ನಾನು ನನ್ನ ಎದುರಾಳಿಗಳೊಂದಿಗೆ ಸ್ಪರ್ಧಿಸಲು ಇಷ್ಟಪಡುತ್ತೇನೆ. ಆದರೆ, ಟೀಮ್ ಇಂಡಿಯಾ ಜೊತೆಗಿನ ಸರಣಿ ನನಗೆ ಹಲವು ವಿಷಯಗಳನ್ನು ಕಲಿಸಿದೆ. ವಾಸ್ತವವಾಗಿ, ಆ ದಿನ ನಾನು ಬುಮ್ರಾ ಅವರ ಸಮಯವನ್ನು ವ್ಯರ್ಥ ಮಾಡಲು ಪ್ರಯತ್ನಿಸಿದೆ. ಟೀಮ್ ಇಂಡಿಯಾಗೆ ಬೌಲಿಂಗ್ ಮಾಡಲು ಮತ್ತೊಂದು ಅವಕಾಶ ನೀಡಲು ನಾನು ಬಯಸಲಿಲ್ಲ. ಆದರೆ, ಕೊನೆಗೂ ಟೀಮ್ ಇಂಡಿಯಾ ಮೇಲುಗೈ ಸಾಧಿಸಿತು. ಬುಮ್ರಾ ಅವರು ವಿಶ್ವ ದರ್ಜೆಯ ಬೌಲರ್. ಈ ಸರಣಿಯಲ್ಲಿ ಅವರು 32 ವಿಕೆಟ್ಗಳನ್ನು ಪಡೆದಿದ್ದಾರೆ ಎಂದು ಬುಮ್ರಾ ಅವರ ಬೌಲಿಂಗ್ ಕೌಶಲ್ಯವನ್ನು ಕೊನ್ಸ್ಟಾಸ್ ಶ್ಲಾಘಿಸಿದರು. ಅದೇ ರೀತಿ, ಮೆಲ್ಬೋರ್ನ್ ಟೆಸ್ಟ್ನಲ್ಲಿ ವಿರಾಟ್ ಕೊಹ್ಲಿಯೊಂದಿಗೆ ನಡೆದ ವಾಗ್ವಾದದ ಬಗ್ಗೆ ಕೇಳಿದಾಗ, ನಾನು ಪಂದ್ಯದ ನಂತರ ಕೊಹ್ಲಿಯೊಂದಿಗೆ ಮಾತನಾಡಿದ್ದೇನೆ. ಅವರೇ ನನ್ನ ರೋಲ್ ಮಾಡೆಲ್ ಎಂದು ಹೇಳಿದ್ದೆ. ನನ್ನ ಆರಾಧ್ಯ ಕ್ರಿಕೆಟಿಗನ ಎದುರು ಆಡುವುದು ನಿಜವಾದ ಗೌರವ. ಅವರು ತುಂಬಾ ವಿನಮ್ರರು. ಒಳ್ಳೆಯ ವ್ಯಕ್ತಿ. ಅವರು ನನಗೆ ಶುಭ ಹಾರೈಸಿದರು ಎಂದು ಸ್ಯಾಮ್ ಕೊನ್ಸ್ಟಾಸ್ ಹೇಳಿದರು.
