Viral Video: ಸ್ವರ್ಣ ಮಂದಿರದಲ್ಲಿ ಭಕ್ತರು ತಿಂದುಂಡ ಪಾತ್ರೆ ತೊಳೆದ ಪ್ರಿಯಾಂಕಾ ಚೋಪ್ರಾ!

ಹೌದು, ಮಹಾವೀರ ಜಯಂತಿಯ ಶುಭ ಸಂದರ್ಭದಲ್ಲಿ ಪಂಜಾಬ್‌ನ ಅಮೃತಸರಕ್ಕೆ ಭೇಟಿ ನೀಡಿದ್ದ ಪ್ರಿಯಾಂಕಾ, ಅಲ್ಲಿನ ಪ್ರಸಿದ್ಧ ಶ್ರೀ ಹರ್ಮಂದಿರ್ ಸಾಹಿಬ್ (ಸ್ವರ್ಣ ಮಂದಿರ) ಆವರಣದಲ್ಲಿ ಭಕ್ತಿಭಾವದಿಂದ ಸೇವಾ ಕಾರ್ಯಗಳನ್ನು ನಡೆಸಿದ್ದಾರೆ. ಇದಕ್ಕೆ ಸಂಬಂಧಿಸಿದ ವಿಡಿಯೋಗಳು ಈಗ ಇಂಟರ್ನೆಟ್‌ನಲ್ಲಿ ಸಖತ್ ವೈರಲ್ ಆಗುತ್ತಿವೆ.

ಮಾಚ್ 31ರಂದು ಮಹಾವೀರ ಜಯಂತಿಯ ಪ್ರಯುಕ್ತ ಪ್ರಿಯಾಂಕಾ ಚೋಪ್ರಾ ಸ್ವರ್ಣ ಮಂದಿರಕ್ಕೆ ಭೇಟಿ ನೀಡಿದ್ದರು. ಈ ವೇಳೆ ಅವರು ಅತ್ಯಂತ ಸರಳವಾಗಿ ಪಿಂಕ್ ಬಣ್ಣದ ಸಾಂಪ್ರದಾಯಿಕ ಚೂಡಿದಾರ್ ಧರಿಸಿದ್ದರು. ತಲೆಯ ಮೇಲೆ ದುಪಟ್ಟಾ ಹೊದ್ದು, ಬರಿಗಾಲಿನಲ್ಲಿ ಮಂದಿರ ಪ್ರವೇಶಿಸಿದ ನಟಿ, ಸಾಮಾನ್ಯರಂತೆ ದರ್ಶನ ಪಡೆದರು.

ದರ್ಶನದ ನಂತರ ಪ್ರಿಯಾಂಕಾ ಅವರು ಮಂದಿರದ ಆವರಣದಲ್ಲಿ ಪಾತ್ರೆಗಳನ್ನು ತೊಳೆಯುವ ಮೂಲಕ 'ಸೇವೆ' (Seva) ಸಲ್ಲಿಸಿದ್ದಾರೆ. ಸೆಲೆಬ್ರಿಟಿ ಎಂಬ ಹಮ್ಮುಬಿಟ್ಟು ಲಂಗರ್‌ನಲ್ಲಿ (ಉಚಿತ ಅನ್ನದಾಸೋಹ) ಬಳಸಿದ ಪಾತ್ರೆಗಳನ್ನು ಸ್ವಚ್ಛಗೊಳಿಸುತ್ತಿರುವ ನಟಿಯ ವಿಡಿಯೋ ನೋಡಿ ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. "ಇಷ್ಟೊಂದು ಎತ್ತರಕ್ಕೆ ಬೆಳೆದರೂ ತನ್ನ ಸಂಸ್ಕೃತಿ ಮತ್ತು ಸರಳತೆಯನ್ನು ಮರೆತಿಲ್ಲ" ಎಂದು ನೆಟ್ಟಿಗರು ಕಮೆಂಟ್ ಮಾಡುತ್ತಿದ್ದಾರೆ.

