ಅವಳು ನನ್ನ ಬೆಸ್ಟ್​​ ಫ್ರೆಂಡ್​, ಆದರೆ.....: ಪ್ರೀತಿ ಜಿಂಟಾ ಜೊತೆಗಿನ ಡೇಟಿಂಗ್​ ವದಂತಿಗೆ ಬ್ರೆಟ್​​ ಲೀ ಹೇಳಿದ್ದೇನು? Brett Lee on Preity Zinta

ಮುಂಬೈ: ಕಳೆದ ಹಲವು ವರ್ಷ, ಅಂದರೆ ಹೆಚ್ಚು ಕಡಿಮೆ ಒಂದು ದಶಕಗಳಿಂದ ಕೇಳಿರುತ್ತಿದ್ದ ಡೇಟಿಂಗ್​ ವದಂತಿ ಬಗ್ಗೆ ಆಸ್ಟ್ರೇಲಿಯಾದ ಮಾಜಿ ಕ್ರಿಕೆಟ್​ ಆಟಗಾರ ಬ್ರೆಟ್​​​ ಲೀ ಕೊನೆಗೂ ಮೌನ ಮುರಿದಿದ್ದಾರೆ.

ಹೌದು, ಕಳೆದ ಹಲವಾರುವ ವರ್ಷಗಳಿಂದ ಬ್ರೆಟ್​ ಲೀ (Brett Lee on Preity Zinta) ಮತ್ತು ಬಾಲಿವುಡ್​ ಬ್ಯೂಟಿ ಪ್ರೀತಿ ಜಿಂಟಾ ಪರಸ್ಪರ ಡೇಟಿಂಗ್​ ಮಾಡುತ್ತಿದ್ದಾರೆಂಬ ಮಾತುಗಳು ಕೇಳಿ ಬರುತ್ತಿದ್ದವು. ನಂತರದ ದಿನಗಳಲ್ಲಿ ಇಬ್ಬರೂ ಬೇರೆಯವರನ್ನು ಮದುವೆಯಾಗಿ ಇದು ಕೇವಲ ವದಂತಿ ಮಾತ್ರ ಎಂದು ಸ್ಪಷ್ಟ ಪಡಿಸಿದ್ದರೂ ಕೂಡ, ಈಗ ಈ ಬಗ್ಗೆ ಲೀ ಮನಬಿಚ್ಚಿ ಮಾತನಾಡಿದ್ದಾರೆ.

ಇತ್ತೀಗೆಚೆ ಮಾಧ್ಯಮವೊಂದಕ್ಕೆ ನೀಡಿದ್ದ ಸಂದರ್ಶನದಲ್ಲಿ ಮಾತನಾಡಿದ ಆಸ್ಟ್ರೇಲಿಯಾದ ಮಾಜಿ ವೇಗಿ, ನಾನು ಯಾವುದೇ ಬಾಲಿವುಡ್​ ನಟಿಯನ್ನು ಡೇಟ್​ ಮಾಡಿಲ್ಲ ಎಂದು ಹೇಳಿದ್ದಾರೆ.

ಹಾಗೂ ಪ್ರೀತಿ ಜಿಂಟಾ ಬಗ್ಗೆ ಮಾತನಾಡಿದ ಅವರು, ನಾನು ಮತ್ತು ಪ್ರೀತಿ ಅಂದು, ಇಂದು, ಎಂದೆಂದೂ ಅತ್ಯುತ್ತಮ ಗೆಳೆಯರಾಗಿರುತ್ತೇವೆ. ಅವಳು ಆ ಸಮಯದಲ್ಲಿ ಪಂಜಾಬ್​ ಕಿಂಗ್ಸ್​ ತಂಡದ ಲೇಡಿ ಬಾಸ್​ ಆಗಿದ್ದಳು. ಆಕೆ ನನ್ನ ನೆಚ್ಚಿನ ಗೆಳತಿ ಎನ್ನುವುದರಲ್ಲಿ ಯಾವುದೇ ಸಂದೇಹವಿಲ್ಲ ಎಂದಿದ್ದಾರೆ.

ಈ ಎಲ್ಲಾ ವದಂರಿಗಳ ನಡುವೆ ಬ್ರೆಟ್​ ಲೀ 2006 ರಲ್ಲಿ ಮದುವೆಯಾಗಿ, 2009 ರಲ್ಲಿ ವಿಚ್ಛೇದನವನ್ನು ಪಡೆದು ಮತ್ತೆ 2014 ರಲ್ಲಿ ಎರಡನೇ ಮದುವೆಯಾಗಿದ್ದಾರೆ. ಅಂತಯೇ ಬ್ರೆಟ್​ ಲೀ ಗೆ ಇಬ್ಬರು ಮಕ್ಕಳಿದ್ದಾರೆ.

ಬ್ರೆಟ್​ ಲೀ ಮದುವೆಯಾದ ನಂತರ ಪ್ರೀತಿ ಜಿಂಟಾ ಪಂಜಾಬ್​ ತಂಡದ ಮಾಲೀಕ ನೆಸ್​ ವಾಡೀಯಾ ಅವರ ಜೊತೆ ಸಂಬಂಧ ಹೊಂದಿದ್ದಾರೆಂದು ಇನ್ನೊಂದು ವದಂತಿ ಹರಿದಾಡಲು ಶುರುವಾಗಿತ್ತು. ಆದರೆ ಜಿಂಟಾ 2016 ರಲ್ಲಿ ಜೀನ್ ಗುಡೆನಫ್ ಎಂಬಾತನನ್ನು ಮದುವೆಯಾಗಿ ಅವಳಿ ಮಕ್ಕಳನ್ನು ಪಡೆದಿದ್ದಾರೆ,

(ಏಜನ್ಸೀಸ್​).