ಬಾಲಿವುಡ್

ಕೃತಿ ಸನೋನ್ ಸಹೋದರಿ ನೂಪುರ್ ಕೈಹಿಡಿದ ಸ್ಟೆಬಿನ್ ಬೆನ್ ಯಾರು? ಇಲ್ಲಿದೆ ಈ ಸ್ಟಾರ್ ಸಿಂಗರ್ ಮಾಹಿತಿ! Stebin ben

ಭಾರತದ ಅತ್ಯಂತ ಜನಪ್ರಿಯ ಹಿನ್ನೆಲೆ ಗಾಯಕ (ಚಿತ್ರ Instagram)
ಭಾರತದ ಅತ್ಯಂತ ಜನಪ್ರಿಯ ಹಿನ್ನೆಲೆ ಗಾಯಕ (ಚಿತ್ರ Instagram)
Published on: 

ಪ್ರಮುಖ ಮುಖ್ಯಾಂಶಗಳು

  • ಬಾಲಿವುಡ್ ನಟಿ ಕೃತಿ ಸನೋನ್ ಸಹೋದರಿ ನೂಪುರ್ ಸನೋನ್ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ
  • ಗಾಯಕ ಸ್ಟೆಬಿನ್ ಬೆನ್​ ಅವರೊಂದಿಗೆ ಭಾನುವಾರ ಉದಯಪುರದಲ್ಲಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟರು
  • ಕ್ರಿಶ್ಚಿಯನ್​ ಸಂಪ್ರದಾಯದಂತೆ ನಡೆದ ಈ ಮದುವೆಗೆ ಕುಟುಂಬದ ಸದಸ್ಯರು ಸಾಕ್ಷಿಯಾದರು
  • ಸ್ಟೆಬಿನ್ ಬೆನ್ ಭಾರತದ ಅತ್ಯಂತ ಜನಪ್ರಿಯ ಹಿನ್ನೆಲೆ ಗಾಯಕ ಮತ್ತು ಗೀತರಚನೆಕಾರರಲ್ಲಿ ಒಬ್ಬರಾಗಿದ್ದಾರೆ
Stebin ben: ಬಾಲಿವುಡ್ ನಟಿ ಕೃತಿ ಸನೋನ್ ಸಹೋದರಿ ನೂಪುರ್ ಸನೋನ್, ತಮ್ಮ ದೀರ್ಘಕಾಲದ ಗೆಳೆಯ, ಗಾಯಕ ಸ್ಟೆಬಿನ್ ಬೆನ್​ ಅವರೊಂದಿಗೆ ಭಾನುವಾರ ಉದಯಪುರದಲ್ಲಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟರು. ಕ್ರಿಶ್ಚಿಯನ್​ ಸಂಪ್ರದಾಯದಂತೆ ನಡೆದ ಈ ಮದುವೆಗೆ ಕುಟುಂಬದ ಸದಸ್ಯರು ಮತ್ತು ಆಪ್ತ ವರ್ಗ ಸಾಕ್ಷಿಯಾದರು.

ಸ್ಟೆಬಿನ್ ಬೆನ್ ಯಾರು..?

