ನ್ಯೂಯಾರ್ಕ್: ಕುಡಿದು ಅತಿ ವೇಗವಾಗಿ ಚಾಲನೆ ಮಾಡಿದ ಪರಿಣಾಮ ನವದಂಪತಿಗಳಿಬ್ಬರುಇ ದಾರುಣ ಅಂತ್ಯ ಕಂಡಿರುವ ಘಟನೆ ನ್ಯೂಯಾರ್ಕ್ನ ಸೌತ್ ಕೆರೋಲಿನಾದಲ್ಲಿ ನಡೆದಿದೆ.
ನವ ವಧು-ವರರಿಬ್ಬರು ಮದುವೆ ಆರತಕ್ಷತೆ ಮುಗಿಸಿಕೊಂಡು ವಾಪಸ್ ಆಗುವ ವೇಳೆ ದುರ್ಘಟನೆ ಸಂಭವಿಸಿದ್ದು ಸಾಮಾಜಿಕ ಜಾಲತಾಣಗಳಲ್ಲಿ ಜನ ಸಂತಾಪ ಸುಚಿಸಿದ್ದಾರೆ.
ಅತಿ ವೇಗ ಚಾಲನೆ
ಸಮಂತಾ ಹಚಿನ್ಸನ್(34) ಮೃತ ದುರ್ದೈವಿ ಎಂದು ತಿಳಿದು ಬಂದಿದ್ದು ಇವರ ಪತಿ ಆರಿಕ್ ಹಚಿನ್ಸನ್ ಗಂಭೀರವಾಗಿ ಗಾಯಗೊಂಡು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.
ಆರತಕ್ಷತೆ ಕಾರ್ಯಕ್ರಮವನ್ನು ಮುಗಿಸಿಕೊಂಡು ಗಾಲ್ಫ್ ಕಾರ್ಟ್ ವಾಹನದಲ್ಲಿ ವಾಪಸ್ ಆಗುವ ವೇಳೆ ಹಿಂಬದಿಯಿಂದ ಅತಿ ವೇಗವಾಗಿ ಬಂದ ವಾಹನವೊಂದು ಮುಂಬದಿ ಇದ್ದ ಗಾಡಿಗೆ ಗುದ್ದಿದೆ.
ಇದನ್ನೂ ಓದಿ: ಪಾಸ್ಪೋರ್ಟ್ನಿಂದ ತಂದೆಯ ಹೆಸರನ್ನು ತೆಗೆಯಲು ಹೈಕೋರ್ಟ್ ಸೂಚನೆ!
ಶಸ್ತ್ರಸಿಕಿತ್ಸೆ ಅಗತ್ಯ
ಗುದ್ದಿದ ರಭಸಕ್ಕೆ ಗಾಲ್ಫ್ ಕಾರ್ಟ್ ವಾಹನವು ಅನೇಕ ಬಾರಿ ಪಲ್ಟಿ ಹೊಡೆದು 100 ಯಾರ್ಡ್ಗಿಂತ ಮುಂಬದಿ ಬಿದ್ದಿದೆ ಎಂದು ವರನ ತಾಯಿ ಹೇಳಿದ್ದಾರೆ.
ಅಪಘಾತದ ಗಂಭೀರತೆಗೆ ವಧು ಸ್ಥಳದಲ್ಲೇ ಸಾವನಪ್ಪಿದ್ದು ವರನಿಗೆ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಕೊಡಿಸಲಾಗುತ್ತಿದೆ. ಆರಿಕ್ಗೆ ಎರಡರಿಂದ ಮುರು ಶಸ್ತ್ರಚಿಕಿತ್ಸೆಯ ಅಗತ್ಯವಿದೆ ಎಂದು ವೈದ್ಯರು ಹೇಳಿರುವುದಾಗಿ ಅವರ ತಾಯಿ ತಿಳಿಸಿದ್ದಾರೆ.
ಮದುವೆಯಾಗಿ ಕೆಲ ಘಂಟೆಗಳಲ್ಲಿ ಅವಘಡ
ಇನ್ನು ಸಮಂತಾ ಹಾಗೂ ಆರಿಕ್ ಮದುವೆಯಾದ ಕೆಲವೇ ಘಂಟೆಗಳಲ್ಲಿ ಘಟನೆ ಸಂಭವಿಸಿದ್ದು ಅತ್ಯಂತ ದುರದೃಷ್ಟಕರವಾಗಿದೆ.
ದುರಂತಕ್ಕೆ ಕಾರಣವಾದ ಪ್ರಮುಖ ಆರೋಪಿ ಜೇಮೀ ಕೊಮೊರೊಸ್ಕಿ(25)ಯನ್ನು ಪೊಲೀಸರು ಬಂಧಿಸಿ ವಿಚಾರಣೆಗೆ ಒಳಪಡಿಸಿದ್ದಾರೆ.