ಮಹಾಕಾಳನ ಸನ್ನಿಧಿಯಲ್ಲಿ ಧುರಂಧರ್ 2 ಸುಂದರಿ: ಭಸ್ಮಾರತಿ ದರ್ಶನ ಪಡೆದ ಸಾರಾ ಅರ್ಜುನ್ ವಿಡಿಯೋ ವೈರಲ್! Sara Arjun

ಉಜ್ಜೈನ್​: ರಣವೀರ್ ಸಿಂಗ್ ಮುಖ್ಯಭೂಮಿಕೆಯಲ್ಲಿ ನಟಿಸಿರುವ ಮತ್ತು ಆದಿತ್ಯ ಧರ್​ ನಿರ್ದೇಶನದ ಸಿನಿಮಾ ಧುರಂಧರ್​ 2 ಭಾರತೀಯ ಚಿತ್ರರಂಗದಲ್ಲಿ ಅಚ್ಚಳಿಯದ ಯಶಸ್ಸನ್ನುಗಳಿದೆ ಎಂದರೆ ತಪ್ಪಾಗಲಾರದು.

ಈ ಸಿನಿಮಾದಲ್ಲಿ ಯಲೀನಾ ಜಮೇಲಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದ ಸಾರಾ ಅರ್ಜುನ್​ (Sara Arjun) ಶನಿವಾರ (ಏ.11) ಉಜ್ಜೈನಿಯ ಶ್ರೀ ಮಹಾಕಾಳೇಶ್ವನ ದರ್ಶನ ಮಾಡಿರುವ ಈಗ ಸಾಮಾಜಿಕ ಜಾಲತಾಣದಲ್ಲಿ ಫುಲ್​ ವೈರಲ್​ ಆಗುತ್ತಿದೆ.

ಸೋಶಿಯಲ್​ ಮೀಡಿಯಾನಲ್ಲಿ ವೈರಲ್​ ಆಗುತ್ತಿರುವ ವಿಡಿಯೋನಲ್ಲಿ ನಟಿ ಸಾರಾ ಅರ್ಜುನ್​, ಮಧ್ಯಪ್ರದೇಶದ ಉಜ್ಜೈನಿಯಲ್ಲಿರುವ ಮಹಾಕಾಳೇಶ್ವನಿಗೆ ಸಮರ್ಪಿಸುವ ಭಸ್ಮಾರತಿಯ ದರ್ಶನ ಪಡೆದಿದ್ದಾರೆ.

ಆದಿತ್ಯ ಧರ್​ ನಿರ್ದೇಶನದ ಹಾಗೂ ರಣವೀರ್​ ಸಿಂಗ್​ ಮುಖ್ಯ ಭೂಮಿಕೆಯಲ್ಲಿ ನಟಿಸಿರುವ ಧುರಂಧರ್​ ಸಿನಿಮಾದಲ್ಲಿ ಸಾರಾ ಅರ್ಜುನ್​ ಯಲೀನಾ ಜಮೇಲಿ ಎಂಬ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

ಯಲೀನಾ ಪಾತ್ರವು ಈ ಸಿನಿಮಾದಲ್ಲಿ ಬರುವ ಬಹುಮುಖ್ಯ ಪಾತ್ರಗಳಲ್ಲಿ ಒಂದಾಗಿದ್ದು, ಒಂದರ್ಥದಲ್ಲಿ ಸಾರಾ ಈ ಸಿನಿಮಾದಲ್ಲಿ ನಾಯಕನಟಿಯ ಪಾತ್ರದಲ್ಲೇ ಕಾಣಸಿಕೊಂಡಿದ್ದಾರೆ. ಹಮ್ಜಾ ಅಲಿ ಮಜಾರಿ (ರಣವೀರ್​ ಸಿಂಗ್​) ಯ ಪತ್ನಿಯ ಪಾತ್ರವನ್ನು ಅದ್ಭುತವಾಗಿ ನಿರ್ವಹಿಸಿರುವ ಸಾರಾಗೆ ಸಿನಿಮಾ ವಿಮರ್ಶಕರು ಫುಲ್​ ಮಾರ್ಕ್ಸ ಕೊಟ್ಟಿದ್ದಾರೆ.

ಸಾರಾ ಅರ್ಜುನ್ ಭಾರತೀಯ ಚಿತ್ರರಂಗದ ಅತ್ಯಂತ ಪ್ರತಿಭಾವಂತ ಮತ್ತು ಜನಪ್ರಿಯ ಬಾಲನಟಿ ಹಾಗೂ ಯುವ ನಟಿಯಾಗಿದ್ದಾರೆ. ಸಾರಾ 2005 ರಲ್ಲಿ ಮುಂಬೈನಲ್ಲಿ ಜನಿಸಿದ್ದು, ಕೇವಲ ಆರು ವರ್ಷದವರಿದ್ದಾಗಲೇ ಜಾಹೀರಾತುಗಳ ಮೂಲಕ ಬಣ್ಣದ ಲೋಕಕ್ಕೆ ಕಾಲಿಟ್ಟರು.

ತಮಿಳು ಚಿತ್ರ ದೈವ ತಿರುಮಗಳ್ (Deiva Thirumagal) ನಲ್ಲಿ ವಿಕ್ರಮ್ ಅವರ ಮಗಳಾಗಿ ನಟಿಸಿದ 'ನಿಲಾ' ಪಾತ್ರ ಇವರಿಗೆ ಅಪಾರ ಖ್ಯಾತಿ ತಂದುಕೊಟ್ಟಿತು. ನಂತರ ಇವರು ಕನ್ನಡ, ತೆಲುಗು, ಹಿಂದಿ ಮತ್ತು ಮಲಯಾಳಂ ಚಿತ್ರಗಳಲ್ಲೂ ನಟಿಸಿದ್ದಾರೆ. ವಿಶೇಷವಾಗಿ ಮಣಿರತ್ನಂ ಅವರ ಮಹತ್ವಾಕಾಂಕ್ಷೆಯ ಸಿನಿಮಾ ಪೊನ್ನಿಯಿನ್ ಸೆಲ್ವನ್ (Ponniyin Selvan) ನಲ್ಲಿ ನಟಿ ಐಶ್ವರ್ಯ ರೈ ಅವರ ಬಾಲ್ಯದ ಪಾತ್ರವಾದ 'ನಂದಿನಿ'ಯಾಗಿ ನಟಿಸಿ ವಿಮರ್ಶಕರಿಂದ ಅಪಾರ ಮೆಚ್ಚುಗೆ ಪಡೆದಿದ್ದರು,(ಏಜನ್ಸೀಸ್​).