ಅಮೀರ್ ಖಾನ್‌ದು ತ್ರಿಪಲ್ ಇಂಜಿನ್ ಸರ್ಕಾರ, ಮೋದಿಗೆ ಕಾಂಪಿಟೇಶನ್: ಮಿಸ್ಟರ್ ಪರ್ಫೆಕ್ಷನಿಸ್ಟ್ ಮೂರನೇ ಮದುವೆ ಬಗ್ಗೆ ಶೇಖರ್​ ಸುಮನ್​ ಕಾಮಿಡಿ! Shekhar Suman on Aamir Khan Marriage

ಮುಂಬೈ: ಬಾಲಿವುಡ್​ನಲ್ಲಿ ಮಿಸ್ಟರ್​ ಪರ್ಫೆಕ್ಷನಿಸ್ಟ್ ಎಂದೇ ಖ್ಯಾತನಾಗಿರುವ ನಟನೆಂದರೆ ಅದು ಅಮೀರ್​ ಖಾನ್​. ಇತ್ತೀಚೆಗೆ ತಮ್ಮ 60 ನೇ ವಯಸ್ಸಿನಲ್ಲಿ ಬಹುಕಾಲದ ಗೆಳತಿ ಗೌರಿ ಸ್ಪ್ರಾಟ್ ಜೊತೆ ಮೂರನೇ ಮದುವೆ ಆಗುವ ಮೂಲಕ ಸಾಕಷ್ಟು ಸಂಚಲನವನ್ನು ಅಮೀರ್​ ಸೃಷ್ಟಿಸಿದ್ದಾರೆ.

ಈದೀಗ ಅಮೀರ್​ ಅವರ ಮೂರನೇ ಮದುವೆ ಬಗ್ಗೆ ಬಾಲಿವುಡ್​ ನಟ ಹಾಗೂ ನಿರೂಪಕ ಶೇಖರ್​ ಸುಮನ್​ (Shekhar Suman on Aamir Khan Marriage) ಆಡಿರುವ ಮಾತು ಈಗ ಸೋಷಿಯಲ್​ ಮೀಡಿಯಾನಲ್ಲಿ ಸಖತ್​ ವೈರಲ್​ ಆಗುತ್ತಿದೆ.

ತಮ್ಮ ಶೇಖರ್ ಟೋನೈಟ್ ಎಂಬ ಕಾರ್ಯಕ್ರಮದಲ್ಲಿ ಮಾತನಾಡಿದ ಶೇಖರ್​ ಸುಮನ್​, ಈ ಮನುಷ್ಯ (ಅಮೀರ್​ ಖಾನ್​) ತನ್ನ ಮುಂದಿನ ಪೀಳಿಗೆ ಜನರಿಗೆ ಜೀವನದಲ್ಲಿ ಏನಾದರೂ ಸಾಧಿಸಬೇಕಿದ್ದರೆ ಅದನ್ನು ಬೆನ್ನಟ್ಟದೆ ಬಿಡಬೇಡಿ ಎನ್ನುವುದನ್ನು ಹೇಳಿದ್ದಾನೆ.

ಅಮೀರ್​ ಖಾನ್​ ಒಬ್ಬ ರೈಲ್ವೆ ಡ್ರೈವರ್​ ಎಂದುಕೊಂಡರೆ, ಇತ ಪ್ರತಿ ನಿಲ್ದಾಣದಲ್ಲಿ ಹೊಸ ಭೋಗಿಯನ್ನು ಸೇರಿಸಿಕೊಳ್ಳುತ್ತಾ ಹೋಗುತ್ತಾನೆ. ಈತನ ಇಂಜಿನ್​ಗೆ ಬೇರೆ-ಬೇರೆ ರೀತಿಯ ತೈಲಗಳು ಸೇರಿದರೂ ಇತನ ಇಂಜಿನ್​ ಇಲ್ಲಿವರೆಗೆ ಚೆನ್ನಾಗಿಯೇ ನಡೆಯುತ್ತಿದ್ದು, ಹಳಿಯಿಂದ ರೈಲು ಇಲ್ಲಿವರೆಗೆ ಹೊರಬಿದ್ದಿಲ್ಲ ಎಂದು ನಗೆ ಚಟಾಕಿ ಸಿಡಿಸಿದ್ದಾರೆ.

ಪ್ರಧಾನಿ ನರೇಂಸ್ರ ಮೋದಿ, ನೆಹರೂ ಅವರ ದಾಖಲೆ ಮುರಿಯುತ್ತಿದ್ದರೆ, ಇತ್ತ ಅಮೀರ್​ ಖಾನ್​ ಮೂರನೇ ಭಾರಿ ಬಹುಮತದ ಸರ್ಕಾರ ರಚನೆ ಮಾಡುವ ಮೂಲಕ, ಮೋದಿಗೆ ಕಾಂಪಿಟೇಶನ್​ ಕೊಡುತ್ತಿದ್ದನೆ. ಅಮೀರ್​ನ ಮದುವೆಗೆ ಮಕ್ಕಳು ಆಗಮಿಸಿದ್ದು, ವಸುದೈವ ಕುಟುಂಬಕಂ ಎಂಬ ಮಾತಿಗೆ ನಿಜವಾದ ಅರ್ಥವನ್ನು ತಂದಿದೆ ಎಂದು ಹೇಳಿದ್ದಾರೆ. ಅಮಿರ್​ ಖಾನ್​ನಿಂದ ಇಂಡಿ ಮೈತ್ರಿಕೂಟ ತಮ್ಮ ಮಿತ್ರ ಪಕ್ಷಗಳನ್ನು ಹೇಗೆ ಇಟ್ಟುಕೊಳ್ಳಬೇಕೆಂದು ಕಲಿತುಕೊಳ್ಳಲಿ ಎಂದು ಶೇಖರ್​ ಸುಮನ್​ ಹೇಳಿದ್ದಾರೆ, (ಏಜನ್ಸೀಸ್​).