ಫ್ರೀ ಟ್ರಯಲ್ ಆಸೆಗೆ ಬಿದ್ದು 87,000 ಕಳೆದುಕೊಂಡ ಆಯುಷ್ಮಾನ್ ಸೇಠಿ: ಕಪಿಲ್ ಶರ್ಮಾ ಶೋ ಖ್ಯಾತಿಯ ಅರ್ಚನಾ ಪುತ್ರನಿಗೆ ಕ್ರೆಡಿಟ್ ಕಾರ್ಡ್ ವಂಚನೆ! Archana Puran Singh

ಮುಂಬೈ: ಕಪಿಲ್​ ಶರ್ಮಾ ಶೋ ಎಂದ ತಕ್ಷಣ ನೆನಪಾಗುವುದೇ ಅರ್ಚನಾ ಪೂರನ್​ ಸಿಂಗ್ (Archana Puran Singh)​ ಅವರ ಆ ನಗು. ಅರ್ಚನಾ ಅವರ ಈ ಹಾ..ಹಾ..ಹಾ.. ಎನ್ನುವ ವಿಶಿಷ್ಟ ಶೈಲಿಯ ನಗುವನ್ನು ಕೇಳದೆ ಇರುವವರು ಇರಲು ಸಾಧ್ಯವೇ ಇಲ್ಲ. ಆದರೆ ಈಗ ಅರ್ಚನಾ ಅವರ ಪುತ್ರ ಆಯುಷ್ಮಾನ್​ ಸೇಠಿ ಕ್ರೆಡಿಕ್​ ಕಾರ್ಡ್​ ವಂಚನೆಗೆ ಒಳಗಾಗಿರುವ ಸುದ್ದಿಯೊಂದು ಹೊರಬಿದ್ದಿದೆ.

ಅರ್ಚನಾ ಪೂರನ್​ ಸಿಂಗ್​ ಹಾಗೂ ಪರಮೀತ್​ ಸೇಠಿ ಅವರ ಪುತ್ರನಾಗಿರುವ ಆಯುಷ್ಮಾನ್​ ಸೇಠಿ ಸುಮಾರು 87,000 ರೂಪಾಯಿಗಳನ್ನು ಕಳೆದುಕೊಂಡಿದ್ದು, ಇದರ ಬಗ್ಗೆ ಅವರ ಸಹೋದರ ಆರ್ಯಮಾನ್​ ಸೇಠಿ ಅವರ ವ್ಲಾಗಿಂಗ್​ ಚಾನೆಲ್ನಲ್ಲಿ, ಶನಿವಾರ (ಏ.25) ತಮ್ಮ ಸಹೋದರ ಆಯುಷ್ಮಾನ್​ ಸೇಠಿ ಹೇಗೆ ಹಣವನ್ನು ಕಳಳೆದುಕೊಂಡ ಎಂದು ವಿವರಿಸಿದ್ದಾರೆ.

ನಾನು ಈ ಕೆಲಸವನ್ನು ಮಾಡುತ್ತಿದ್ದಾಗ ನನ್ನಮ್ಮ ಅರ್ಚನಾ ಸಹ ನನ್ನ ಪಕ್ಕದಲ್ಲೇ ಕುಳಿತಿದ್ದರು. ಅವರು ಕೂಡಲೇ ಅದನ್ನು ಕ್ಯಾನ್ಸಲ್​ ಮಾಡು ಎಂದು ಹೇಳಿದರು. ನನ್ನ ತಂದೆ ಪರಮೀತ್​ ಸೇಠಿ ಬ್ಯಾಂಕ್​ಗೆ ಕರೆ ಮಾಡು ಅಥವಾ ಕ್ರೆಡಿಟ್​ ಕಾರ್ಡ್​ ಕಂಪನಿಯ ಸಹಾಯವಾಣಿಗೆ ಕರೆಮಾಡು ಎಂದರು. ಆದರೆ ನನಗೆ ಎಲ್ಲಿದಂಲೂ ಯಾವುದೇ ಸಹಾಯ ದೊರೆತಿಲ್ಲ ಎಂದು ಆಯುಷ್ಮಾನ್​ ಹೇಳಿದ್ದಾರೆ, (ಏಜನ್ಸೀಸ್​).