ಧಾರ್ಮಿಕ

ಬ್ರಹ್ಮಹತ್ಯಾ ದೋಷ ಎಷ್ಟೊಂದು ಗಂಭೀರ ಗೊತ್ತೆ? ದೋಷ ಮುಕ್ತಿಗಾಗಿ ಏನು ಮಾಡಬೇಕು ? | Brahma Hatya Dosha

Brahma Hatya Dosha
Brahma Hatya Dosha
Published on: 
Brahma Hatya Dosha : ಬ್ರಹ್ಮ ಹತ್ಯಾ ದೋಷ (Brahma Hatya Dosha) ವು ಹಿಂದೂ ಧರ್ಮಶಾಸ್ತ್ರಗಳಲ್ಲಿ ಹೇಳಿರುವ ಅತ್ಯಂತ ಭಾರೀ ಪಾಪದೋಷಗಳಲ್ಲಿ ಒಂದಾಗಿದೆ. ಬ್ರಹ್ಮ ಎಂದರೆ ಜ್ಞಾನ, ವೇದ, ಧರ್ಮವನ್ನು ಅರಿತವನು (ಬ್ರಾಹ್ಮಣ) ಅಥವಾ ಜ್ಞಾನಸ್ವರೂಪ. ಹತ್ಯಾ ಎಂದರೆ ನಾಶ ಅಥವಾ ಕೊಲೆ. ಅರ್ಥಾತ್, ಬ್ರಾಹ್ಮಣನ ಹತ್ಯೆ, ಅಥವಾ ಜ್ಞಾನ–ಧರ್ಮ–ಸತ್ಯವನ್ನು ನಾಶ ಮಾಡುವ ಕೃತ್ಯಗಳಿಂದ ಉಂಟಾಗುವ ದೋಷವೇ ಬ್ರಹ್ಮ ಹತ್ಯಾ ದೋಷವಾಗಿರುತ್ತದೆ. ಇದು ಕೇವಲ ಶಾರೀರಿಕ ಕೊಲೆಯಿಂದ ಮಾತ್ರವಲ್ಲ, ಅಜ್ಞಾನ, ಹಿಂದಿನ ಜನ್ಮದ ಕರ್ಮಫಲ, ಅಥವಾ ಅನ್ಯಾಯಕರ ಕೃತ್ಯಗಳಿಂದಲೂ ಉಂಟಾಗಬಹುದು ಎಂದು ಶಾಸ್ತ್ರಗಳು ಹೇಳುತ್ತವೆ.

ಶಾಸ್ತ್ರಗಳ ಪ್ರಕಾರ ಬ್ರಹ್ಮ ಹತ್ಯಾ ದೋಷ ಉಂಟಾಗಲು ಕಾರಣಗಳು

1. ನೇರ ಕಾರಣಗಳು

* ಬ್ರಾಹ್ಮಣನ ಹತ್ಯೆ ಮಾಡುವುದು
* ಗುರು, ಸಹಪಾಠಿ ಅಥವಾ ಸತ್ಪುರುಷನಿಗೆ ಹಾನಿ ಮಾಡುವುದು
* ಗೋಹತ್ಯೆ (ಹಸು ಕೊಲೆ)

2. ಪರೋಕ್ಷ ಕಾರಣಗಳು

* ಗುರುದ್ರೋಹ
* ವೇದ, ಧರ್ಮ, ಸತ್ಯವನ್ನು ಅವಮಾನಿಸುವುದು
* ನಿರಪರಾಧಿಯ ಮೇಲೆ ಅನ್ಯಾಯ ಮಾಡುವುದು
* ಪಾಪಕೃತ್ಯಗಳನ್ನು ಅರಿತಿದ್ದರೂ ತಡೆಹಿಡಿಯದೇ ಇರುವುದು

3. ಜಾತಕ (ಹಿಂದಿನ ಜನ್ಮ) ಕಾರಣಗಳು

* ಹಿಂದಿನ ಜನ್ಮದ ಭಾರೀ ಪಾಪಗಳ ಫಲವಾಗಿ ಈ ಜನ್ಮದಲ್ಲಿ ದೋಷ ಬರುವುದು
* ರಾಹು, ಕೇತು, ಶನಿ ಗ್ರಹಗಳಿಂದ ಉಂಟಾಗುವ ದೋಷಯೋಗಗಳು

