ಮುಕ್ತ ಮನಸ್ಸಿನಿಂದ 'ಶೂರ್ಪನಖಿ' ಯನ್ನು ಸ್ವೀಕರಿಸಿ: ಅವಳನ್ನುಇಷ್ಟು ವರ್ಷ ತಪ್ಪಾಗಿ ಅರ್ಥೈಸಲಾಗಿದೆ; ಪ್ರೇಕ್ಷಕರಿಗೆ ರಕುಲ್​ ಪ್ರೀತ್​ ವಿನಂತಿ! Rakul Preet Singh on Shurpanakha

ಮುಂಬೈ: ಭಾರತದ ಸಿನಿ ಪ್ರೇಕ್ಷಕರು ತುದಿಗಾಲಿನಿಂದ ನಿಂತು ಕಾಯುತ್ತಿರುವ ಸಿನಿಮಾ ಎಂದರೆ ಅದು ನಿಮಿತ್ ಮಲೋತ್ರಾ ನಿರ್ದೇಶನದ 'ರಾಮಾಯಣ' ಎಂದರೆ ಸುಳ್ಳಲ್ಲ. ನಮ್ಮ ಮಣ್ಣಿನ ಕಥೆಯನ್ನು ಎಷ್ಟು ವಿಜಂಭೃಣೆಯಿಂದ, ಮನಮೋಹಕವಾಗಿ ಈ ಸಿನಿಮಾ ಪರದೆ ಮೇಲೆ ಕಾಣಿಸಲಿದೆ ಎಂದು ಎಲ್ಲರೂ ಕಾತುರವಾಗಿ ಕಾಯುತ್ತಿರುವುದು ನಿಜವಾಗಿದೆ.

ಈಗ ಈ ಸಿನಿಮಾದಲ್ಲಿ ರಾವಣನ ಸಹೋದರಿ ಶೂರ್ಪನಖಿ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿರುವ ನಟಿ ರಕುಲ್​ ಪ್ರೀತ್​ ಸಿಂಗ್(Rakul Preet Singh on Shurpanakha)​, ಈ ಪಾತ್ರದ ಬಗ್ಗೆ ಟ್ವಿಟರ್​ನಲ್ಲಿ ಹಂಚಿಕೊಂಡಿರುವ ಮಾಹಿತಿಯೊಂದು ಈಗ ಸಕ್ಕತ್​ ವೈರಲ್​ ಆಗುತ್ತಿದೆ.

ರಾಮಾಯಣದಲ್ಲಿ ಶೂರ್ಪನಖಿ ಪಾತ್ರ ಒಂಧರ್ಥದಲ್ಲಿ ಬಹಳ ಸಂಕೀರ್ಣತೆಯಿಂದ ಕೂಡಿರುವ ಪಾತ್ರವಾಗಿದೆ, ಹಾಗೂ ಇದೇ ಕಾರಣವೇ ನಾನು (ರಕುಲ್​ ಪ್ರೀತ್​ ಸಿಂಗ್​) ಈ ಪಾತ್ರವನ್ನು ಒಪ್ಪಿಕೊಳ್ಳುವಂತೆ ಮಾಡಿತು.

ಇದೇ ದೀಪಾವಳಿಯಂದು ತೆರೆಕಾಣಲು ಸಿದ್ಧವಾಗಿರುವ ರಾಮಾಯಣ ಭಾಗ 1 ರ ಟ್ರೇಲರ್​​ ಇದಾಗಲೇ ಬಿಡುಗಡೆಯಾಗಿದ್ದು, ದೇಶದೆಲ್ಲಡೆ ಈ ಸಿನಿಮಾದ ಮಾತುಗಳೇ ಕೇಳಿ ಬರುತ್ತಿದೆ. ಹಿಂದೂ ಧರ್ಮದಲ್ಲಿ ಪವಿತ್ರ ಸಮಯ ಎಂದು ಹೇಳಲಾಗುವ ಬ್ರಹ್ಮ ಮುಹೂರ್ತ(ಬೆಳಿಗ್ಗೆ 4 ಗಂಟೆ) ದಲ್ಲಿ ಈ ಸಿನಿಮಾದ ಟ್ರೇಲರ್​ ಲಾಂಚ್​ಆಗಿದ್ದು ಇಲ್ಲಿವರೆಗೆ ಸುಮಾರು 18 ಮಿಲಿಯನ್​ ವೀಕ್ಷಣೆಯನ್ನು ಪಡೆದುಕೊಂಡಿದೆ.

ಈ ಸಿನಿಮಾದಲ್ಲಿ ಪ್ರಭು ಶ್ರೀರಾಮನಾಗಿ ರಣಬೀರ್​ ಕಪೂರ್​, ರಾವಣನಾಗಿ ಕನ್ನಡಿಗ ಯಶ್​​, ಸೀತಾಮಾತೆ ಪಾತ್ರದಲ್ಲಿ ಸಾಯಿ ಪಲ್ಲವಿ, ಶೂರ್ಪನಖಿಯಾಗಿ ರಕುಲ್​ ಪ್ರೀತ್​ ಸಿಂಗ್​, ಹನುಮಂತನಾಗಿ ಸನ್ನು ಡಿಯೋಲ್​ ಕಾಣಿಸಿಕೊಳ್ಳಲ್ಲಿದ್ದಾರೆ. ಈ ಸಿನಿಮಾವು ಎರಡು ಭಾಗಗಳಲ್ಲಿ ತೆರೆಕಾಣಲಿದ್ದು, ಮೊದಲ ಭಾಗವು 2026 ರ ದೀಪಾವಳಿಗೆ ತೆರೆಕಂಡರೆ, ಎರಡನೇ ಭಾಗವು 2027 ರ ದೀಪಾವಳಿಗೆ ಬಿಡುಗಡೆಯಾಗಲಿದೆ ಎಂದು ಸಿನಿತಂಡ ತಿಳಿಸಿದೆ, (ಏಜನ್ಸೀಸ್​).