ಸ್ಟೆಬಿನ್ ಬೆನ್ ಭಾರತದ ಅತ್ಯಂತ ಜನಪ್ರಿಯ ಹಿನ್ನೆಲೆ ಗಾಯಕ ಮತ್ತು ಗೀತರಚನೆಕಾರರಲ್ಲಿ ಒಬ್ಬರಾಗಿದ್ದು, ಕಳೆದ 7 ವರ್ಷಗಳಲ್ಲಿ ತಮ್ಮ ಹಾಡುಗಳಿಂದಲೇ ಮನೆಮಾತಾಗಿದ್ದಾರೆ.
1993ರಲ್ಲಿ ಮಧ್ಯಪ್ರದೇಶದ ಭೋಪಾಲ್‌ನಲ್ಲಿ ಜನಿಸಿದ ಬೆನ್, ಸಿವಿಲ್ ಇಂಜಿನಿಯರಿಂಗ್ ಪದವಿಯನ್ನು ಪೂರ್ಣಗೊಳಿಸಿದ್ದು, ಸಂಗೀತದ ಮೇಲೆ ಆಸಕ್ತಿ ಇರುವುದರಿಂದ ಈ ಕ್ಷೇತ್ರಕ್ಕೆ ಹೆಜ್ಜೆ ಇಟ್ಟರು.
ಸ್ಟೆಬಿನ್​ ಗೆ ಶಾಲಾ ದಿನಗಳಿಂದಲೇ ಸಂಗೀತಗಾರನಾಗಬೇಕೆಂಬ ಹಂಬಲವಿತ್ತು. ಆದರೆ, ಪೋಷಕರು ಇಚ್ಛೆಯನುಸಾರವಾಗಿ ಪದವಿ ಪಡೆಯಬೇಕೆಂದು ಭೋಪಾಲ್‌ನ ಎಲ್‌ಎನ್‌ಸಿಟಿ ಕಾಲೇಜಿನಿಂದ ಸಿವಿಲ್ ಎಂಜಿನಿಯರಿಂಗ್‌ನಲ್ಲಿ ಪದವಿ ಪಡೆದರು. ಇದಾದ ಬಳಿಕ ತಮ್ಮ ಇಚ್ಛೆಯಂತೆ ಸಂಗೀತ ಲೋಕಕ್ಕೆ ಮರಳಿದ ಬೆನ್ ಸ್ಥಳೀಯ ಕೆಫೆಗಳಲ್ಲಿ ಹಾಡುತ್ತಾ ಮುಂಬೈಗೆ ಸ್ಥಳಾಂತರಗೊಂಡು ಗಾಯಕ ವೃತ್ತಿಯಲ್ಲಿ ಸಾಕಷ್ಟು ಹಣವನ್ನು ಗಳಿಸಿದರು. ಆದರೆ ಮುಂಬೈಗೆ ಹೋದಾಗ ಅವರ ಜೇಬಿನಲ್ಲಿದ್ದಿದ್ದು ಕೇವಲ 20 ಸಾವಿರ ರೂಪಾಯಿ.

ಸ್ಟೆಬಿನ್ ಬೆನ್ ಅವರ ದೊಡ್ಡ ಗೆಲುವು

ಸ್ಟೆಬಿನ್ ಬೆನ್ ಅವರ ಆರಂಭಿಕ ಸಂಗೀತ ಜೀವನದ ಮೇಲೆ ಕರಣ್ ಜೋಹರ್ ಅವರ ಚೊಚ್ಚಲ ನಿರ್ದೇಶನದ 'ಕುಚ್ ಕುಚ್ ಹೋತಾ ಹೈ' (1998) ಮತ್ತು ಹೃತಿಕ್ ರೋಷನ್ ಅಭಿನಯದ ಮೊದಲ ಚಿತ್ರ 'ಕಹೋ ನಾ... ಪ್ಯಾರ್ ಹೈ' (2000) ಚಿತ್ರಗಳ ಹಾಡುಗಳು ಅಪಾರ ಪ್ರಭಾವ ಬೀರಿದ್ದವು. ಈ ಚಿತ್ರಗಳ ಆಲ್ಬಂಗಳು ಇಂದಿಗೂ ಸಾರ್ವಕಾಲಿಕ ರೊಮ್ಯಾಂಟಿಕ್ ಹಿಟ್‌ಗಳಾಗಿ ಹೊರಹೊಮ್ಮಿದ್ದು, ಸ್ಟೆಬಿನ್ ಅವರ ಸಂಗೀತ ಶೈಲಿಯನ್ನು ರೂಪಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿವೆ.
ಸ್ಟೆಬಿನ್ ಬೆನ್ ಅವರು ಸಂಗೀತ ಸಂಯೋಜನೆಯಲ್ಲಿ ಜತಿನ್-ಲಲಿತ್ ಮತ್ತು ರಾಜೇಶ್ ರೋಷನ್ ಅವರಂತಹ ದಿಗ್ಗಜರನ್ನು ಗೌರವಿಸುತ್ತಾರೆ. ಆದಾಗ್ಯೂ ಸಾಹಿತ್ಯದ ವಿಚಾರಕ್ಕೆ ಬಂದರೆ, ಖ್ಯಾತ ಗೀತರಚನೆಕಾರರಾದ ಆನಂದ್ ಬಕ್ಷಿ, ಜಾವೇದ್ ಅಖ್ತರ್ ಮತ್ತು ಇಬ್ರಾಹಿಂ ಆಶ್ಕ್ ಅವರ ಸಾಹಿತ್ಯವನ್ನು ಅವರು ಸ್ಪೂರ್ತಿಯಾಗಿ ತೆಗೆದುಕೊಂಡಿದ್ದಾರೆ.

