ದೀಪಿಕಾ ಪಡುಕೋಣೆ ಗರ್ಭಿಣಿ, ಧುರಂಧರ್​-2 ಶೂಟಿಂಗ್​ ; ಎರಡನ್ನು ರಣವೀರ್​ ಸಿಂಗ್​ ಹ್ಯಾಂಡ್​ಲ್ ಮಾಡಿದ್ಹೇಗೆ? ಅಸಲಿ ಕತೆ ಬಿಚ್ಚಿಟ್ಟ ಸಹನಟ..Ranveer Singh

ಧುರಂಧರ್​: ದಿ ರಿವೆಂಜ್​ ಚಿತ್ರದ ಯಶಸ್ಸು ಕಾಣುತ್ತಿದೆ. ಈ ಮಧ್ಯೆ ರಣವೀರ್​​ ಸಿಂಗ್​ ಅವರು ತೆರೆಯ ಹಿಂದೆ ತಮ್ಮ ವೈಯಕ್ತಿಕ ಜೀವನಕ್ಕೆ ಕೊಟ್ಟ ಪ್ರಿಯಾರಿಟಿ ಹಾಗೂ ಸಿನಿಮಾ ಶೂಟಿಂಗ್​ನ್ನು ಹ್ಯಾಂಡಲ್​ ಮಾಡಿದ ಬಗ್ಗೆ ಅಭಯ್ ಅರೋರಾ ಮಾತನಾಡಿರುವ ವಿಡಿಯೋಗಳು ಸೋಶಿಯಲ್​ ಮೀಡಿಯಾದಲ್ಲಿ ಹರಿದಾಡುತ್ತಿದ್ದರು. ಸದ್ಯ ರಣವೀರ್​ ಸಿಂಗ್​ರ ವೃತ್ತಿ ನಿಷ್ಠಾ ಕಾರ್ಯಕ್ಕೆ ಅಭಿಮಾನಿಗಳಿಂದ ಪ್ರಶಂಸೆ ವ್ಯಕ್ತವಾಗುತ್ತಿದೆ.

ದೀಪಿಕಾ ಪಡುಕೋಣೆ ಗರ್ಭಿಣಿಯಾಗಿದ್ದ ಸಮಯದಲ್ಲೇ ಧುರಂಧರ್​-2 ಸಿನಿಮಾದ ಶೂಟಿಂಗ್​ ನಡದಿತ್ತು. ಆ ಸಂದರ್ಭದಲ್ಲಿ ಅವರು ನಿಭಾಯಿಸಿದ ಕರ್ತವ್ಯ ಮಾತ್ರ ಅತೀ ಅದ್ಭುತ. ಸಿನಿಮಾ ಶೂಟಿಂಗ್​ ಶೆಡ್ಯೂಲ್​ ತುಂಬಾನೆ ಬ್ಯುಸಿ ಇತ್ತು. ಅದರ ಮಧ್ಯೆಯೂ ಅವರು ಬ್ರೇಕ್​ ತೆಗೆದುಕೊಳ್ಳಲು ಹೆಣಗಾಡುತ್ತಿದ್ದರು ಎಂದು ಅಭಯ್​ ಹೇಳಿದ್ದಾರೆ.

ಚಿತ್ರದಲ್ಲಿ ರಣವೀರ್ ಸಿಂಗ್ 'ಹಮ್ಜಾ ಅಲಿ ಮಜಾರಿ' ಎಂಬ ಗಂಭೀರ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ತೆರೆಯ ಮೇಲೆ ಕಠಿಣ ಪಾತ್ರ ನಿರ್ವಹಿಸುತ್ತಿದ್ದರೂ, ತೆರೆಯ ಹಿಂದೆ ಅವರು ಅತ್ಯಂತ ಮೃದು ಸ್ವಭಾವದ ಫ್ಯಾಮಿಲಿ ಮ್ಯಾನ್ ಆಗಿದ್ದರು ಎಂದು ಅಭಯ್​ ಹೇಳಿಕೊಂಡಿದ್ದಾರೆ

ಮುಂದುವರೆದು, ಶೂಟಿಂಗ್​ ಮಧ್ಯೆ ಮೂರ್ನಾಲ್ಕು ದಿನ ಬಿಡುವು ಸಿಕ್ಕರೆ, ಕೂಡಲೇ ಟಿಕೆಟ್​ ಬುಕ್ ಮಾಡಿಕೊಂಡು ಮುಂಬೈಗೆ ಹಾರುತ್ತಿದ್ದರು. ಸಮಯ ವ್ಯರ್ಥ ಮಾಡದೆ ಪತ್ನಿಯನ್ನು ಆರೈಕೆ ಮಾಡುವ ಜವಾಬ್ದಾರಿಯನ್ನು ಹೊರಿಸಿಕೊಳ್ಳುತ್ತಿದ್ದರು ಎಂದು ಅಭಯ್​ ಅವರು ಹೊಗಳಿದರು.

ದೀಪಿಕಾ ಪಡುಕೋಣೆ ಮತ್ತು ರಣವೀರ್​ ಸಿಂಗ್​ ಅವರು ಒಟ್ಟಾಗಿ ಕಾಣಿಸಿಕೊಂಡ ಗೋಲಿಯೋಂ ಕಿ ರಾಸಲೀಲಾ ಹಾಗೂ ರಾಮ್-ಲೀಲಾ ಚಿತ್ರದ ನಂತರ ಗಾಸಿಪ್​ಗಳು ಕೇಳಿಬಂದಿತ್ತು. ಇಬ್ಬರು ಪ್ರೇಮಿಸುತ್ತಿದ್ದಾರೆ ಎನ್ನಲಾಗಿತ್ತು. ಇದೆಲ್ಲದಕ್ಕೂ ತೆರೆ ಎಳೆಯಲು ಅವರು 2015 ರಲ್ಲಿ ಖಾಸಗಿ ನಿಶ್ಚಿತಾರ್ಥ ಮಾಡಿಕೊಂಡರು. 2018 ರಲ್ಲಿ ಲೇಕ್ ಕೊಮೊದಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು. ಸೆಪ್ಟೆಂಬರ್ 8, 2024 ರಂದು ಮಗಳು ದುವಾ ಜನಿಸಿದಳು, (ಏಜೆನ್ಸೀಸ್).