ಧುರಂಧರ್​ ಸಿನಿಮಾ ಒಂದು ವ್ಯವಸ್ಥಿತ ಸಂಚು ಎಂದವರಿಗೆ ತಿರುಗೇಟು ಕೊಟ್ಟ ನಿರ್ದೇಶಕ ಆದಿತ್ಯ ಧರ್​​ | Dhurandhar

ಬಾಲಿವುಡ್​: ಧುರಂಧರ್​ ಈ ಸಿನಿಮಾ ಬಿಡುಗಡೆಯಾದ ದಿನದಿಂದ ಸದಾ ಸುದ್ದಿಯಲ್ಲಿರುವ ಸಿನಿಮಾವಾಗಿ ಗುರುತಿಸಿಕೊಂಡಿತು. ಈಗಾಗಲೇ ಬಾಕ್ಸ್​ ಆಫೀಸಿನಲ್ಲಿ 900 ಕೋಟಿ ಗಳಿಕೆ ಮಾಡಿ 1000 ಕೋಟಿ ಕ್ಲಬ್​​ ಸೇರುವ ನೀರಿಕ್ಷೆಯಲ್ಲಿರುವ ಸಿನಿಮಾ ಎಂದರೆ ಅದು ಧುರಂಧರ್​ ಆಗಿದೆ.

ಈ ಸಿನಿಮಾವನ್ನು ಬೆಂಬಲಿಸಿ ಸಿನಿಮಾ ಹಿಟ್​ ಆಗುವಲ್ಲಿ ಈ ಚಿತ್ರವನ್ನು ಬೆಂಬಲಿಸಿದವರಿಕ್ಕಿಂತ ಈ ಚಿತ್ರವನ್ನು ಟೀಕೆಮಾಡಿ ಈ ಸಿನಿಮಾ ಕೇವಲ ಒಂದು ಪ್ರೊಪಗಾಂಡಾ ಅಷ್ಟೇ ಎಂದು ಹೇಳಿದ ವಿರೋಧಿಗಳ ಕ್ರಪೆಯಿಂದ ಮತ್ತಷ್ಟು ಜನ ಈ ಸಿನಿಮಾ ನೋಡಲು ಹೋದರು ಎಂದರೆ ತಪ್ಪಾಗದು.

ಈ ಸಿನಿಮಾವನ್ನು ಹೇಗಾದರೂ ಮಾಡಿ ಸೋಲಿಸಲೇ ಬೇಕು ಎನ್ನುವ ಪ್ರಯತ್ನ ಸಾಕಷ್ಟು ನಡೆಯಿತು. ಈ ಸಿನಿಮಾದ ನಾಯಕ ನಟ ರಣವೀರ್ ಸಿಂಗ್ ಕಾಂತಾರದ ದೈವಕ್ಕೆ ಅಪಮಾನ ಮಾಡಿದ್ದಾನೆ ಈ ಚಿತ್ರವನ್ನು ದಕ್ಷಿಣ ಭಾರತದಲ್ಲಿ ಬ್ಯಾನ್​ ಮಾಡಿ, ಈ ಸಿನಿಮಾದಲ್ಲಿ ಮಿತಿ ಮೀರಿದ ಹಿಂಸೆಯಿದೆ ಯಾರು ಈ ಸಿನಿಮಾವನ್ನು ನೋಡಬೇಡಿ, ಬೇಕಂತಲೇ ಒಂದು ಸಮುದಾಯವನ್ನು ಗುರಿಮಾಡಿ ಸಿನಿಮಾವನ್ನು ರೂಪಿಸಿದ್ದಾರೆ ಹೀಗೆ ನಾನಾ ರೀತಿಯ ಪ್ರಯತ್ನಗಳು ನಡೆದವು. ಆದರೆ ಈ ಯಾವುದೇ ಮಾತುಗಳನ್ನು ತಲೆಗೆ ಹಾಕಿಕೊಳ್ಳದ ಜನ ಸಿನಿಮಾವನ್ನು ನೋಡಿ ಇದು ಭಾರತೀಯ ಚಿತ್ರರಂಗಕ್ಕೆ ಮೈಲಿಗಲ್ಲಾದ ಸಿನಿಮಾ ಎಂದು ಘೋಷಿಸಿ ಬಿಟ್ಟರು.