ಬ್ರಹ್ಮ ಹತ್ಯಾ ದೋಷ ಇರುವ ವ್ಯಕ್ತಿಗೆ ಉಂಟಾಗುವ ಸಮಸ್ಯೆಗಳು

* ಜೀವನದಲ್ಲಿ ನಿರಂತರ ಅಡ್ಡಿಗಳು

* ಹಣಕಾಸಿನ ನಷ್ಟ

* ಮಾನಸಿಕ ಅಶಾಂತಿ, ಭಯ, ದುಃಖ ಹೆಚ್ಚಾಗುವುದು

* ವಿವಾಹ ವಿಳಂಬ ಅಥವಾ ವೈವಾಹಿಕ ಸಮಸ್ಯೆಗಳು

* ಆರೋಗ್ಯ ಸಮಸ್ಯೆಗಳು (ಕಾರಣವಿಲ್ಲದ ರೋಗಗಳು)

* ಶಾಂತಿ ಇಲ್ಲದ ಮನಸ್ಸು, ದುಷ್ಟಸ್ವಪ್ನಗಳು

* ಪೂಜೆ ಮಾಡಿದರೂ ಫಲ ಕಾಣದ ಅನುಭವ

ಬ್ರಹ್ಮ ಹತ್ಯಾ ದೋಷಕ್ಕೆ ಶಾಸ್ತ್ರೋಕ್ತ ಪರಿಹಾರಗಳು

1. ಶಿವಾರಾಧನೆ (ಅತ್ಯಂತ ಪ್ರಮುಖ ಪರಿಹಾರ)

ಶಿವ ಪಾಪನಾಶಕ ಎಂದು ಶಾಸ್ತ್ರಗಳು ಹೇಳುತ್ತವೆ. ಆದ್ದರಿಂದ ಪ್ರತಿದಿನ ಅಥವಾ ಸೋಮವಾರ ಶಿವಲಿಂಗಕ್ಕೆ ಜಲಾಭಿಷೇಕ, ಬಿಲ್ವಪತ್ರ ಅರ್ಪಣೆ ಮತ್ತು 48 ದಿನಗಳ ಒರೆಗೆ 108 ಬಾರಿ ಮಹಾಮೃತ್ಯುಂಜಯ ಮಂತ್ರ ಜಪ
ಮಾಡಬೇಕು.
ಮಹಾಮೃತ್ಯುಂಜಯ ಮಂತ್ರ
“ಓಂ ತ್ರ್ಯಂಬಕಂ ಯಜಾಮಹೇ ಸುಗಂಧಿಂ ಪುಷ್ಟಿವರ್ಧನಂ
ಉರ್ವಾರುಕಮಿವ ಬಂಧನಾನ್ಮೃತ್ಯೋರ್ಮುಕ್ಷೀಯ ಮಾಮೃತಾತ್”

2. ವಿಷ್ಣು ಆರಾಧನೆ

ವಿಷ್ಣು ಭಕ್ತಿ ಪಾಪ ಶಮನಕ್ಕೆ ಅತ್ಯಂತ ಪರಿಣಾಮಕಾರಿ ಎಂದು ಶಾಸ್ತ್ರ ಹೇಳುತ್ತದೆ. ಪ್ರತಿದಿನ ಅಥವಾ ಪ್ರತಿ ಶುಕ್ರವಾರ ವಿಷ್ಣು ಸಹಸ್ರನಾಮವನ್ನು ಪಠಣ ಮಾಡಬೇಕು. ಏಕಾದಶಿ ವ್ರತವನ್ನು ನಿಯಮಬದ್ಧವಾಗಿ ಮಾಡಿದರೆ ಬ್ರಹ್ಮ ಹತ್ಯಾ ದೋಷದಿಂದ ಮುಕ್ತರಾಗಬಹುದು. ಹಾಗೆಯೇ ಕಾಲ-ಕಾಲಕ್ಕೆ ನಾರಾಯಣ ಸೇವೆ ಅಂದರೆ ಬ್ರಾಹ್ಮಣರಿಗೆ ಅನ್ನದಾನ ಮಾಡಿದರೆ ದೋಷ ಮುಕ್ತರಾಗುತ್ತೆವೆ.