ಅಮೃತಸರಕ್ಕೆ ಭೇಟಿ ನೀಡಿದ್ದ ಪ್ರಿಯಾಂಕಾ ಅಲ್ಲಿನ ರುಚಿಕರವಾದ ಉತ್ತರ ಭಾರತದ ಶೈಲಿಯ ಊಟವನ್ನು ಸವಿದಿದ್ದಾರೆ. ತಮ್ಮ ಇನ್‌ಸ್ಟಾಗ್ರಾಮ್ ಸ್ಟೋರಿಯಲ್ಲಿ ವಿಶೇಷ 'ಥಾಲಿ'ಯ ಫೋಟೋ ಹಂಚಿಕೊಂಡಿರುವ ಅವರು, "ಜಸ್ಟ್ ಅಮೃತಸರ ಥಿಂಗ್ಸ್..." (Just Amritsar things...) ಎಂದು ಬರೆದುಕೊಂಡಿದ್ದಾರೆ. ಈ ಥಾಲಿಯಲ್ಲಿ ಪಂಜಾಬ್‌ನ ಫೇಮಸ್ ಅಮೃತಸರಿ ಕುಲ್ಚಾ, ದಾಲ್ ಮಖನಿ, ಚೋಲೆ, ಮೊಸರು ಮತ್ತು ಉಪ್ಪಿನಕಾಯಿ ಇತ್ತು. ಈ ಸ್ಟೋರಿಗೆ ಪಂಜಾಬಿ ಗಾಯಕ ದಿಲ್ಜಿತ್ ದೋಸಾಂಜ್ ಅವರ 'ಸೋಹ್ನಿ ಲಗ್ದಿ' ಹಾಡನ್ನು ಹಿನ್ನೆಲೆಯಾಗಿ ಬಳಸುವ ಮೂಲಕ ಪಕ್ಕಾ ಪಂಜಾಬಿ ವೈಬ್ ಕ್ರಿಯೇಟ್ ಮಾಡಿದ್ದರು.

ಪ್ರಿಯಾಂಕಾ ಚೋಪ್ರಾ ಇತ್ತೀಚೆಗಷ್ಟೇ 'ದಿ ಬ್ಲಫ್' (The Bluff) ಸಿನಿಮಾದ ಚಿತ್ರೀಕರಣ ಮುಗಿಸಿದ್ದಾರೆ. ವಿಶೇಷವೆಂದರೆ, ಭಾರತದ ಖ್ಯಾತ ನಿರ್ದೇಶಕ ಎಸ್.ಎಸ್. ರಾಜಮೌಳಿ ಅವರ ಬಹುನಿರೀಕ್ಷಿತ 'ವಾರಣಾಸಿ' (Varanasi) ಸಿನಿಮಾದಲ್ಲೂ ಪ್ರಿಯಾಂಕಾ ಕಾಣಿಸಿಕೊಳ್ಳಲಿದ್ದಾರೆ ಎನ್ನಲಾಗುತ್ತಿದೆ. ಈ ಸಿನಿಮಾ 2027ರಲ್ಲಿ ತೆರೆಗೆ ಬರುವ ಸಾಧ್ಯತೆಯಿದೆ.

ಸದ್ಯಕ್ಕೆ ಪ್ರಿಯಾಂಕಾ ಅವರ ಈ ಅಮೃತಸರ ಭೇಟಿಯ ವಿಡಿಯೋಗಳು ಸೋಶಿಯಲ್ ಮೀಡಿಯಾದಲ್ಲಿ ಹೊಸ ಟ್ರೆಂಡ್ ಸೃಷ್ಟಿಸಿವೆ. ಅವರ ಈ ಭಕ್ತಿ ಮತ್ತು ಸರಳತೆ ಎಲ್ಲರಿಗೂ ಮಾದರಿಯಾಗಿದೆ,(ಏಜೆನ್ಸೀಸ್​).