ಹರಾಜಿಗೂ ಮುನ್ನ ಬಿಸಿಸಿಐ ನೀಡಿದ ಮಾಹಿತಿಯಂತೆ ಇಂಗ್ಲಿಸ್ ಕೇವಲ ನಾಲ್ಕು ಪಂದ್ಯಗಳಿಗೆ ಮಾತ್ರ ಲಭ್ಯವಿರುತ್ತಾರೆ ಎಂದು ಹೇಳಲಾಗಿತ್ತು. ಇದೇ ಕಾರಣಕ್ಕೆ ಪಂಜಾಬ್ ಕಿಂಗ್ಸ್ ಅವರನ್ನು ಕೈಬಿಟ್ಟಿತ್ತು. ಆದರೆ, ಹರಾಜಿನಲ್ಲಿ ಭಾರಿ ಬೇಡಿಕೆ ಸೃಷ್ಟಿಸಿದ ಇಂಗ್ಲಿಸ್ ಅವರನ್ನು ಲಕ್ನೋ ಸೂಪರ್ ಜೈಂಟ್ಸ್ ಬರೊಬ್ಬರಿ 8.6 ಕೋಟಿ ರೂ. ನೀಡಿ ಖರೀದಿಸಿತು. ಕುತೂಹಲಕಾರಿ ಸಂಗತಿಯೆಂದರೆ, ಒಪ್ಪಂದವಾದ ನಂತರ ಇಂಗ್ಲಿಸ್ ಅರ್ಧದಷ್ಟು ಸೀಸನ್ಗೆ ಲಭ್ಯವಿರುವುದಾಗಿ ತಿಳಿಸಿದ್ದಾರೆ. ಏಪ್ರಿಲ್ ಆರಂಭದಲ್ಲೇ ವಿವಾಹವಾಗಲಿರುವ ಇಂಗ್ಲಿಸ್, ಹನಿಮೂನ್ಗೆ ಹತ್ತು ದಿನಗಳ ಸಮಯ ತೆಗೆದುಕೊಂಡರು ಸಹ, ಎಲ್ಎಸ್ಜಿ ಪರ ಸುಮಾರು ಐದರಿಂದ ಆರು ಪಂದ್ಯಗಳನ್ನು ತಪ್ಪಿಸಿಕೊಳ್ಳುವ ಸಾಧ್ಯತೆಯಿದೆ.