3. ಗಾಯತ್ರಿ ಮಂತ್ರ ಜಪ

ಗಾಯತ್ರಿ ದೇವಿ ಜ್ಞಾನ ಮತ್ತು ಪಾಪನಾಶಕ ಶಕ್ತಿ ಹೊಂದಿರುವ ದೇವಿಯಾಗಿದ್ದಾಳೆ. ಆದ್ದರಿಂದ 40 ದಿನ ನಿರಂತರ, ದಿನಕ್ಕೆ 108 ಬಾರಿ ಶುದ್ಧ ಮನಸ್ಸಿನಿಂದ ಗಾಯತ್ರಿ ಮಂತ್ರ ಜಪ ಮಾಡಿದರೆ ಬ್ರಹ್ಮ ಹತ್ಯಾ ದೋಷ ಕಡಿಮೆಯಾಗುತ್ತಾ ಬರುತ್ತದೆ.

4. ಬ್ರಾಹ್ಮಣ ಸೇವೆ ಮತ್ತು ದಾನ

ಈ ದೋಷಕ್ಕೆ ಮತ್ತು ಬ್ರಾಹ್ಮಣರಿಗೆ ನೇರ ಸಂಬಂಧವಿರುವ ಕಾರಣ ಬ್ರಾಹ್ಮಣರಿಗೆ ಅನ್ನದಾನ, ಗೋ ದಾನ ಅಥವಾ ಗೋಶಾಲೆಗೆ ದೇಣಿಗೆ ಅಥವಾ ವಸ್ತ್ರ ದಾನವನ್ನು ಮಾಡುವುದು ಈ ದೋಷಕ್ಕೆ ಇದು ಅತ್ಯಂತ ಮುಖ್ಯ ಪರಿಹಾರ ಎಂದು ಶಾಸ್ತ್ರ ಹೇಳುತ್ತದೆ.

5. ಪಿತೃ ತರ್ಪಣ ಮತ್ತು ಶ್ರಾದ್ಧ

ಕೆಲವೊಮ್ಮೆ ಬ್ರಹ್ಮ ಹತ್ಯಾ ದೋಷವು ಪಿತೃ ದೋಷದೊಂದಿಗೆ ಸಂಪರ್ಕ ಹೊಂದಿರುತ್ತದೆ. ಹೀಗಾಗಿ ಅಮಾವಾಸ್ಯೆ ದಿನ ಪಿತೃ ತರ್ಪಣ, ವಾರ್ಷಿಕ ಶ್ರಾದ್ಧ ಕರ್ಮ, ಪಿತೃಗಳಿಗೆ ನೀರು, ತಿಲ ಅರ್ಪಣೆ ಮಾಡಿದರೆ ಬ್ರಹ್ಮ ಹತ್ಯಾ ದೋಷ ದೂರವಾಗುತ್ತದೆ.
ವಿಶೇಷ ಸೂಚನೆ: ಈ ಮೇಲೆ ಉಲ್ಲೇಖಿಸಲಾದ ಎಲ್ಲ ಮಾಹಿತಿಯನ್ನು ವಿವಿಧ ಮಾಧ್ಯಮಗಳು / ಜ್ಯೋತಿಷಿಗಳು / ಪಂಚಾಂಗಗಳು / ನಂಬಿಕೆಗಳು / ಆಧ್ಯಾತ್ಮಿಕ ಪಠ್ಯಗಳಿಂದ ಸಂಗ್ರಹಿಸಲಾಗಿದೆ. ಮಾಹಿತಿ ನೀಡುವುದು ಮಾತ್ರ ನಮ್ಮ ಉದ್ದೇಶವಾಗಿದ್ದು, ಇದಕ್ಕೆ “ವಿಜಯವಾಣಿ ಡಾಟ್​ ನೆಟ್”​ ಜವಾಬ್ದಾರರಾಗಿರುವುದಿಲ್ಲ.
Religious
Remedies
Brahmin
Kannada News
Vijayavani News
brahma hatya dosha
sins
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net