'ಐಶ್ವರ್ಯಾ ರೈ ಎಂದಿಗೂ ಅದ್ಭುತ, ನಿಮ್ಮನ್ನು ಮೆಚ್ಚಿಸೋಕೆ ಕೇನ್ಸ್​​ಗೆ ಹೋಗಿಲ್ಲ'; ಫ್ಯಾಟ್​ ಆಂಟಿ ಎಂದವರಿಗೆ ಗುಮ್ಮಿದ Kangana Ranaut

ಕಂಗನಾ ರಣಾವತ್​ ಅವರು ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಪೋಸ್ಟರ್​ ಹಂಚಿಕೊಂಡು, ಮಾಜಿ ವಿಶ್ವ ಸುಂದರಿಯ ಸೌಂದರ್ಯ ಮತ್ತು ಜಾಗತಿಕ ಸಾಧನೆಯನ್ನು ಮುಕ್ತಕಂಠದಿಂದ ಶ್ಲಾಘಿಸಿದ್ದಾರೆ. ಐಶ್ವರ್ಯಾ ರೈ ಅವರು ಸದಾ ಅದ್ಭುತವಾಗಿ ಕಾಣುತ್ತಾರೆ ಎಂದು ಪೋಸ್ಟ್ ಹಂಚಿಕೊಂಡಿದ್ದಾರೆ.

ಐಶ್ವರ್ಯಾ ಅವರ  ಕೇನ್ಸ್ ಲುಕ್‌ನ ಫೋಟೋ ಒಂದನ್ನು ಕಂಗನಾ ರಣಾವತ್  ಹಂಚಿಕೊಂಡು ಬರೆದುಕೊಂಡಿರುವುದು ಹೀಗೆ.. 'ಐಶ್ವರ್ಯಾ ರೈ ಅವರು ನಿಮ್ಮನ್ನು ಮೆಚ್ಚಿಸಲು ಅಲ್ಲಿಗೆ ಹೋಗಿಲ್ಲ. ಅವರು ವಿಶ್ವದ ಅತ್ಯಂತ ಪ್ರತಿಷ್ಠಿತ ಫಿಲ್ಮ್ ಫೆಸ್ಟಿವಲ್‌ನಲ್ಲಿ ಭಾರತವನ್ನು ಪ್ರತಿನಿಧಿಸುತ್ತಿದ್ದಾರೆ. ಪ್ರತಿಯೊಬ್ಬರಿಗೂ ಅವರದ್ದೇ ಆದ ವಿಶಿಷ್ಟ ಶೈಲಿ ಇರುತ್ತದೆ ಮತ್ತು ಅದನ್ನು ಗೌರವಿಸಬೇಕು'. 

'ಫ್ಯಾಷನ್ ಮತ್ತು ಸ್ಟೈಲ್ ಎಂಬುದು ಸ್ವಯಂ ಅಭಿವ್ಯಕ್ತಿ. ಅದು ಜೀವನದ ಮೇಲಿನ ಒಬ್ಬರ ಸ್ವಂತ ವ್ಯಾಖ್ಯಾನ ಮತ್ತು ಅವರ ಮನೋಭಾವ ಆಗಿರುತ್ತದೆ. ಐಶ್ವರ್ಯಾ ಅದ್ಭುತವಾಗಿ ಕಾಣಿಸುತ್ತಿದ್ದಾರೆ ಅವರನ್ನು ಬೇರೆ ರೀತಿಯಲ್ಲಿ ನೋಡಲು ಬಯಸುವವರು, ಮೊದಲು ನಿಮ್ಮಲ್ಲಿ ಏನಿದೆ ಎಂದು ನೀವೇಕೆ ತೋರಿಸಬಾರದು?? ಅವರು ನಿಮ್ಮನ್ನು ಮೆಚ್ಚಿಸಲು ಇಲ್ಲಿಗೆ ಬಂದಿಲ್ಲ, ಅವರು ಸದಾ ವೈಭವೋಪೇತ. ರೆಡ್ ಕಾರ್ಪೆಟ್‌ಗಳ ಮೇಲೆ ವಯಸ್ಸಾದ ಮಹಿಳೆಯರನ್ನು ನೋಡಿ ನಿಮಗೆ ಅಭ್ಯಾಸವಿಲ್ಲದಿದ್ದರೆ, ಇನ್ಮುಂದೆ ಅದನ್ನು ನೋಡಿ ಅಭ್ಯಾಸ ಮಾಡಿಕೊಳ್ಳಿ.'

