋಹಗಳು ದಟ್ಟವಾಗಿ ಹರಡುತ್ತಿವೆ, (ಏಜೆನ್ಸೀಸ್​).