ಬಾಲಿವುಡ್​ನಿಂದ ರಣವೀರ್​ ಬ್ಯಾನ್?​ ಧುರಂಧರ್​ ಸಕ್ಸಸ್​ ನೋಡಿ ಇವರಿಗೆಲ್ಲಾ ಹೊಟ್ಟೆಯುರಿ; ಶೋಭಾ ಡೆ ಆಕ್ರೋಶ! Shobhaa De on Ranveer Singh Ban

ಮುಂಬೈ: ಡಾನ್​ 3 ಸಿನಿಮಾದಿಂದ ನಟ ರಣವೀರ್​ ಸಿಂಗ್​ ಹೊರನಡೆದ ಕಾರಣ ಬಾಲಿವುಡ್‌ನ ಚಲನಚಿತ್ರ ಕಾರ್ಮಿಕರ ಒಕ್ಕೂಟ ರಣವೀರ್​ ಸಿಂಗ್​ ನಟಿಸುವ ಸಿನಿಮಾಗಳಲ್ಲಿ ತಾವು ನಟಿಸುವುದಿಲ್ಲ ಎಂದು ಹೇಳುವ ಮೂಲಕ ನಟನನ್ನು ಚಿತ್ರರಂಗದಿಂದ ಬ್ಯಾನ್​ ಮಾಡುವ ವಾತಾರಣವನ್ನು ನಿರ್ಮಿಸಿದೆ.

ಈಗ ಈ ನಿರ್ಣಯಕ್ಕೆ ಪ್ರತಿಕ್ರಿಯೆ ನೀಡಿರುವ ಖ್ಯಾತ ಕಾದಂಬರಿಗಾರ್ತಿ ಹಾಗೂ ಅಂಕಣಗಾರ್ತಿ ಶೋಭಾ ಡೆ (Shobhaa De on Ranveer Singh Ban), ಧುರಂಧರ್​ ಸಿನಿಮಾದ ಯಶಸ್ಸನ್ನು ಸಹಿಸದ ಮನಸ್ಥಿತಿಗಳು ನಟ ರಣವೀರ್​ ಹಾಗೂ ನಿರ್ದೇಶಕ ಆದಿತ್ಯ ಧರ್​ ಮೇಲೆ ರೂಪಿಸಿರುವ ಷಡ್ಯಂತ್ರವಾಗಿದೆ ಎಂದು ಹೇಳಿದ್ದಾರೆ.

ಈ ನಿಷೇಧದ ಕುರಿತು ಕೇವಲ ಸಿನಿಮಾರಂಗ ಮಾತ್ರವಲ್ಲ ರಾಜಕೀಯದಲ್ಲಿ ಸಹ ಸದ್ದು ಮಾಡುತ್ತಿದ್ದರೂ ನಟ ರಣವೀರ್​ ಇದು ಯಾವುದಕ್ಕೂ ರಿಯಾಕ್ಷನ್​ ಕೊಟ್ಟಿಲ್ಲ.

ರಣವೀರ್​ ಜೊತೆ ಸಿನಿಮಾ ಮಾಡಲು ಒಪ್ಪದ ಒಕ್ಕೂಟದ ನಿರ್ಧಾರದ ಹಿಂದಿನ ಸತ್ಯಾಂಶವನ್ನು ಭಾರತೀಯ ಚಲನಚಿತ್ರ ಮತ್ತು ದೂರದರ್ಶನ ನಿರ್ದೇಶಕರ ಸಂಘದ ಅಧ್ಯಕ್ಷ ಅಶೋಕ್ ಪಂಡಿತ್ ಬಿಚ್ಚಿಟ್ಟಿದ್ದಾರೆ.