ಇಷ್ಟೆಲ್ಲಾ ವಿರೋಧಗಳು ಕೇಳಿಬುತ್ತಿದ್ದರೂ ಸಹ ಸಿನಿಮಾದ ನಿರ್ದೇಶಕ ಆದಿತ್ಯ ಧರ್​ ಏಕೆ ಯಾವುದೇ ಪ್ರತಿಕ್ರಿಯೆ ನೀಡುತ್ತಿಲ್ಲ ? ಎಂದು ಪ್ರೇಕ್ಷಕರು ಕೇಳುತ್ತಲೇ ಇದ್ದರು. ಇದಕ್ಕೆಲ್ಲಾ ಉತ್ತರವಾಗಿ ಈಗ ಆದಿತ್ಯ ಧರ್​ ಇನ್ಸ್ಟಾಗ್ರಾಮ್​ನಲ್ಲಿ ಸ್ಟೋರಿ ಒಂದನ್ನು ಪೋಸ್ಟ್​ ಮಾಡಿ ಸಿನಿಮಾದ ವಿರೋಧಿಗಳು ಮುಟ್ಟಿ ನೋಡಿಕೊಳ್ಳುವಂತೆ ಉತ್ತರಿಸಿದ್ದಾರೆ.

ಭಾರತೀಯ ಚಿತ್ರರಂಗದಲ್ಲಿ ಇತಿಹಾಸವನ್ನು ಪುನಃ ಬರೆಯಲಾಗಿದೆ. ದೇಶದ ಕುರಿತು ಎದೆಯಲ್ಲಿ ಬೆಂಕಿ ಮತ್ತು ಪ್ರೀತಿ ಹೊಂದಿರುವವರು ಸಿನಿಮಾವನ್ನು ಗೆಲ್ಲಿಸಿದ್ದಾರೆ. ಬಿಡುಗಡೆಯಾದ ವಾರದಲ್ಲಿ ಸಿನಿಮಾ ತಂಡದವರೇ ಟಿಕೆಟ್​ಗಳನ್ನು ಖರೀದಿ ಮಾಡಿದ್ದಾರೆ ಎಂದರು ನಂತರ ದಿನದಿಂದ ದಿನ ಚಿತ್ರಮಂದಿರಗಳು ಹೌಸ್​​ಫುಲ್​ ಆದ ನಂತರ ಅವರೆಲ್ಲಾ ಇದ್ದಕ್ಕಿದ್ದಂತೆ ಮೌನವಾದರು. ಇತ್ತೀಚೆಗೆ, ಯುಟ್ಯೂಬ್​ರ್​​ ಒಬ್ಬ ಧುರಂಧರ್​​ ಚಿತ್ರವನ್ನು ಟೀಕಿಸಲು ಪ್ರಯತ್ನಿಸಿ ಅವರೇ ಟೀಕೆಯ ಅಲೆಗೆ ಸಿಲುಕಿ ಸೋತುಹೋದರು ಎಂದು ಬರೆದುಕೊಂಡಿದ್ದಾರೆ.

ಧ್ರುವ್ ರಾಟೀ ಧುರಂಧರ್ ಬಗ್ಗೆ ಒಂದು ವೀಡಿಯೊ ಮಾಡಿದ್ದು, ಈ ಚಿತ್ರ ಕೇವಲ ಒಂದು ಪ್ರೊಪಗಾಂಡಾ ಎಂದು ತಮ್ಮ ವಿಡಿಯೋದಲ್ಲಿ ಹೇಳಿದ್ದರು. ಈ ಚಿತ್ರ ಕಾಲ್ಪನಿಕ ಕತೆ ಎಂದು ಹೇಳುತ್ತದೆ ಆದರೆ ನೈಜ ಘಟನೆಗಳ ಫೋಟೋಗಳು ಮತ್ತು ವೀಡಿಯೊಗಳನ್ನು ಬಳಸಿಕೊಂಡಿದೆ ಎಂದು ಧ್ರುವ್ ಹೇಳಿದ್ದರು. ಈ ವಿಡಿಯೋ ಬಿಡುಗಡೆಯಾದ ನಂತರ ಭಾರಿ ವಿರೋಧವನ್ನು ಎದುರಿಸಿದ ಧ್ರುವ್​ ಕಾಮೆಂಟ್​ ಸೆಕ್ಷನ್​​ನ್ನು ಕೆಲಕಾಲ ಆಫ್​ ಮಾಡಿದ್ದು, ನಂತರ ತನ್ನ ಚಂದಾದಾರು ಮಾತ್ರ ಕಾಮೆಂಟ್​ ಮಾಡಲು ಅವಕಾಶ ನೀಡಿದರು. ಆದಿತ್ಯ ಧರ್​ ನೀಡಿರುವ ಪ್ರತಿಕ್ರಿಯಲ್ಲಿ ಎಲ್ಲಿಯೂ ಸಹ ಯಾರ ಹೆಸರನ್ನು ನಮೂದಿಸಿಲ್ಲವಾದರೂ ಸಹ ಈ ಪ್ರತಿಕ್ರಿಯೆ ಧ್ರವ್​ ರಾಟೀಗೆ ನೀಡಿದ್ದೇ ಆಗಿದೆ ಎಂದು ಹೇಳಲಾಗುತ್ತಿದೆ,(ಏಜನ್ಸೀಸ್).