ಸ್ಟೆಬಿನ್ ಬೆನ್ ಮದುವೆ ಸಮಾರಂಭ

ಸ್ಟೆಬಿನ್ ಬೆನ್​ ಮತ್ತು ನೂಪುರ್ ಸನೋನ್ ಶನಿವಾರ (ಜ.10) ರಂದು ಕ್ರಿಶ್ಚಿಯನ್​ ಸಮುದಾಯದಂತೆ ವಿವಾಹವಾದರು. ಈ ಸಮಾರಂಭದಲ್ಲಿ ನಟಿ ನೂಪುರ್ ಬಿಳಿ ಬಣ್ಣದ ಗೌನ್ ಧರಿಸಿ ಮಿಂಚುತ್ತಿದ್ದರೆ, ಗಾಯಕ ಸ್ಟೆಬಿನ್​ ಬಿಳಿ ಬಣ್ಣದ ಟುಕ್ಸೆಡೋ ಧರಿಸಿ ಕಂಗೊಳಿಸುತ್ತಿದ್ದರು.
ಭಾನುವಾರ (ಜ. 11) ರಂದು ಈ ದಂಪತಿ ಹಿಂದೂ ಸಂಪ್ರದಾಯದಂತೆ 'ಫೇರಾ' (Pheras) ವಿಧಿವಿಧಾನಗಳ ಮೂಲಕ ಮದುವೆಯನ್ನು ಮಾಡಿಕೊಂಡರು. ಈ ಸಂದರ್ಭದಲ್ಲಿ ನೂಪುರ್ ಕೆಂಪು ಮತ್ತು ಪೀಚ್ ಬಣ್ಣದ ಲೆಹೆಂಗಾ ಧರಿಸಿದ್ದರೆ, ಸ್ಟೆಬಿನ್ ಐವರಿ ಶೇರ್ವಾನಿಯಲ್ಲಿ ಕಂಗೊಳಿಸುತ್ತಿದ್ದರು.
ಮದುವೆ ಸಮಯದಲ್ಲಿ ಬಾಲಿವುಡ್​ ತಾರೆಯರಾದ ಮೌನಿ ರಾಯ್, ದಿಶಾ ಪಟಾನಿ ಅವರು ವಿವಾಹದ ಸುಂದರ ಕ್ಷಣಗಳನ್ನು ತಮ್ಮ ಇನ್​ಸ್ಟಾಗ್ರಾಮ್​ನಲ್ಲಿ ಹಂಚಿಕೊಂಡಿದ್ದು, ನಾವು ಯಾವಗಲೂ ಸುಂದರವಾಗಿ ನಿಂತಿದ್ದೇವೆ, ಹಾಗೆಯೇ ಚೆನ್ನಾಗಿರುತ್ತೇವೆ ಎಂದು ಸಾಲುಗಳನ್ನು ಬರೆದು ಹೇ ಬೆಸ್ಟಿ ಎಂದು ಶೀರ್ಷಿಕೆ ನೀಡಿ ಪೋಸ್ಟ್​ ಹಂಚಿಕೊಂಡಿದ್ದರು.
ಈ ಖಾಸಗಿ ಸಮಾರಂಭದಲ್ಲಿ ಕೃತಿ ಸನೋನ್, ಮೌನಿ ರಾಯ್, ದಿಶಾ ಪಟಾನಿ, ವರುಣ್ ಶರ್ಮಾ ಮತ್ತು ತೇಜಸ್ವಿ ಪ್ರಕಾಶ್ ಸೇರಿದಂತೆ ಬಾಲಿವುಡ್‌ನ ಹಲವು ಗಣ್ಯರು ಭಾಗವಹಿಸಿ ನವ ಜೋಡಿಗೆ ಶುಭಕೋರಿದರು (ಏಜೆನ್ಸೀಸ್​).
Bollywood
DishaPatani
MouniRoy
KritiSanon
stebinben
christianceremony
nupursanon
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net