ಅಂದಹಾಗೆ, ನಿರ್ವಹಣಾ ಕಂಪನಿಗಳು ಮತ್ತು ಮ್ಯಾನೇಜರ್ಗಳು ಕಲಾವಿದರ ಅಥವಾ ಆಟಗಾರರ ಹಿತದೃಷ್ಟಿಯನ್ನು ಕಾಯಲು ಇರುತ್ತಾರೆ. ಅಂದರೆ, ಅವರ ಬೆಳವಣಿಗೆಗೆ ಶ್ರಮಿಸುವುದು ಅವರ ಕೆಲಸವಾಗಿದೆ. ಆದರೆ, ಇಂದು ಬಹಳಷ್ಟು ಕಂಪನಿಗಳು ಕೇವಲ ತಮ್ಮ ಸ್ವಾರ್ಥವನ್ನು ಮಾತ್ರ ನೋಡುತ್ತಿವೆ ಎಂದು ಸೈಮನ್ ಬೇಸರ ವ್ಯಕ್ತಪಡಿಸಿದ್ದಾರೆ. ಈ ಯುವಕನಿಂದ ನಮಗೆ ಎಷ್ಟು ಹಣ ಸಿಗಬಹುದು? ಅಥವಾ ನಮ್ಮ ಕಂಪನಿಗೆ ಇವನಿಂದ ಎಷ್ಟು ಲಾಭವಾಗಬಹುದು? ಎಂಬ ಲೆಕ್ಕಾಚಾರವೇ ತುಂಬಿ ಹೋಗಿದೆ. ಇಲ್ಲಿನ ಹಣದ ಆಸೆಯೇ ಮ್ಯಾನೇಜಮೆಂಟ್ಗಳ ಮೊದಲ ಆದ್ಯತೆಯಾಗಿದೆ. ಮ್ಯಾನೇಜ್ಮೆಂಟ್ಗಳು ಜನರ ಏಳಿಗೆಗಾಗಿ ಕೆಲಸ ಮಾಡುವ ಬದಲು, ಜನರನ್ನು ಕೇವಲ ಹಣ ಮಾಡುವ ವಸ್ತುಗಳಂತೆ ನೋಡುತ್ತಿರುವುದು ಇಂದಿನ ದೊಡ್ಡ ಸಮಸ್ಯೆಯಾಗಿದೆ ಎಂದು ಸೈಮನ್ ಅವರು ಹೇಳಿದ್ದಾರೆ.