ಮುಂದುವರೆದು, 'ಇಂಟರ್ನೆಟ್‌ನಲ್ಲಿ ಕುಳಿತು ಬೇರೆಯವರನ್ನು ಟ್ರೋಲ್ ಮಾಡುವವರು ಮೊದಲು ಜಾಗತಿಕ ಮಟ್ಟದಲ್ಲಿ ದೇಶವನ್ನು ಪ್ರತಿನಿಧಿಸುವುದು ಎಂದರೆ ಏನು ಎಂಬುದನ್ನು ಅರ್ಥಮಾಡಿಕೊಳ್ಳಬೇಕು. ಐಶ್ವರ್ಯಾ ಅವರು ದಶಕಗಳಿಂದ ಅಂತರರಾಷ್ಟ್ರೀಯ ವೇದಿಕೆಯಲ್ಲಿ ಭಾರತದ ಹೆಸರನ್ನು ಹೆಮ್ಮೆಯಿಂದ ಬೆಳಗಿಸುತ್ತಿದ್ದಾರೆ. ಇಂತಹ ನಟಿಯ ಉಡುಪಿನ ಬಗ್ಗೆ ನಕಾರಾತ್ಮಕವಾಗಿ ಮಾತನಾಡುವುದು ಸರಿಯಲ್ಲ'.

ಈ ಹಿಂದೆ ಕಂಗನಾ ಅವರು ದೀಪಿಕಾ ಪಡುಕೋಣೆಯವರ ಪರವು ನಿಂತು ಮಾತನಾಡಿದ್ದರು.ಸಿನಿಮಾ ಚಿತ್ರೀಕರಣದ ವೇಳೆ 8 ಗಂಟೆ ಮಾತ್ರ ಕೆಲಸಕ್ಕೆ ಬೇಡಿಕೆಯಿಟ್ಟಿದ್ದ ದೀಪಿಕಾ ಪಡುಕೋಣೆಯವರ ಬೇಡಿಕೆಯನ್ನು ಕಂಗನಾ ಗೌರವಿಸಿದ್ದರು.  ನಾನು ದೀಪಿಕಾ ಸಿನಿಮಾಗಾಗಿ ಆರಂಭದಲ್ಲಿ ಹಗಲಿರುಳು ಕೆಲಸ ಮಾಡಿದ್ದೇವೆ. ಒಂದು ಮಗುವಿನ ತಾಯಿಯಾದ ಅವರು ಸರಿಯಾಗಿಯೇ ತಮ್ಮ ಬೇಡಿಕೆಯನ್ನು ಮುಂದಿಟ್ಟಿದ್ದಾರೆ. ಅದನ್ನು ಗೌರವಿಸಬೇಕು. ದೀಪಿಕಾ ಅವರಿಗೆ ಕುಟುಂಬ ಮತ್ತು ಮಗುವಿನ ಜವಾಬ್ದಾರಿ ಇರುವುದರಿಂದ, ಅವರು ತಮ್ಮ ವೃತ್ತಿಜೀವನದಲ್ಲಿ ಆ ಸ್ಥಾನವನ್ನು ಗಳಿಸಿದ್ದಾರೆ ಮತ್ತು ಅದಕ್ಕೆ ತಕ್ಕಂತೆ ಜನರು ಅವರ ವೇಳಾಪಟ್ಟಿಗೆ ಹೊಂದಿಕೊಳ್ಳಬೇಕು ಎಂದು ಬೆಂಬಲಿಸಿದ್ದರು, (ಏಜೆನ್ಸೀಸ್).